باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
 اپتونوم رايونۇبۇزدۇن سوودا -ۅنۅرجايدى اكىمچىلىك باشقارۇۇ سىستەماسى سوودا ىشتەرى تۉزۉم ىسىلااتىن سىزىل جىلىشتاتىپ، تەزدىگىن اشىرىپ بەرەكەتىن ارتتىرىپ، ەلگە ىڭعايلۇۇلۇق جاراتىپ كەرقانالارعا نارپ جەتكىردى
   2018-06-06 17:05:24     xjbs   

    اپتونوم رايوندۇق سوودا -ۅنۅرجايدى اكىمچىلىك باشقارۇۇ مەكەمەسى سوودا ىشتەرى تۉزۉمۉندۅ ىسىلاات الىپ بارۇۇنۇ سىزىل جىلىشتاتىپ، ۇچۇر ارقىلۇۇ جۇمۇش تارتئبىن جۅنۅكۅيلۅشتۉرۉپ، كەرقانا مەنەن ەل از جول جۉرگۉزگۅن. ۇچۇردا، شئنجاڭ چۅلكۅمۉندۅ سوودا -ۅنۅرجاي بويۇنچا تىزىمدەتىپ قاتتاتۇۇنۇ بۉتۉرۉۉدۅ «ەڭ كۅپ بولعوندو بئر ەلە جولۇ  بارۇۇ»داي ئش-تارتئبى 15 چوڭ تۉر بويۇنچا 77 مايدا تۉرگۅ جەتكەن. ىستانسىيابىز قابارچىلارى لىيمىڭ، دۇڭ جىيۇڭدۇن قابارى.
    5- ايدىن 31-كۉنۉ، ۉرۉمچۉ شااردىق سوودا -ۅنۅرجايدى اكىمچىلىك باشقارۇۇ مەكەمەسىنىن اكىمچىلىك ىشتەردى تاستىقتوو باشقارماسىنىن ەلگە پايدا جەتكىرۉۉ سارايى كۅزنۅگۉندۅ، شئنجاڭ شىڭدۇڭشىياڭ مادانئيات تاراتۇۇ چەكتۉۉ شەرىكتىگىنىن بوعالتىرى جان يەنجىياۋ تئجارات كۉبۅلۉگۉن جەڭىشتۉۉ قولۇنا الىپ، قابارچىعا:- بۉگۉنكۉ كۉندۅ جۇمۇش بۉتۉرۉۉ ابدان ىڭعايلۇۇ بولعونۇن ايتىپ مىنداي دەدى: « جەكە ۅزۉم جانا كەرقانا ۉچۉن الىپ ايتقاندا، كۅپتۅگۅن ۇباقىت، كۉچ، قىزماتكەرلەردى سەپتۅۅ جۇمۇشتارىن ۉنۅمدۅپ قالدى، مۇردا بۅلۉمچۉ شەرىكتىكتەردىن مايدا جۇمۇشتارى ۉچۉن، شەرىكتىكتىن تئجارات كۉبۅلۉگۉن الىپ، ارى-بەرى چاپقىلاپ كۅپ ۇباقىت جۇمشالات ەلە، سەبەبى باش شەرىكتىك بۇل نەرسەلەردى كەرەك قىلعاندىقتان، جەتكىرىپ بارىپ قايرا الىپ كەلىپ دەگەندەي كۅپ ۇباراچىلىق ەلە، ازىر تەك قانا بئر جولۇ باساڭىز ەلە جۇمۇش بۉتۅت».
    
     بىيىل 2-ايدا، اپتونوم رايوندۇق سوودا-ۅنۅرجايدى اكىمچىلىك باشقارۇۇ مەكەمەسى جەكەلەر قارجى سالىپ قۇرعان شەرىكتىك، جەكەلەر ۅز الدىندا قارجى چوعۇلتۇپ قۇرعان كەرقانا، شەرىكتەشكەن كەرقانالار مەنەن جەكە سووداگەرلەر سىياقتۇۇ تارماقتاردىن تۉرۉ بويۇنچا بازار سۇبەكىتتەرىنىن بۉت بارىشتا ەلەكتىروندوشقون تىزىمگە الدىرۇۇ سىستەماسىن اچىپ، سالاقاتىن انىقتاپ تەكشەرىپ باشقارۇۇ، ەلەكتىروندۇق قول جازماسىن قويۇۇنۇ باشقارۇۇ، قاعازسىز ەلەكتىروندۇق ارحىپ قالتىرۇۇنۇ باشقارۇۇ سىياقتۇۇ جۅندۅمۉنۅ ەە بولعون. ۉرۉمچۉ شااردىق سوودا -ۅنۅرجايدى اكىمچىلىك باشقارۇۇ مەكەمەسىنەن اكىمچىلىك ىشتەردى تاستىقتوو باشقارماسىنىن ەلگە پايدا جەتكىرۉۉ سارايى كۅۅنۅگۉنۉن قىزماتكەرى لىياڭفىي مىنداي دەدى : « بئز  كەرقانا جە شەرىكتىك اتىن الدىن تەكشەرۉۉدۅن تارتىپ تئجارات كۉبۅلۉگۉن تارتۇۇعا چەيىن بۉت بارىشىن ەلەكتىروندوشتۇردۇق، جۇرتچۇلۇقتۇن قولۇندا تەك قانا بئر  كومپىيوتۇر، چۅنتۅك تەلەفون بولسو ەلە، باردىق تئجارات كۉبۅلۉگۉنۉن بۉت بارىشتاعى ماشقۇلاتىن الىپ بارا الات. بئز كەرەكتۉۉ بولعون ماتەرىيالداردى تولتۇرۇپ بۉتكۅندۅن كىيىن كەلىپ تئجارات كۉبۅلۉگۉن الىپ السا بولوت. ازىر بئز ىنتەرنەت + ۅكۉمۅت ىشتەرىنەن تۇرعان جاڭى ىقمانى جولعو قويدۇق. سئز ەگەردە كەرەكتۉۉ ماتەرىيالداردى ىنتەرنەت ارقىلۇۇ تولۇق تاپشىرعان بولسوڭۇز، ناق مايدان قىزمات كۅزنۅگۉنۅ كەلىپ تئجارات كۉبۅلۉگۉن الۇۇڭۇزدۇن كەرەگى جوق، بىزگە ۇقتۇرساڭىز ەلە، بئز تەز جولدونمو ارقىلۇۇ، سئزگە دارەك بويۇنچا سالىپ جىبەرەبىز، سئزدىن ناق مايدانعا كەلىپ ۇبارا بولۇۇڭۇزدۇن كەرەگى جوق».
           بىيىل، اپتونوم رايوندۇق سوودا ۅنۅر جايدى اكىمچىلىك باشقارۇۇ مەكەمەسى داعى «كۅپ كۉبۅلۉكتۉ بىرىكتىرۉۉ، بئر كۉبۅلۉككۅ بئر نومۇر» ىسىلااتىن بئردەمجىي تەرەڭدەتىپ، «كۉبۅلۉكتۉ بۅلۉۉ»ىسىلااتىن جىلىشتاتىپ، «ۉچ تولۇق قاپتوو»دون تۇرعان ىنتەرنەتتە تىزىمگە الدىرۇۇنۇ تاق جۉزۅلۅشتۉرۉپ، ەلەكتىروندۇق تئجارات كۉبۅلۉگۉن باشقارۇۇ مەنەن قولدونۇۇنۇ كۉچۅتۉپ، كەرقانالاردىن اتىن تىزىمگە الىپ باشقارۇۇ ىسىلااتى سىياقتۇۇلاردى باچىم جىلىشتاتات. اپتونوم رايوندۇق سوودا -ۅنۅرجايدى اكىمچىلىك باشقارۇۇ مەكەمەسىنىن ورۇنباسار مەكەمە باشچىسى گاۋ جىياندۇڭ: « بۇل جۇمۇش تارتئبى بئزدىن باردىق تۉردۅگۉ كەرقانالاردى قاپتادى، كەرقانالارعا ات قويۇۇ، تاستىقتوو، باردىق تۉردۅگۉ كەرقانالار، جەكە سووداگەرلەر، چەت ەلدىك سووداگەرلەر قارجى سالعان كەرقانالار، دىيقاندار كەسىپىي قىزماتتاشتىق كوپپەراتتىبىنە تىزىمدەتۉۉنۉ ۅزگۅرتۉۉ القاعىنىن باردىق القالارىندا، كەرقانالاردىن جارناق ۇقۇعۇن كەپىلگە قويۇۇدان تۇرعان ۉچ جاعىن قاپتادى، بئز مىندان كىيىنكى ىسىلااتىبىزدا « ۅكۉمۅت ىشتەرىن جۅنۅكۅيلۅشتۉرۉپ، ۇقۇقتۇۇ قويو بەرۉۉ، قويو بەرۉۉ مەنەن باشقارۇۇنۇ بىرلەشتىرۉۉ، تەيلۅۅ جۉرگۉزۉۉنۉ ساپاتتۇۇلاشتىرۇۇ»نۉ بەكەم ىمەرچىكتەپ، جۇرتچۇلۇقتۇن جۇمۇش بۉتۉرۉۉسۉنۅ ىڭعايلۇۇلۇق الىپ كەلۉۉنۉ بئردەمجىي جىلىشتاتىپ، بازارعا بەت الۇۇسۇ ۉچۉن انسايىن ىڭعايلۇۇ شارت-جاعداي مەنەن قامدايبىز»، دەدى.

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.