باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
ۉرۉمچۉ- سانجى تاش جولۇ تۇدۇڭحابا القىما كۅرك كۅپۉرۅسۉندۅ بىيىل 10- ايدا جالپى بەتكەي قاتتوو باشتالارى بوجومولدوندۇ
   2018-06-03 21:33:21     xjbs   

ۉرۉمچۉ- سانجى تاش جولۇ تۇدۇڭحابا القىما كۅرك كۅپۉرۅسۉ قۇرۇلۇشۇندا ۇچۇردا چۇقۇل قۇرۇلۇش الىپ بارىلىپ جاتات، بىيىل 10- ايدا جالپى بەتكەي قاتتوو باشتالارى بوجومولدوندۇ. قاتتوو باشتالعاندان كىيىن ەكى جەردەگى ادامداردىن ساپارعا چىعۇۇسۇنا وڭويلۇق جارالىپ ەلە قالباي، داعى ساياقاتچىلاردى  ەس الىپ جاڭى كۅركتۅن ۉزۉر الۇۇ مۅرتۉ مەنەن قامدايت.

ۇچۇردا ۉرۉمچۉ- سانجى تاش جولۇ تۇدۇڭحابا القىما كۅرك كۅپۉرۅسۉ قۇرۇلۇشۇنۇن تۉشتۉك قاپتالى جاابىق قۇرۇلۇش قىلۇۇ باسقىچىنا كىردى، 10 قانچا قازۇۇ ماشئناسى، تاشمالدوو ماشئناسى جولدون ۇلۇن چىعارۇۇ ماشقۇلاتىن الىپ بارىپ جاتات. قۇرۇلۇش قىلۇۇچۇ تاراپ- جۇڭگو تەمىر جول 11-مەكەمەسىنىن تەحنىكا جووپتۇۇسۇ سوڭ حان مىنداي دەدى:« تۉشتۉك قاپتالىنىن كەە بئر قۇرۇلۇشتارى بۉتتۉ، تۉندۉك قاپتالىندا 6-ايدىن 5- كۉنۉنۅن 25- كۉنۉنۅ چەيىن جاابىق فورمادا قۇرۇلۇش الىپ بارىلات، قازۇۇ قۇرۇلۇشۇ بۉتكۅندۅن كىيىن، كۅل استى ماشقۇلاتى الىپ بارىلات، بۉتكۅندۅن كىيىن كۅپۉرۅدۅن قاراسا شارقىراتمانىن قووز كۅركۉ چىعا كەلەت».

ۉرۉمچۉ- سانجى تاش جولۇ تۇدۇڭحابا القىما كۅرك كۅپۉرۅسۉ شئنجاڭدىن تۇنعۇچ قوش قاباتتۇۇ بولوت  ۇستۇندۇۇ كۅپۉرۅ سانالات، الدىنقى قاباتى ۉرۉمچۉ- سانجى تەز تەمىپتۉۉ جولۇن جالعاشتىرىپ تۇراتۇرعان بولۇپ، بىلتىر 10- ايدا قاتتوو باشتالعان. الدىنقى قاباتى ايلاناداعى رايوندوردۇن قاتتووسۇن جالعاشتىرا تۇرعان قوشۇمچا جول بولۇپ جۅچۅندۅر جولۇ  جايعاشتىرىلعان، شاار تۇرعۇندارى، ساياقاتچىلاردىن ەس الىپ كۅركتۅن ۉزۉر الۇۇسۇنا وڭتويلۇلۇق جاراتقان. ۇچۇردا كۅپۉرۅنۉن الدىنقى قاباتىنداعى اسما چىراق ورنوتۇۇ، سىرتىن  قووزدوپ جاسوو، سىر بەرۉۉ جانا جۅچۅندۅر جولۇنا كىرپىچ جاتقىرۇۇ سىياقتۇۇ قۇرۇلۇشتاردىن بارى نەگىزىنەن بۉتكۅن، قالعان قاتتوو قووپسۇزدۇق جابدۇۇلارى، جارىتۇۇ، قوشۇمچا جابدۇۇ سىياقتۇۇ قۇرۇلۇشتار 7- ايدىن ەتەگىنەن مۇردا بۉتۅت ەكەن.
 
سانجى شااردىق قاتتوو ساقچى تاشمال مەكەمەسىنىن باشچىسى لئى دوڭ مىنداي دەدى:« اتالعان كۅپۅرۅ بۉتكۅندۅن كىيىن ەكى جەردىن ۅنۉگۉۉسۉ جانا تۇرعۇنداردىن ساپارعا چىعۇۇسۇن وڭتويلۇق مەنەن قامدايت، 10- ايدىن ەتەگىنەن مۇردا قاتتوو باشتالىپ، ۉرۉمچۉ- سانجىنى شايكەشتۉۉ ۅنۉكتۉرۉپ، ەلدىن  ساپارعا چىعۇۇسۇنا وڭتويلۇق جاراتىپ، ەكى جەردەگىلەردىن قارىم- قاتتووسۇن اربىتات».

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.