باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
شئى جئنپىڭ جۇڭگو-ومان ەكى ماملەكەتىنىن دەپلوماتىيالىق بايلانىش ورنوتقوندۇعۇنۇن 40 جىلدىعىن قىزۇۇ قۇتتۇقتادى
   2018-05-28 00:09:36     xjbs   
 تۅراعا شئى جئنپىڭ 25-ماي جە 5-ايدىن 25-كۉنۉ ومان سۇلتاندىعىنىن سۇلتانى كابۇسكە قۇتتۇقتوو تەلەگىرامماسىن جۅنۅتۉپ، جۇڭگو-ومان ەكى ماملەكەتىنىن دەپلوماتىيالىق بايلانىش ورنوتقوندۇعۇنۇن 40 جىلدىعىن قىزۇۇ قۇتتۇقتادى. شئى جئنپىڭ قۇتتۇقتوو تەلەگىرامماسىندا مىنا بۇلاردى كۅرسۅتتۉ: مەن جۇڭگو مەنەن ومان بايلانىشىنىن ۅنۉگۉۉسۉنۅ ۅسكۅلۅڭ ماانئى بەرىپ، سئز مەنەن بئرگە ەكى ماملەكەتتىن دەپلوماتىيالىق بايلانىش ورنوتقوندۇعۇنۇن 40 جىلدىعىن وڭۇت دەپ قاراپ، ەكى ماملەكەت بايلانىشىنىن وردۇن ىستەراتەگىيالۇۇ شەرىك بايلانىشىن قاراي جوعورۇلاتۇۇنۇ چوعۇۇ جارىيالايمىن. مەن، مۇنۇن ەكى ماملەكەت بايلانىشىنىن ۅنۉگۉۉسۉن كۉچتۉۉ ساياسئي كەپەلەت مەنەن قامداپ، ەكى ماملەكەتتىن «بئر القاق بئر جول» قىزماتتاشىتىعىن چوعۇۇ قۇرۇۇدا كۅپتۅگۅن جەتىشكەندىكتەردى قولعو كەلتىرۉۉگۅ جەتەكتەپ، تاراپتاردىن ەل ارالىق جانا رايون ىشتەرىندەگى ورتوق تالامىن قورعوپ، ەكى ماملەكەت بايلانىشىن ۉزگۉلتۉكسۉز جاڭى باسقىچقا كۅتۅرۉۉنۉ تۉرتمۅكتۅۅسۉنۅ ىشەنەم . كابۇس قۇتتۇقتوو تەلەگىرامماسىندا مىنداي دەدى: ومان جاق جۇڭگو مەنەن بولعون بايلانىشقا ابدان جوعورۇ داراجادا ماانئى بەرىپ، دەپلوماتىيالىق بايلانىش ورنوتقون 40 جىلدان بەرى ەكى ماملەكەتتىن دوستۇق قىزماتتاشتىعىندا قولعو كەلتىرگەن ىشتىكتۉۉ ناتىيجالارىن قادىرلاپ، ومان مەنەن جۇڭگونۇن ىستەراتەگىيالۇۇ شەرىك بايلانىشىن قۇرۇپ ارى ۉزگۉلتۉكسۉز كۉچۅتۉپ، ەكى ماملەكەتتىن ورتوق تالامىن بئردەمجىي ىلگەرى سۉرۉۉنۉ قاالايت.
بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.