باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
چەبەر قولۇ مەنەن باقتىلۇۇ تۇرمۇش جاراتۇۇ
   2018-06-03 20:48:44     xjbs   

    شايار وودانى نۇرباق ايىلى نۇرباق قىشتاعىنىن تۇرعۇنۇ نۇرنئساحان نئياز، كىچىنەسىنەن وورۇنۇن ايىنان جاقشى ۅسۉپ جەتىلە الباي، بويۇ اراڭ 1 مەتىر بولۇپ قالعان. جەڭىلۉۉگۅ مويۇن بەربەي تۇرعان ال، تاعدىرعا باش ىيبەي، كۉرۅشۉۉ ارقىلۇۇ ۅزۉنۅ تااندۇۇ باقتىلۇۇ تۇرمۇشۇن جاراتتى. ىستانسىيابىز قابارچىسى ۋاڭ يئڭدىن قابارى. 
      
نۇرنئساحان نئيازدىن ۉيۉنۅ كىرگەندە، ال ۇۇلۇ مەنەن قامىش ساباعىن جانچىپ، بورىيا توقۇۇعا قامىنىپ تۇرعان ەكەن. نۇرنئساحان نئيازدىن ۉيۉ كەمباعال، دەنە سالاماتتىعى ايىنان دىيقانچىلىق ىشتەرىن ىشتەي الباي، كۅڭۉلۉن مۇڭ باسقان ال، دايىما ۉيۉ ۉچۉن بئر كىشىلىك كۉچ چىعارۇۇنۇ ويلوپ جۉرگۅن:- «دەن سوولۇعۇم جاقشى ەمەس، ىشتەمچى بولسوم داعى اقچا تابا البايىم، اتامدىن بورىيا توقۇعانىن كۅرۉپ، ۇشۇل جاقشى ئش ەكەن، ۇشۇنۇ ىشتەي العىدايمىن دەپ ويلودۇم.»

    ۉيرۅنۉۉگۅ چەبەر نۇرنئساحان نئياز  بورىيا توقۇۇ ۅنۅرۉن تەز ەلە ۉيرۅنۉپ الات، بئروق الا، ۅزۉ توقۇعان بورىيالاردىن ساتىلۇۇ جولۇ جاقشى ەمەستىگىن بايقايت. وشونۇ مەنەن ال اتاسىنان ۉيرۅنۉپ، استايدئل ىزىلدەپ ۅزگۅرتۅت:- «جاڭىدان ۉيرۅنگۅندۉكتۅن، توقۇعان بورىيالار جىش ەمەس،ەنى تار بولۇپ قالدى، مىندايدا بىشىق بولبويت. اتامدىن جەتەكتۅۅسۉندۅ اقىرىن-اقىرىن ۅزگۅرتۉپ، اقىرىن-اقىرىن كۅپچۉلۉكتۉن مويۇندووسۇنا ەە بولدۇم، كىيىن بارعانسايىن جاقشى بولۇپ كەتتى.»

    2014- جىلى، كۉيۅۅسۉ وورۇ ايىنان كۅز جۇمعاندان  كىيىن، نۇرنئساحان نئياز بالاسى جانا كەلىنىنە بورىيا توقۇۇنۇ ۉيرۅتۅت. بۉگۉنكۉ كۉندۅ، الاردىن ۉي-بۉلۅۅسۉ توقۇعان بورىيالار قىشتاقتا جانا ايلاناسىنداعى ايىل-بازاردا «بازارى تەز بۇيۇم»عا ايلانعان، ايرىقچا جەر-جەرلەر بەيپىل قونۇشتاندىرىپ ەلدى بايىتۇۇ ۉيلۅرۉن سالعاندا، بورىيا اجاتتى قاندىرا الباي، بئر جايدا ەلە 10 مئڭ يۇاندان اشۇۇن تاپقان. بىيىل جىل باشىندا، نۇرنئساحان نئياز قىشتاقتا بورىيا توقۇۇ قول ۅنۅر بۇيۇمدارى دىيقاندار كەسپى قىزماتتاشتىق كوپىراتىبىن قۇرۇپ، ايلاناسىنداعى قىشتاق تۇرعۇندارىنىن ورتوق بايۇۇ جولۇنا قوشۇلۇۇعا شىقتاندىرعان، ازىرعا چەيىن قىزماتتاشتىق كوپىراتىبى ۅنۉكتۉرگۅن كوپىراتىپ مۉچۅسۉ 56 عا جەتكەن:- « «باش شۇجئى شئى جئنپئڭ: باقىت كۉرۅشۉۉدۅن كەلەت دەگەن». ەكى قولۇما سۉيۅنۉپ سۅزسۉز جاقشى كۉن ۅتكۅرۅرۉمۅ ىشەنەم. ازىر ايلانامداعىلار مەنەن چوعۇۇ ۇشۇل ئشتى ىشتەپ جاتام، كۅپچۉلۉك ورتوق چىمىرقانىپ، جاقشى كۉنگۅ جەتەبىز.»

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.