باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
 «چىمەنگۉل» جانا انىن تۇۇعاندارى
   2018-06-06 16:49:27     xjbs   

   قارعالىق وودانى سايباق ايىلى قويلاكەنت قىشتاعىندا، اپتونوم رايوندۇق ەل قۇرۇلتايى تۇراقتۇۇ كومىتەتىنىن ورگان كادىرى ۋاڭ حاييەن قىشتاقتا تۇرعان 3 جىلدان بەرى، مايدا ىشتەردەن باشتاپ ىشتەپ، قالايىق-قالقتىن وي-ماقساتىن تۉشۉنۉپ، كۉتكۅن ۉمۉتۉنۅن چىعىپ، چىنعى جاقشى ئش قىلىپ بەرىپ، چىن ىقلاستۇۇلۇق مەنەن كۅپچۉلۉكتۉن چىنعى سەزىمىنە ەە بولدۇ. ىستانسىيابىز قابارچىسى ايبىن، لەيمىڭدىن قابارى؛
قويلاكەنت قىشتاعىنىن كىيىم تىگۉۉچۉلۅر قىزماتتاشتىق كوپەراتىبىندە، 20 دان اشۇۇن كىيىم تىگۉۉ ماشئناسى تارتئپ بويۇنچا تىزىلگەن، ايالدار بئر تۉركۉم بۇيرۇتمالاردى تىگۉۉ مەنەن شاشىلىش ەلە. بۉگۉنكۉ كۉندۅ، ەشىك الدىندا جۇمۇشقا ورۇنداشىپ، اقچا تاباتۇرعان جەرگە قىز-كەلىندەر ۅز قاالوووسۇ بويۇنچا كەلەتۇرعان بولدۇ. قىشتاق تۇرعۇنۇ گۉلجامىيلا مەتنياز مىنداي دەدى: « كۅپ نەرسەلەردى ۉيرۅنۉپ الدىم، ازىر اربئر ايدا 1200 يۇان كىرەشە تابام، مىندان كىيىن ۇلاندۇۇ جوعورۇلايت». «چىمەنگۉل» ەجە بىزگە ۇشۇنداي جاقشى شارت-جاعداي جاراتىپ بەردى، مەن داعى جاقشى ىشتەپ، باشقا قىز-كەلىندەرگە ۉلگۉ بولۇپ، بئز بىردىكتە باي بولوبۇز».

     گۉلجامىيلا مەتنياز تىلگە العان «چىمەنگۉل» بولسو اپتونوم رايوندۇق ەل قۇرۇلتايى تۇراقتۇۇ كومىتەتى ايىل قىشتاق قىزمات كومىتەتى ئشقاناسىنىن ورۇن باسار مۇدۇرۇ ۋاڭ حەييەن ەلە، وشوندوي ەلە قىزماتتاشتىق كوپەراتىبىن قۇرعان باشتامچى. قىشتاقتا تۇرعان مەزگىلىندە، ۋاڭ حەييەن قىشتاق تۇرعۇندارىن ۉيۉنۅ زىياراتتاپ بارعاندا، قىشتاقتاعى كۅپتۅگۅن قىز-كەلىندەردىن ۇلۇتتۇق كىيىم-كەچەكتەردى اياباي قووز تىگەتۇرعانىن، بئروق كۅلۅم قالىپتاشتىرا الباي، ساتۇۇ جولۇ جوقتۇعۇنان قىينالا تۇرعانىن بايقادى، اندىقتان ال كۅپچۅلۉكتۉ چوعۇلتۇپ ارتقچىلىقتارىن ۅۅرچۉتۉپ كىرەشەسىن ارتتىرىپ بايتۇۇنۇ چەچىم قىلات. بىلتىر جىل سوڭۇندا، ال 60 مئڭ يۇان جاردام اقچاسىن قولعو كەلتىرىپ، 20 جۉرۉش كىيىم تىگۉۉ ماشئناسىن جانا تورلوو ماشئناسىن ساتىپ الىپ، قىزماتتاشتىق كوپەراتىبىن قۇرۇپ، 20 دان اشۇۇن كەمباعال ۉي-بۉلۅدۅگۉ قىز-كەلىندەردىن جۇمۇشقا ورۇنداشۇۇ ماسەلەسىن چەچىپ بەردى. ۋاڭ حەييەن مىنداي دەدى: «بئز قارعالىق ووداندىق ۅنۅرجاي باقچالاشقان رايونۇنداعى بئر كىيىم زاۋوتۇ مەنەن بايلانىش جاساپ، داعى 500 چارچى مەتىرلىك زاوۋت قۇرۇۇعا دايىندىق كۅرۉپ جاتابىز، مۅلچۅر مەنەن 200 كىشىنى جۇمۇشقا ورۇنداشتىرۇۇ ماسەلەسىن چەچەبىز، بۇيرۇتمالارعا بايلانىش جاساپ  قويدۇق، نەگىزىنەن تىشقى سوودا كىيىم-كەچەلەردى تىگەت، مىنداي بولعوندو قىشتاق تۇرعۇندارى ۅزۉنۅ انسايىن ىشەنەتۇرعان بولوت».  

     قىشتاقتا تۇرعاندان بەرى، ۋاڭ حەييەن قىشتاق تۇرعۇندارى كۅڭۉل بۇرعان مايدا ىشتەردەن باشتاپ ىشتەپ، بۉتۉن كۉچۉ مەنەن جاقشى ئش، ناقتىلۇۇ ىشتەردى قىلدى: قىشتاقتا جول چىراقتارى جوق بولسو، ال بئر ەلدىك كەرقانانىن جاردامىن قولعو كەلتىرىپ، 240 مئڭ يۇان نارقىنداعى 30 كۉن ەنەرگىياسى جول چىراعىن ساتىپ الىپ قۇراشتىرىپ بەردى. وشونۇ مەنەن قاتارى، تۉر ىزدەپ قىشتاق ۉچۉن 22 مئڭ 700 يۇان نارقىنداعى ۉن جاڭىرتقچ جابدۇۇلارىن ساتىپ الدى؛ماياناسىنان 11 مئڭ يۇان  چىعاشالاپ، قىشتاقتاعى 3 كەدەي وقۇۇچۇنۇن وقۇۇ بۉتۉرۉۉسۉنۅ اقچالاي جاردام بەردى. 11 جاشتاعى ايسۇرى تۇردى كىچىنەسىندە ەنەسىنەن ايرىلپ قالعان، ار جولۇ اتاسى سىرتقا چىعىپ جانىندا ەمەس كەزىندە، ۋاڭ حەييەن سەكەلەك قىزدى قاروو مىلدەتىن ۉستۉنۅ الات. ايسۇرى تۇردى مىنداي دەدى: «ال ماعا كىتەپ، سومكە، كىيىم الىپ بەردى، مىندان باشقا ماعا تاپشىرما دەپتەر الىپ بەرىپ، ۅز ەنەمدەي ۉيرۅنۉشۉمۅ كۅڭۉل بۅلۅت». 
    چىن ىقلاستۇۇلۇق مەنەن جاردام قىلساڭ، چىنعى سەزىمگە ەە بولوسۇڭ. قىشتاقتا تۇرعاندان بەرى، ۋاڭ حەييەندىن داعى ۅزۉنۉن ۇيعۇرچا «چىمەنگۉل» دەگەن سونۇن اتى بار بولدۇ. ال مىنداي دەدى: «چىن ىقلاستۇۇ بولۇپ چىنعى سەزىم بەرۉۉ كەرەك، تەك ۇشۇنداي بولعوندو انان چىنعى قارىم-قاتتوو، چىنعى پىكىر الماشتىرۇۇ، چىنعى ارالاشقان بولوبۇز، چىنعى بئر ۉي-بۉلۅ كىشىلەرىندەي بولوبۇز، مەن ۇلۇتتار ىنتىماقتاشىپ بئر ۉي-بۉلۅ كىشىلەرىندەي بولۇشۇبۇز كەرەك دەپ قارايىم. مەن بۇل جەردە بولسوم الار مەنى چىنعى جاقىن تۇۇعانىنداي كۅرۅت، بۇل جەردە تۇرعانىما بىيىل ۉچ جىل بولدۇ، ارزىيت دەپ قارايىم».    

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.