باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
بۉت چۅلكۅمدۉك ساياقاتچىلىق چەك اراداعى قووز جەردىن ەل تۇرمۇشۇ كەسىبنە ايلاندى
   2018-06-03 20:44:07     xjbs   

    ىلە قازاق اپتونوم وبلاستى ەكولوگىيالىق ساياقات، چەك ارا ساياقاتى، تىنىعۇۇ، دەن سوولۇق ساياقاتىن نەگىز تۇلقۇ قىلىپ، ماملەكەتتىن  بۉت چۅلكۅمدۉك ساياقات ۉلگۉ رايونۇن قۇرۇۇنۇ بار كۉچ مەنەن جىلىشتاتىپ،چەك ارا رايوندۇن كۅركۉن انسايىن چىعارىپ ەلە قالباي،ساياقاتچىلىقتى ەلدى بايىتىپ كىرەشەسىن اشىرا تۇرعان ەل تۇرمۇشۇ كەسىبىنە ايلاندىردى.  ىلە رادئيو ىستانسىياسىنىن قابارچىسى لئى ياندىن قابارى.

       نارات ساياقات ۅزگۅچۅ چاقان بازارىنداعى بئر ەلدىك قونوق ۉيۉندۅ، گۇاڭدوڭدون كەلگەن ساياقاتچى شىيە مەيۋىن تاڭ سااردا تەرەزەنى اچتى، جاشىل شىبەردىن جىتى ارالاش تازا ابا انىن دىماعىنا ۇرۇلدۇ، الىستا، جاپجاشىل نارات جايلووسۇ كۅز الدىنا تارتىلىپ جانى جىرعاي تۉشتۉ. ال مىنداي دەدى: «ىنتىرنەتتەن بۇل جاشتار ساياقات وردۇنا ەڭ جوعورۇ نومۇر بەرىلگەنىن كۅرگۅمۉن، كەلسەم چىنىندا  قۇباندىم، بۅلمۅلۅرۉ اياباي كەڭىرى ، ىسىق سۇۇسۇ جەتەرلۉۉ بولۇپ، تاڭ سااردا ويعونۇپ تەرەزەنى اچساڭىز، الىستاعى نارات جايلووسۇن كۅرۅ الاسىز» .  

     قونوق ۉي تئجاراتىن قوجويۇنۇ  جاڭ شۅپىڭ مىنداي دەدى: «جۇرتۇمدۇن ساياقات كەسىبى ابدان جاقشى ، بىلتىر سوودا ابدان جاقشى بولدۇ، بىيىل داعى بئر نەچە بۅلمۅنۉ كەڭىرتىپ قۇردۇم، مىندان كىيىن ەڭ جاقشى ەلدىك قونوق ۉي تئجاراتى مەنەن الپۇرۇشام». بۉگۉنكۉ كۉندۅ، نارات ساياقات ۅزگۅچۅ چاقان بازارى العاچقى كۅلۅمدۅۅ قۇرۇلۇپ بۉتتۉ، بازاردا جاڭ شۅپىڭعا وقشوش ارزان جاقشى قونوق ۉي تئجاراتى مەنەن الپۇرۇشقانداردىن  ۇزۇن سانى جۉزگۅ جەتتى. ساياقاتچىلقتى ۅنۉكتۉرۉۉ ارقىلۇۇ بازاردىن ساياقات ەستەلىك بۇيۇمدارىن اچىپ ۅنۉكتۉرۉ، اتچاندار اتىرەتىنىن تەيلۅۅسۉ سىياقتۇۇ قاتىشتۇۇ كەسىپتەردى ۉزگۉلتۉكسۉز زورويتۇپ، انسايىن كۅپتۅگۅن دىيقان مالچىلار ساياقاتچىلىققا قاتىشىپ، كىرەشە جولۇن كەڭىرتتى.
 
      ەكولوگىيالىق ساياقاتتى ۇلاندۇۇ ۅنۉكتۉرۉۉ مەنەن بىرگە، چەك ارا ساياقاتى سىناق رايونۇنۇن قۇرۇلۇشۇنا ەەرچئي، بىيىل 1-ايدان 4-ايعا چەيىن، جۇڭگو قورعوس چەك ارا قىزماتتاشتىق بوربورۇ ساياقاتچىلاردان جالپى 1 مئلىيون 500 مئڭ ادام ىرەت تەكشەرىپ ۅتكۅزدۉ. قورعوستوعۇ بئر باجى كەچىرىم قىلۇۇ دۉكۅنۉن اچقان لىيۇحى: ازىر اركۉنكۉ ساتۇۇ سۇمماسىنىن التى ورۇندۇ سانعا جەتكەنىن ايتىپ مىنداي دەدى: « بئزدىن باجى كەچىرىم قىلعان دۉكۅنۉبۉزدۅ، ازىر توۋارلاردىن سانى 2 مئڭ تۉردۅن اشات، ساياقاتچىلىقتىن دۇۇماندۇۇ مەزگىلى جەتىپ كەلگەندە، جۇڭگو چەت ەلدىك ساياقاتچىلاردىن سانى كۅبۅيۅت، ازىر اركۉنۉ ساتۇۇ سۇممابىز نەگىزىنەن 400 مئڭ يۇانعا جەتەت» .

        بۉت چۅلكۅمدۉك ساياقات ۉلگۉ رايونۇن قۇرۇۇ جالپى تۇلقۇ دولبوورۇنا نەگىز، بىيىلدان باشتاپ، ىلە وبلاستى ساياقات ماركەلۉۉ بۇيۇمدار قۇرۇلۇشۇن جولعو قويۇۇنۇ تەزدەتىپ، چەك ارا اتتاعان ساياقات قىزماتتاشتىق رايونۇ، چەگارا ساياقات سىناق رايونۇن قۇرۇۇنۇ جىلىشتاتىپ، بئر تۉركۉم ماملەكەتتىك ساياقات كۅرك رايونۇن قۇرۇۇنۇ ىلگەرى سۉرۅت. بىيىل 1-ايدان 4-ايعا چەيىن، ىلە وبلاستى جالپى كۉتۉپ العان ساياقاتچى 5 مئلىيون 500 مئڭ ادام ىرەتتەن اشىپ، وقشوش مەزگىلدەكدەن ٪17.78 ارتىپ، ساياقات كىرەشەسى 3 مئلىيارات 998 مئلىيون يۇان بولعون، وقشوش مەزگىلدەكىدەن ٪13.51 جوعورۇلاعان. مىندان كىيىن  ىلە وبلاستى ىلە ەل ارالىق ساياقات جىلعاسى، ماملەكەتتىك بۉت چۅلكۅمدۉك ساياقات ۉلگۉ رايونۇن جەتەكچى قىلىپ، بۉت چۅلكۅمدۉك ساياقاتچىلىقتى ۅنۉكتۉرۉۉ قادامىن بىردەمجي ىلگەرى سۉرۅت. ىلە وبلاستىق ساياقات مەكەمەسىنىن باشچىسى گوڭ ۋيبىن مىنداي دەدى: "بۉت چۅلكۅمدۉك ساياقاتچىلىقتا تاش جولدۇ ساياقات تاش جولۇ، دارىيانى كۅرك رايونۇن دارىياسى قىلىپ قۇرابىز، توقويدۇ كۅرك رايونۇن توقويۇ قىلىپ قۇرۇپ چىعابىز، بااردىق جەرلەردى كۅرك رايونعو ايلاندىرابىز. ارقايسى كەسىپ ارقايسى سالااداعىلار < چەك اراداعى قووز جەر ىلە > نىن ۇشۇل تۉرلۉۉ جاقشى وبرازىن تۇرعۇزۇپ،  ەڭ قووز كۅرۉنۉشتۅردۉ قۇرۇپ چىعابىز ".

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.