باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
اپتونوم رايونۇبۇز كۅپ تۉردۉۉ ىقماداعى كەسپتىك تەحنىكا تاربئيالووسۇن جالپىلاشتىرىپ، ەمگەكچىلەردىن چاربا جاراتۇۇسۇن، جۇمۇشقا ورۇنداشۇۇسۇن جىلىشتاتتى
   2018-05-16 19:26:42     xjbs   

    پارتئيا 19- قۇرۇلتاي بايانداماسىندا: «كەسىپتىك تەحنىكا تاربئيالووسۇن كەڭ كۅۅلۅمدۅ قۇلاچ جايىلتۇۇ كەرەك» دەپ ورتوعو قويۇلعان. اپتونوم رايونۇبۇز كۅپ تۉردۉۉ ىقماداعى كەسپتىك تەحنىكا تاربئيالووسۇن جالپىلاشتىرىپ، بۇيرۇتما الۇۇ، قىزمات وردۇن بەلگىلۅۅ، باعىتتۇۇ تاربئيالوونۇ جولعو قويۇپ، ەمگەكچىلەردىن تەحنىكا قۇرباتىن ارتتىرىپ، جۇمۇشقا ورۇنداشۇۇ، چاربا جاراتۇۇسۇن جىلىشتاتتى.  ىستانسىيابىز قابارچىلارى دوڭ جىيوڭ، ۋاڭ يىڭدەردىن قابارى : 
   جاقىندا، نىلقى وودانى قاراسۇۇ ايىلى چوڭ قاراسۇۇ قىشتاعى قاقتاپ قۇرعاتۇۇنۇ نەگىز قىلعان تاربئيالوو كۇرسۇن اچىپ، وڭوي ەلە ۉيرۅنۉۉگۅ بولو تۇرعان ۅنۅرلۅر، ارى ۅنۉگۉۉ كەلەچەگى جاقشى بولعوندۇقتان، 50 دۅن اشۇۇن دىيقان، مالچىلاردىن قاتتالۇۇسۇن ۅزۉنۅ تارتتى. بۉاتىحان ساتار دەمەيدە بەچىرنان پىشىرىپ جەگەندى جاقشى كۅرۅت، ۅزۉنۉن دۉكۅنۉن اچۇۇ ويۇ بار، بئروق تەحنىكاسى جەتەرلۉۉ بولبوي قالىشىنان قاباتىرلانىپ، پئلانى قالىپ قالعان. بۇل جولۇ قىشتاقتا تاربئيالووعو ۇيۇمداشتىرعانىن ۇعۇپ، بئرىنچى بولۇپ قاتتالدى. بۉاتىحان ساتار مىنداي دەدى:- «كۅپ نەرسەلەردى ۉيرۅنۉپ الدىم، ايرىقچا كەە بئر مايدا جاقتارىن بئر جاڭسىل قىلۇۇنۇ ۉيرۅنۉپ الدىم، ازىر ارى داامدۇ، ارى كۅرۉنۉشۉ جاقشى قىلىپ پىشىرا الا تۇرعان بولدۇم، بۇل مەنىن دۉكۅن اچۇۇ ىشەنچىمدى اشىردى، پارتئيا جانا ۅكۉمۅتتۉن ۇشۇنداي جاقشى مۅرت جاراتىپ بەرگەنىنە ىراقمات ايتام.»
  نىلقى وودانى قاراسۇۇ ايىلدىق قۇرالدۇۇ ساقچى بۅلۉك اتىرەتىنىن باشچىسى جىيا جىگاڭ قابارچىعا، بىيىلدان بەرى، ايىلدا جالپى 300 ادام ىرەتتەن اشۇۇن كۇرسانتتى تاربئيالاعانىن ايتىپ مىنداي دەدى:- «بۇل كۇرسانتتارعا قاراتا، الدىنقى مەزگىلدە وودانداعى كەە بئر جەمەكتىك زاۋوتتورۇ، بەچىرنان دۉكۅندۅرۉ، داعى كەە بئر اش-تاماق كەرقانالارى، قونوق ساراي قاتارلۇۇ جەرلەر مەنەن بايلانىشىپ، العاچقى ارىمدا 160 ادامدى جۇمۇشقا ورۇنداشتىردىق. مىندان سىرت، ۅزۉ دۉكۅن اچۇۇ ويۇ بار قىشتاق تۇرعۇندارىنا قاراتا، قىشتاقتان داعى وورۇن، چاربا جاراتۇۇ قارىز اقچا سىياقتۇۇ جاقتارىندا جاردام مەنەن قامداپ، داعىدا كۅپتۅگۅن ۅنۅرلۉۉ قىشتاق تۇرعۇندارىن جۇمۇشقا ورۇنداشتىرۇۇ ارقىلۇۇ كىرەشەسىن ارتتىرۇۇنۇ ئش جۉزۉنۅ اشىردىق.»
    تاربئيالوو اپاراتتارىنا سۉيۅنگۅندۅن سىرت، كەرقانانى نەگىزكى تۇلقۇ قىلعان قىزمات وردۇنا چىعۇۇدان مۇرداعى تاربئيالوونۇ قۇلاچ جايىلتۇۇ، اپتونوم رايون تۉيۉندۉۉ جالپىلاشتىرعان تاربئيالوو ىقمالارىنىن بئرى.
   4- ايدىن باشىندا، توقسۇۇ وودانى تاشارىق ايىلى ارامەللە قىشتاعىنىن تۇرعۇنۇ حالىدەم ۅمەر توقسۇۇ وودانى جىيانيئڭ توقۇماچلىق زاۋوتۇندا تاربئيالووعو قاتىشقان. ۇچۇردا، ال توقۇماچىلىق ماشىنەسىن ماشقۇلات قىلۇۇنۇ بىشىق ەەلەپ، ۅمۉرۉندۅكۉ بئرىنچى ماياناسىن الدى. حالىدەم ۅمەر مىنداي دەدى:- «مايانامدى قولۇما الىپ اياباي قۇباندىم، باش شۇجئى شئى جئنپئڭ: (باقىت كۉرۅشۉۉدۅن كەلەت) دەپ ايتقان. ازىر ەكى قولۇما تايانىپ اقچا تاپتىم، مىندان كىيىن داعىدا چىمىرقانىپ، داعىدا باقتىلۇۇ تۇرمۇش ۅتكۅرۅم»

   توقسۇۇ وودانى جىيانيئڭ توقۇماچىلىق زاۋوتۇنۇن باش دىرەكتورۇ ۋاڭ شۇلئى، زاۋوت «بئر ادامدىن جۇمۇشقا ورۇنداشۇۇسۇن جىلىشتاتىپ، بۉت ۉي-بۉلۅۅنۉن بايۇۇسۇن جەتەكتۅۅ» دەگەن تاانىم مەنەن، تاربئيالوو كۅۅلۅمۉن كەڭەيتۉۉ مەنەن قاتار، تاربئيالوو بەرەكەتىنە كەپەلەتتىك قىلعان، ۇچۇردا جەرگىلىكتەكى 600 تۅن اشۇۇن ادامدى جۇمۇشقا ورۇنداشتىرعانىن ايتىپ مىنداي دەدى: «توقسۇۇ وودانىبىزداعى كەمباعال تۉتۉندۅردۉن اشىنچى ەمگەك كۉچتۅرۉن زور مۅلچۅردۅ قابىلداپ جۇمۇشقا ورۇنداشتىرىپ جاتابىز، بئز قولمو-قول ۉيرۅتۉۉ ارعاسىن قولدونۇپ، نۅۅكۅر فورماسىنداعى باشقارۇۇ ىقماسى مەنەن الاردى قامسىز قىلىپ، كەرقانادا تۇرۇقتۇۇ قىزمات ىشتەتەبىز.»
    بىلۉۉگۅ قاراعاندا، بىيىل بئرىنچى مەزگىلدە، اپتونوم رايونۇبۇز 173 مئڭ 100 ادامدى تەحنىكا بويۇنچا تاربئيالاپ، 125 مئڭ 400 ادامدى جۇمۇشقا ورۇنداشتىرۇۇنۇ ئش جۉزۉنۅ اشىرىپ، جۇمۇشقا ورۇنداشتىرۇۇ سالىشتىرماسى بىلتىرقى وقشوش مەزگىلدەكىدەن 13.14 پويەنت جوعورۇلاعان. 7168 ادامدى چاربا جاراتۇۇ بويۇنچا تاربئيالاپ، 2425 ادام چاربا جاراتۇۇنۇ ئش جۉزۉنۅ اشىرىپ، چاربا جاراتۇۇسۇ جەڭىشتۉۉ بولۇۇ سالىشتىرماسى بىلتىرقى وقشوش مەزگىلدەكىدەن 0.53 پويەنت جوعورۇ بولعون. اپتونوم رايوندۇق ادام كۉچۉ بايلىعى جانا قوومدۇق قامسىزداندىرۇۇ نازاراتى كەسپى جۅندۅم قۇرۇلۇش باشقارماسىنىن باشىچىسى گاۋ شىياۋپئڭ مىنداي دەدى:- «كىيىنكى ارىمدا تەحنىك ىشكەرلەرى جانا كەسپتىك تەحنىك ىشكەرلەرىنىن اتاق الۇۇسۇن شىدىرلاشتىرۇۇنۇ ويلوشۇپ جاتابىز، ەمگەكچىلەردى تەحنىكاسى، تەحنىكاسىنىن بىشىپ جەتىلۉۉسۉ، تەحنىكا قۇرباتى ارقىلۇۇ ۅزۉنۉن قوومدوعۇ نارقىن ئش جۉزۉنۅ اشىرابىز.»

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.