باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
ماركىسىزىمدى ۉيرۅنۉپ جانا ئش جۉزۉنۅن ۅتكۅرۉپ، جاڭى دوور جۇڭگوچو سوتسىيالىزىمدە بەكەم تۇرۇۇ جانا ۅنۉكتۉرۉۉ كەرەك
   2018-05-11 17:40:55     xjbs   

    بئر قانچا كۉندۅن بەرى، اپتونوم رايونۇنۇزدۇن جەر-جەرلەرىندەگى كادىر جۇرتچۇلۇعۇ ۇلاندۇۇ تۉردۅ باش شۇجئى شئى جئنپئڭدىن ماركىس دۉينۅگۅ كەلگەندىگىنىن 200 جىلدىعىن ەسكەرۉۉ جىينالىشندا سۉيلۅگۅن زارىل سۅزۉنۉن رۇحۇن تەرەڭ ۉيرۅندۉ. كۅپچۉلۉك جاڭى دووردو ماركىسىزىم تۇۇسۇن بىيىك كۅتۅرۉپ، ماركىسىزىمدى ۉيرۅنۉپ جانا ئش جۉزۉنۅن ۅتكۅرۉپ، جاڭى دوور جۇڭگوچو سوتسىيالىزىمدە بەكەم تۇرۇپ ارى ۅنۉكتۉرۅبۉز دەپ بئلدىرىشتى.

       باش شۇجئى شئى جئنپئڭ مىنا بۇلاردى كۅرسۅتتۉ: جاڭى دووردو، جۇڭگو كوممۇنىستەرى ۇلاندۇۇ ماركىسىزىمدى ۉيرۅنۉپ جانا ئش جۉزۉنۅن ۅتكۅرۉپ، اندان ئلمىي اقىل جانا نازارىيا كۉچتۉ توقتووسۇز قابىلداپ، «بەشتى بئر تۇلقۇلاشتىرۇۇ» جالپى ورۇنداشتىرۇۇسۇن بئر جۅڭكۉ جىلىشتاتىپ، «تۅرت جالپى بەتكەي» ىستىراتەگىيالىق ورۇنداشتىرۇۇسۇن شايكەشتىرىپ جىلىشتاتىپ، انسايىن بەكەم قايرات، انسايىن بەكەم ىشەنىم، انسايىن اقىلدۇۇلۇق مەنەن جاڭى دوور جۇڭگوچو سوتسىيالىزىمدە بەكەم تۇرۇپ ارى ۅنۉكتۉرۉۉسۉ كەرەك.  
     جۇڭگو ىلىمدەر اكادەمىياسى شئنجاڭ ەكولوگىيا جانا جۇعراپئيا ىزىلدۅۅ وردۇنۇن ورۇنباسار ىزىلدۅۅچۉسۉ، بىيولوگىيا جۇعراپئيا جانا بىيو زات بايلىعىن ىزىلدۅۅ وردۇنۇن ورۇنباسار مۇدۇرۇ جوۋ شاۋبئڭ ۉيرۅنۉۉدۅن كىيىن مىنداي دەپ بئلدىردى: «شئى جئنپئڭدىن جاڭى دوور جۇڭگوچو سوتسيالئزىم ئدىياسى ماركىسىزىمدى جۇڭگوچولوشتۇرۇۇنۇن ەڭ جاڭى ناتىيجاسى، پارتئيا جانا ەلدىن ئش جۉزۉندۉك تاجىرىيبالارى مەنەن چوعۇۇ اقىلىنىن ۇيۇتقۇسۇ، بئز سۅزسۉز ۇزۇن مەزگىل بەكەم تۇرۇۇبۇز ارى ۅنۉكتۉرۉۉبۉز كەرەك. مەن ئلمىي ىزىلدۅۅ قىزماتكەرى قاتارى، ىشەنىمدى بەكەمدەپ، چىندىقتى ئش جۉزۉنۅن ىزدەپ، باتىمدۇۇ ارقالاپ، جووپتۇۇ بولۇپ، جاڭىلىق جاراتۇۇعا مىقتى بولۇپ، ماقالانى ۇلۇۇ جەرگەگە جازىپ، جاڭى دووردو بىزدە جاڭى اراكەت بولۇۇسۇ كەرەك.»
      اپتونوم رايوندۇق رۇحۇ مادانىيلىك ئشقاناسى باراالىنا جەتبەگەندەر قىزماتى باشقارماسىنىن ورۇنباسار باشچىسى الىمجان اپىز مىنداي دەدى: ۉيرۅنۉۉ ارقىلۇۇ، ۉگۉتتۉ انسايىن جاقشى ىشتەپ، شئى جئنپئڭدىن جاڭى دوور جۇڭگوچو سوتسىيالئزىم ئدىياسىنان تۇرعان ازىرقى دوور ماركىسىزىمىن جۉزۅلۅشتۉرۉپ، ماركىسىزىمدى مەكتەپتەرگە، ساباققانالارعا كىرگىزىپ، وقۇۇچۇلاردىن مەەسىنە قۇيۇپ، اپتونوم رايونۇبۇزدۇن باراالىنا جەتبەگەندەر ئدىيا مۇرال قۇرۇلۇشۇ قىزماتىن انسايىن جىلىشتاتابىز. 
      شئنجاڭ ۇنۇۋىرستەتى ماركىسىزىم ئنىستىتوتۇنۇن اسپىرانتى لئى حاۋكۉن مىنا بۇلاردى بئلدىردى: مىندان ارقى ۉيرۅنۉۉ بارىشىمدا، ماركىسىزىمدىن نەگىزگى زاكونىياتىن قوومدۇق ئش جۉزۉندۉۉلۉك مەنەن ۅز ارا بىرىكتىرەم. ماركىسىزىم زاكونىياتىن ۉيرۅنۉۉنۉ، تۇرمۇش جانا قىزماتىمدا جۉزۅلۅشتۉرۉپ، ماركىسىزىم نەگىزگى ەرەجەلەرىن، زارىل چىعارمالارىن وقۇپ، تۉشۉۉنۅم. نازارىيا ۉيرۅنۉۉسۉ مەنەن شئنجاڭ قىزماتى باش نىشانىن بىرىكتىرىپ، ۉيرۅنگۅن نازارىيالارىمدى قووم جۇرتچۇلۇعۇنا ۉگۉتتۅيم.
    مەكىت وودانى شئيىتدۅڭ ايىلدىق بوربوردۇق باشتالعىچ مەكتەپتىن وقۇتۇۇچۇسۇ دئلارا ابدۇكىرەم مىنا بۇلاردى بئلدىردى: ۅز قىزماتىبىزعا بىرىكتىرىپ ماركىسىزىمدى جاقشى ۉگۉتتۅيم. بئز قالىڭ كادىر جۇرتچۇلۇعۇن جەتەكتەپ، ايرىقچا جاش ۅسپۉرۉمدۅردۉن سوتسىيالىستىك ارداق- نامىس قاراشىن تۇرعۇزۇۇبۇز كەرەك. مىندان ارقى قىزماتتارىمدا انسايىن چىمىرقانىپ، ۅزۉمدۉن كەسىپتىك ساپاتىمدى انسايىن جوعورۇلاتىپ، ۉگۉت ارقىلۇۇ جەتەكتۅۅ رولۇمدۇ انسايىن جاقشى ۅۅرچۉتۅم.
       باش شۇجئى شئى جئنپئڭ مىنداي دەپ كۅرسۅتكۅن: ەلچىلدىك ماركىسىزىم ئدىياسىنىن ەڭ كۅرنۉكتۉۉ مۉنۅزۉ. بئز ەلدىن مايدانىن تۉپكۉ مايدان قىلىپ، ەلگە باقىت جاراتۇۇنۇ تۉپكۉ مىلدەت قىلىپ، بۉت زەەنىبىز مەنەن ەل ۉچۉن تەيلۅۅ جۉرگۉزۉۉدۅي تۉپكۉ ماقساتتا بەكەم تۇرۇۇبۇز كەرەك.
      شئنجاڭ قۇرۇلۇش ئنىشتىتوتۇنۇن حوتەن شاارى ئلچى ايىلى سەيچى اقتاش قىشتاعىندا تۇرۇشتۇۇ قىزمات اتىرەتىنىن مۉچۅسۉ ياڭ ۋىنجوڭ مىنا بۇلاردى بئلدىردى: ئش جۉزۉندۉك قىزماتتا مۇنۇ ئش جۉزۉنۅن ۅتكۅرۉۉ كەرەك. ماركىسىزىمدىن بئزدىن دۉينۅنۉ تاانۇۇ جانا ۅزگۅرتۉۉبۉزدۅ وردۇ الماشقىس رولۇ بار، ۇچۇرداعى كەمباعالدىقتان ارىلتۇۇ چابۇۇلۇن جاقشى الىپ بارۇۇ قىزماتىنا بىرىكتىرىپ، كۅڭۉلدۉ توقتوتۇپ، چىنىعى ىشتەپ، قاراپايىم ەلگە جاقشى ئش، ناقتىلۇۇ ئش قىلىپ بەرىپ، چىنىعى كەمباعالدىقتان ارىلىتىپ، كەمباعالدىقتان چىنىعى ارىلتۇۇ كۉچ قوشوم.
        ماناس وودانى حانكازاتان ايىلى فۇجىيان- ماناس ەكولوگىيالىق قىشتاعىنىن جاش پارتئيا مۉچۅسۉ ۋاڭ فالئى مىنا بۇلاردى بئلدىردى: بئز ماركىسىزىم ئدىياسىن استايدئل ۉيرۅنۉپ، ەلدىك مايداندى بەكەمدەپ، باشتان- بويعو ەلدىن مايدانىندا بەكەم تۇرۇپ، نازارىيا جانا ئش جۉزۉندۉكتۉ ۅز ارا بىرىكتىرىپ، توقتووسۇز تۉردۅ بئزىن تۉردۉۉ قىزماتتارعا جەتەكچى قىلىپ جاقشى ىشتۅۅبۉز كەرەك.

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.