باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
ىشەنىم وتۇ تۉبۅلۉك ۅچبۅگۅن ـ جاۋ شىيان
   2018-05-11 17:42:25     xjbs   
     1901- جىلى، جاۋ شىيان سىچۇاندىن يوۋياڭدا (ازىر چۇڭچئڭدە) دۉينۅگۅ كەلگەن. 1915- جىلى جاۋ شىيان بەيجىن جوعورۇ داراجالۇۇ پەداگوگىيكا مەكتەبى قارماعىنداعى ورتو مەكتەپكە سىنوودون ۅتۉپ كىرەت. 1919- جىلى لئ داجاۋنىن تاانىشتىرۇۇسۇ مەنەن جاش ۅسپۉرۉمدۅر جۇڭگو ئلمىي قوومۇنا كىرەت، بىلەسەلۉۉلۉك مەنەن 4- ماي مەكەن سۉيۅردۉك قىيمىلىنا قاتىشات، «قاراپايىم قالىق اپتالىق جۇرنالى» «جاشتار» جارىم ايلىق جۇرنالى جانا «ىشتەپ جۉرۉپ وقۇۇ» جارىم ايلىق جۇرنالى سىياقتۇۇ جۇرنالداردىن باشقى رەداكتورلۇعۇنا قاتىشىپ، ىمپەرىيالىزىم جانا فەيودالىزىمگە قارشى ئدىيانى ۉگۉتتۅيت. 
       1920 -جىلى 5- ايدا، جاۋ شىيان فىرانسئياعا بارىپ بئر جاعىنان ىشتەپ بئر جاعىنان وقۇيت. 1921- جىلى جازدا، جاڭ شىنفۇ، جوۋ ىنلاي قاتارلۇۇلار مەنەن فىرانسئياداعى جۇڭگو كوممۇنىستىك پارتئياسىنىن العاچقى باسقىچتاعى ۇيۇمۇن قۇرۇپ، ج ك پ نىن مۉچۅسۉ بولوت. 1922- جىلى، جوۋ ىنلاي قاتارلۇۇلار مەنەن ەۋروپاداعى جۇڭگو جاش ۅسپۉرۉمدۅر كومپارتىياسىن قۇرۇپ، بوربوردۇق اتقارۇۇ كومىتەتىنىن شۇجئسى بولوت، ارتىنان ج ك پ نىن ەۋروپاداعى باشقى ياچايكاسىنىن مۉچۅسۉ جانا ج ك پ فىرانسئيا گۇرۇپپاسىنىن شۇجئسى بولوت. 1923- جىلى، جاۋ شىيان جانا چىن ياننئيان، ۋاڭ روفەي قاتارلۇۇلار بئر تۉركۉم جاشتاردى باشتاپ موسكۋا چىعىش ەمگەكچىلەر كوممۇنىستىك ۇنۋەرىستىتەتىنە ۉيرۅنۉۉگۅ بارات.
     1924- جىلى، جاۋ شىيان مەكەنگە قايتىپ قىزمات ىشتەيت، الدى - ارتى بولۇپ ج ك پ بەيجىن جەرگىلىكتۉۉ اتقارۇۇ كومىتەتىنىن باشچىسى، ج ك پ تۉندۉك رايون اتقارۇۇ كومىتەتى ۉگۉت بۅلۉمۉنۉن باشچىسى قوشۇمچا جۇمۇشچۇ- قىزماتچىلار اراكەتى كومىتەتىنىن مۇدۇرۇ بولۇپ، لئى داجاۋنىن تۉندۉك جاقتاعى ار قايسى ۅلكۅلۅردۅگۉ كۉرۅشۉنۅ شايكەشەت.  
      1926-جىلى 3-ايدا، جاۋ شىيان گۇاڭجۇدا اچىلعان 3- ىرەتكى ماملەكەتتىك ەمگەك ۅكۉلدۅرۉ جىينالىشىنا قاتىشات. جىينالىشتان كىيىن، پارتئيا بوربوردۇق كومىتەتى جاۋ شىياندى ج ك پ نىن جاڭسۇ- جەجىياڭ رايوندۇق كومىتەت ۇيۇمدۇق بۅلۉمدۉن باشچىسى، شاڭحاي جۇمۇشچۇلار باشقى ۇيۇشماسىنىن پارتئيا، ىنتىماق شۇجئسى قىلات، ارى قوشۇمچا جاڭسۇ- جەجىياڭ رايوندۇق كومىتەتى اسكەرىي ىشتەر كومىتەتىنىن شۇجئسى قىلات. ج ك پ جاڭسۇ- جەجىياڭ رايوندۇق كومىتەتىنىن جەتەكچىلىگى جانا ۇيۇمدووسۇندا، شاڭحايداعى ار سالاا جۇمۇشچۇلاردىن جۇمۇش تاشتوو كۉرۅشۉ بىردە باساڭداسا بىردە كۅتۅرۉلۉپ تۇرات. 1927- جىلى 3- ايدىن 21- كۉنۉ، شاڭحاي جۇمۇشچۇلارى 3- ىرەتكى قۇرالدۇۇ قوزعولوڭدۇ ۅتكۅرۅت. ۋۇحان قوزعولوڭۇندا، جاۋ شىيان ۅزۉ باشتااق بولۇپ الدىندا جۉرۉپ، بااتىردىق مەنەن سوعۇش قىلات. 30 نەچە سااتتىق قاتۇۇ تايماش ارقىلۇۇ، قوزعولوڭ قوشۇۇنۇ مئللتارىستەردىن اسكەرىي بۅلۉمدۅرۉن جەڭەت. بۇل ۇلۇۇ كۅڭتۅرۉش مەزگىلىندە جۇڭگو جۇمۇشچۇلار اراكەتىنىن بئر ىرەتكى ۇلۇۇ اراكەتى بولۇپ، تۉندۉككۅ جورتۇۇل جاسوو ارمئياسىنىن جاڭسۇ، جەجىياڭ سوعۇشۇنداعى جەڭىشىنە زارىل سالىم قوشقون.
       1924 - جىلى 4- ايدا، جىياڭ جەشى كۅڭتۅرۉشكۅ ساتقىندىق قىلىپ، كۅڭتۅرۉشكۅ قارشى ساياسئي ۅزگۅرۉش قوزعوپ، كوممۇنىستەر مەنەن كۅڭتۅرۉشچۉ قالايىق- قالقتى قىرعىندايت. 1927- جىلى 7- ايدىن 2- كۉنۉ، جاۋ شىيان باقىتقا قارشى قارمالىپ قالات. ال قاتۇۇ قىيناپ سۇراققا تارتىلسا داعى، باشتان- بويعو باش ىيبەيت. 7- ايدىن 19- كۉنۉ، جاۋ شىيان بااتىردىق مەنەن قۇرمان بولۇپ، 26 جاشتاعى جاشتىق قۇراعى مەنەن تاشقىنداعان ىسىق قانىن كۅڭتۅرۉش ىشتەرىنە ارنايت.
بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.