باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
 «ساياقات + بالىقچىلىق»تىن جۇۇرۇلۇشۇپ ۅنۉگۉۉسۉن جىلىشتاتىپ، بۇۇرۇلتوقوي وودانى كەسىپ تئبىن ۅزگۅرتۉپ داراجاسىن ۅستۉرۉۉنۉ باچىم ىلگەرى سۉرۉۉدۅ
   2018-06-03 21:41:24     xjbs   

   «تۉندۉكتۅگۉ بالىق مەكەنى» دەگەن اتى بار بۇرۇلتوقوي وودانى، ەس الۇۇ بالىقچىلىقتىن باش كۅتۅرۉۉ وڭۇتۇن بەكەم قارماپ،  «ساياقات + بالىقچىلىق»تىن جۇۇرۇلۇشۇپ ۅنۉگۉۉسۉن باچىم جىلىشتاتۇۇدا.  ىستاسىيابىز قابارچىسى حامئت جانا پىراكتىكانت قابارچى سۉ ۋەيفىڭدىن بۇل جۅنۉندۅگۉ قابارى:

  2017-جىلى بۇرۇلتوقوي وودانىنىن سۇۇ تۉشۉمدۅرۉ سوودا جالپى مۅلچۅرۉ 8430 توننا بولۇپ، تۉشۉم نارقى 184 مئللىيون يۇانعا جەتكەن. ساياقاتچىلىق، بالىقچىلىقتىن جۇۇرۇلۇشۇپ ۅنۉگۉۉسۉن تەزدەتۉۉ ۉچۉن، بۇرۇلتوقوي وودانى بالىقچىلىق ۅندۉرۉشۉندۅ تئبىن ۅزگۅرتۉپ داراجاسىن ۅستۉرۉۉسۉنۅ شىق بەرىپ، «ەس الىپ بالىق قارموو + بالىقچىلىق ۅندۉرۉشۉ + كۉتۉنۉۉ ساياقات» باازاسىن كۉچ سالاا جاراتتى.
   
     ووداندان 25 كىلومەتىر الىستاعى ۉلۉڭگۉر كۅلۉ مەنەن چەكتەشكەن ماملەكەت داراجالۇۇ بالىقچىلىق ەس الۇۇ قىشتاعى بولعون-بۇرۇلتوقوي رۇيشۅ بالىقچىلىق ەكولوگىيا ساياقات ەس الۇۇ قىشتاعىن قۇرۇۇ قۇرۇلۇشۇ ەڭ اقىرقى باسقىچىنا كىردى. سىناق ىرەتىندە تئجارت قىلۇۇ باسقىچىندا بولسودا، بۇل جەرگە كەلگەن بالىق قارمووچۇلاردىن سانى ابدان اربىن. ەس الۇۇ جايىنىن باش دىرەكتورۇ جاڭ سانرۇي قابارچىعا ەسەپ كۅرسۅتۉپ: الا چورتون بالىقتىن كىلوگىرامى كۅلدۅ 30 يۇان، بازاردا بولسو 70-80 يۇان ،  ال ەمى ەس الۇۇ قىشتاعىندا 100 يۇان، قۇۇرۇپ بەرسە كىلوگىرامى 100 يۇان ەكەنىن، مىندان «ساياقات + بالىقچىلىق»تىن كەسىپ قوشۇمچا نارقىن جوعورۇلاتقانداعى رولۇن بئر قاراپ بئلىپ الۇۇعا بولورۇن ايتىپ مىنداي دەدى: ازىر ماملەكەت داراجالۇۇ بالىقچىلىق ەس الۇۇ قىشتاعى، انى ۅزگۅچۅ تۉس العان بازارعا ۅزگۅرتۅبۉز. جاتاققانا، اش-تاماعى بارى، 1000 كىشىنى باتىرۇۇعا بولوت، قونوقتورعو چوڭ ەس الۇۇ مەيكىندىگىن جاراتىپ بەرمەكچىبىز.

   بۇرۇلتوقوي ووداندىق سۇۇ تۉشۉمدۅرۉن باشقارۇۇ مەكەمەسىنىن باشچىسى جاۋ انشئىياڭ قابارچىعا مىنداي دەدى: بۉتكۉل وودان زور، كۉچتۉۉ «سۇۇچۇلۇق ىشتەرىن» سىزىل ۇلاندىرۇۇ ارقىلۇۇ، «ساياقات+ بالىقچىلىق» تىن جۇۇرۇلۇشۇپ جاقشى جاققا قاراي ۅنۉگۉۉسۉن داعى بئر دەمجىي جىلىشتاتىپ، بالىقچىلىقتىن تەزدىك مەنەن جاقشىلانۇۇسۇن باچىمداتتى. ازىرعا چەيىن، ۉلۉڭگۉر كۅلۉ قىشقى بالىق قارموو مادانئيات ساياقات مايرامى جەڭىشتۉۉ تۉردۅ 12 كەزەك ۅتكۅرۉلدۉ، بىيىل 4- ايدا، جەتىنچى كەزەكتۉۉ قايىق مەنەن بالىق قارموو دۉينۅلۉك مۅرۅي تالاشۇۇ جارىشىنىن جۇڭگو ماملەكەتتىك  كوللەكتىپ ماشىق كومانداسىنىن كۅپتۅگۅن چەبەرلەرى بۇرۇلتوقوي  وودانىنا كەلىپ جارىشتان مۇرداعى توپتۇق ماشىقتى قۇلاچ جايدىرىپ، بۉت ماملەكەت ىچىندە بۇرۇلتوقوي وودانىنىن بالىقچىلىعىنىن اتاعىن جاڭىرتتى. ساياقات ەكىسكۇرتسىيانىن سالىشتىرمالۇۇ جاقشى رايونۇ قاتارى، ازىر بالىق قارموو كۉيۅرماندارى بارعانسايىن كۅبۅيدۉ، وشوندۇقتان ەكولوگىيالىق بالىق قارموو تۇرعۇسۇنان چىققاندا، مىنداي ىشتەگەنىبىز داعى ابدان ىلايىقتۇۇ.

   پارتئيا 19- قۇرۇلتايى بايانداماسىندا ورتوعو قويۇلعان «كەسىپ گۉلدۅنگۅن، ەكولوگىياسى قونۇشتانۇۇعا ىڭعايلۇۇ، ايىل- قىشتاق مادانئياتتۇۇ، جـۅنگۅ سالۇۇ ۅنۉمدۉۉ، تۇرمۇش بايگەر» بولۇۇ تالابىنا نەگىز، بۇرۇلتوقوي وودانى شاار- ايىل جۇۇرۇلۇشۇپ ۅنۉككۅن تۉزۉلمۅ مەحانئزىمى مەنەن ساياسات سىستەماسىن كەمەلدەندىرىپ، ايىل چاربا، ايىل- قىشتاقتىن زامانداشۇۇسۇن باچىمداتتى. جاۋ انشئياڭ مىنداي دەدى:- بئز بالىقچىلىقتى جاقشىلوو، كەسىپتى جۇۇرۇلۇشتۇرۇۇ ارقىلۇۇ، كەسپ ارقىلۇۇ ساياقاتچىلىقتى جىلىشتاتىپ، ساياقاتچىلىق ارقىلۇۇ كەسىپتى جەتەكتەپ، بالىقچىلاردىن كىرەشەسىن ارتتىرىپ بايۇۇ جولۇنا باسقىزىپ، ايىل- قىشتاقتاردى جالچىتابىز. كىيىنكى قادامدا، ەلەكتىروندۇق سوودا مەنەن بالىقچىلىقتىن ۅزگۅچۅ كەسىپ تەرەڭدىگىن جۇۇرۇلۇشتۇرۇپ، ىنتەرنەت+ ۅزگۅچۅ بالىقچىلىق اتاقتۇۇ ماركەسىن جاراتابىز.
   

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.