باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
 چوڭ- چوك ىيگىيىكتەرگە جەتكەن چىعاچچى
   2018-06-03 21:29:24     xjbs   

     كىچىك جىعاچچىلىقتان مال مۉلكۉ ون مئلليوندون اشقان چاربا جاراتۇۇچۇ، ماناس وودانى حۇافىڭ ۉي شايماندارى چىڭجيۇتىيەن ۉي جابدىقتار جەكەلىك تۇرمۇش سارايىنىن جووپتۇۇسۇ شەتاۋ سىزىل كۉرۅشۉپ، ۅز قولۇنا سۅۅنۉپ باقتىلۇۇ تۇرمۇشۇن قولعو كەلتىردى.  ماناس ىستانسىياسىنىن قابارچىسى ياڭ شىمئڭدىن قابارى:

    بىيىل 44 جاشقا كىرگەن شيەتاۋ كىچىگىندە كەمباعال ۉي بۉلۅۅدۅ ۅسۉپ، تولۇقسۇزدۇ بۉتۉرۉپ ەلە جىعاچچىلىق ۅنۅرۉن ۉيرۅنگۅن. ۉچ جىلدىق ۉيرۅنۉۉ تۇرمۇشۇ شەتاۋعا جاپاا ماشاقاتقا چىداعان ، قاجباس رۇحۇن جەتىلدىردى. ۉيۉنۉن جۉگۉن جەڭىلدەتۉۉ ۉچۉن، ال 17 جاشىندا ەلە چىعىش تۉندۉككۅ بارىپ جۇمۇش ىشتەپ جانىن باققان، 20 جاشقا كىرگەندە شئنجاڭعا كەلىپ كۉن كەچىرگەن. ال مىنداي دەدى: نەچە جۉز يۇان مەنەن قانا شئنجاڭعا كەلدىم، جاڭىدان كەلگەندە چىلانعان جاشىلچا، مومۇنۇ ەڭ كۅپ جەچۉمۉن، مومۇنۇ قازانعا سالىپ ىستىپ، چىنىن ايتسام بئر جاعىنان مومۇ جەسەم بئر جاعىنان ىيلاچۇمۇن.

     شئنجاڭعا جاڭىدان كەلگەندە، شەتاۋ چار تاراپتا ىشتەپ، اشقانا دا اچىپ كۅرگۅن، بئروق بااردىعىنىن سووداسى جاقشى بولبوي، ۉي شايماندارى بازارىنىن ابالىن ەەلەگەندەن كىين، ال ۅزۉنۉن جىعاچچىلىق ۅنۅرۉنۅن پايدالانىپ ماناس وودانىندا بئر جىعاچچلىق دۉكۅنۉن اچقان. ال مىنداي دەدى: دايىما ار كۉنۉ كەچكە چەيىن جۇمۇش ىشتەپ تۉنكۉ ساات 2، 3 كە چەيىن ىشتەيىم، ال كەزدە جۇمۇش ىشتەگەن جەرىم مەنەن جاتقان بۅلمۅم 20  چارچى  مەتىرگە جەتبەچۉ، ال جەردەكى قىزمات ۉستۅلۉ كۉندۉزۉ مەنىن قىزمات ۉستۅلۉم بولسو كەچىندەسى مەنىن ۇقتايتۇرعان كەرەبەتىم ەلە.

     ۅز سووداسىنىن بارعانسايىن جاقشىلانعانىن كۅرۉپ، شەتاۋ ۉي  جابدىقتارى ۅندۉرۉشۉ مەنەن ۉي  جابدىقتارىن ساتۇۇ سووداسىن كەڭىرتۉۉنۉ ويلوعون، بئروق بۇل ويۇنا كەسىپتەشتەرى گۉمۅندۉۉ قارادى. ال مىنداي دەدى: مەن داعى ۉي  جابدىقتارى دۉكۉنۉن اچۇۇ ويۇمدۇ ايتقانىمدا، كۅپتۅگۅن كەسىپتەشتەرىم مەنى ماسقارالاپ، سەن كىچىك تۇرۇپ ۉي جابدىقتارى دۉكۅنۉن اچا الاسىڭبى؟ زىيان تارتىپ تاماق دا جەي الباي قالبا دەشىپ قاقشىقتاپ، جىنىمە تئيدى.

 وشەنتىپ شە تاۋ 10 مئڭ يۇان جىيناعان اقچاسىنا جانا باشقالاردىن سۇراعان 10 مئڭ اقچاسىنا 30 چارچى مەتىر ۉيدۉ ئجاراعا الىپ ۉي جابدىقتارى دۉكۅنۉن اچىپ، جاسوو، ساتۇۇ، ۉگۉتتۅۅ، توۋار جەتكىرۉۉنۉن باارىن ۅزۉ جالعىز ىشتەدى،  بئر قىيلا مىقتۇۇ جاسوو ۅنۅرۉ جانا چىن ىقىلاستۇۇ ىشەنىمدۉۉلۉك تەيلۅۅ پورىتسىياسى مەنەن انىن سووداسى بارعان سايىن جاقشىلاندى. 2011- جىلى ماملەكەت مايرامىندا انىن ۉي جابدىقتارىنىن كۉندۉك ساتىلۇۇ سومماسى 1 مئللىيون 600 مئڭ يۇانعا جەتىپ، كۅپتۅگۅن كەسىپتەشتەرىن تاڭ قالتىردى. بۉگۉنكۉ كۉندۅ شەتاۋنىن ۉي جابدىقتارى دۉكۅنۉ 6000 چارچى مەتىرگە كەڭىردى، وشوندوي ەلە 30 ارتىق جۇمۇشچۇ قابىلدادى. ال مىنداي دەدى:« باش شۇجئى شئى جئنپىڭ: باقىت كۉرۅشۉۉدۅن كەلەت دەپ باساا كۅرسۅتكۅن، بۉگۉنكۉ كۉندۅكۉ باقتىم ۅزۉمدۉن چىمىرقانۇۇمدان كەلگەن، ازىر بئر ون جۇمۇشچۇبۇز ىشتەپ، قانچا ون ۉي- بۉلۅنۉ باعىپ جاتابىز، بۇل مەنىن سىيمىقتاناتۇرعان جەرىم، مەن باقتىلۇۇمۇن».

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.