باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
چىمىرقانىپ كىشلىك جاشوونۇ انسايىن ماانىلۉۉ ۅتكۅرۉۉ
   2018-06-11 18:55:11     xjbs   

چاربا جاراتۇۇ جولۇندا قىينچىلىقتارعا جانا توسقوولدۇقتارعا ۇچۇراعان بولسو دا، بئروق جەڭىلۉۉگۅ مويۇن سۇنباعان قايرات مەنەن، تاشقورعون وودانى تىزىناپ ايىلى  تىزىناپ قىشتاعىنداعى 80- جىلدان كىيىن تۅرۅلگۅن جىگىت امىرشا سەيپۇلانىن ۉي مۇزىكا اسپاپتارى تئجاراتى جاندانىپ كەتتى، ال داعى ايلاناسىنداعى كىشىلەر مەنەن بىرگەلەشىپ بايۇۇ جولۇنا باستى.  ىستانسىيابىزدىن قابارچىسى سۉن ۋيدىن قابارى؛ 

ەكى كۉندۅن بەرى، تاشقورعون وودانى ناۋات مالچىلار تىنىعۇۇ وردۇ بئر جىلداعى تئجارات مەزگىلىن ۇتۇرلاپ الدى، ەشىك اچىلارى مەنەن داروو دۇۇمانعا بۅلۅندۉ، جەرگىلىكتەگى قونوقتور، سىرتتان كەلگەن ساياقاتچىلار داڭقىن ۇعۇپ ۇشۇل جەرگە كەلىشتى. بۇل مالچىلار تىنىعۇۇ وردۇن اچقان تاشقورعون وودانى تىزناپ ايىلىنداعى جىگىت امىرشا سەيپۇلا بولچۇ. مالچىلار تىنىعۇۇ وردۇنا تاجىكتەردىن ۅزگۅچۅ تۇرمۇشتۇق جىتى سىڭدىرىلگەن، ساياقاتچىلقتىن دۇۇماندۇۇ مەزگىلىندە اردايىم بۉت ماملەكەتتىن جەر-جەرلەرىندەگى زور مۅلچۅردۅگۉ ساياقاتچىلاردى ەلىكتىرەت. 2015-جىلى، چاربا جاراتۇۇ اڭسووسۇن ىشكە اشىرۇۇ ۉچۉن، امىرشا سەيپۇلا كۅپتۅگۅن قىينچىلىقتاردى باشىنان ۅتكۅردۉ. ال مىنداي دەدى: «مۇردا ۉيۉبۉز ابدان كەدەي بولچۇ، جوعورۇ وقۇۇ جايىنا سىنوو بەرەتۇرعان جىلى اتام جۉرۅك وورۇسۇنا چالدىعات، وشونۇ مەنەن مەن داعى وقۇۇدان چەگىندىم. كىيىن مەن ايىلدىق ۅكۉمۅتكۅ بارىپ ۅزۉمدۉن ساياقات ارقىلۇۇ چاربا جاراتۇۇ ويۇمدۇ ايتىپ تۉشۅندۉردۉم، وشوندۇقتان ماعا مايدان قامداپ بەردى، مىندان باشقا ماعا اقسىز بوز ۉي سالىپ بەردى، كۅلدۉن بويۇندا جايعاشقاندىقتان، ەلەكتىر جولۇن قۇراشتىرۇۇ بىرتكە قىيىن بولدۇ، ايىلدىق ۅكۉمۅت ەلەكتىردى داعى ماعا قۇراشتىرىپ بەردى».
     ەچ نەرسەگە مويۇن بەربەيتۇرعان قايراتقا سۉيۅنۉپ، جاندۇۇ تئجارات قىلۇۇ تاانىمى ارقىلۇۇ بئر جىلعا جاقىن چىمىرقانىپ تئجارات قىلات، امىرشا سەيپۇلانىن ناۋات مالچىلار تىنىعۇۇ وردۇ تاشقورعون وودانىندا بىرتكە اتاعى چىقتى، ارجىلى ساياقاتچىلار ۉزگۉلتۉكسۉز كۅبۅيۉپ، جىلدىق كىرەشەسى 200 مئڭ يۇاندان اشتى. پايداعا ەە بولعوندون كىيىن، امىرشا سەيپۇلا داعى بئر جولۇ سوودا مۅرتۉن بايقايت، ال تاشقورعون وودانىن ۅزگۅچۅ بۅكسۅ تووسۇنداعى توپوزعو تايانىپ، باقماچىلىق كەسىپتىك كۅمۅكتۅشتۉك كوپىراتىبىن قۇرۇپ، وودانداعى ارقايسى چوڭ مەيمانقالار مەنەن قول قويۇشۇپ ۇي قوي ەتىن قامداپ بەردى. ۇشۇندايچا امىرشا سەيپۇلانىن جىلدىق كىرەشەسى 300 مئڭ يۇانعا جەتتى. تۇرمۇشتۇ بايىعاندان كىيىن، ال ىشتىكتۉۉلۉك مەنەن ايلاناسىنداعى كىشلەرگە جاردام بەرىپ، كۅپچۅلۉكتۉ چوعۇۇ بايۇۇعا جەتەكتەدى. قىشتاق تۇرعۇنۇ قادام دالەك مىنداي دەدى: «مەن بۇل جەردە قىزمات قىلعانىما 2 جىل بولدۇ، بئر ايدا 2500 يۇان ماياناا الام، امىرشا دەمەيدە بىزگە جاقشى كۅڭۉل بۇرات، مىندان كىيىن ۇشۇل جەردە ۇزۇن مەزگىل انى ەەرچىپ ىشتەپ، كۅپ اقچا تابۇۇنۇ ويلوپ جاتام». 
    امىرشا سەيپۇلا جاقىندا شااردا بئر رەستۇران اچىپ، ۅزۉنۉن ىشتەرىن انسايىن زوريتۇۇعا قامىنپ، ايلاناسىنداعى انسايىن كۅپتۅگۅن جاشتاردىن كىرەشەسىن ارتتىرىپ بايۇۇعا جەتەكتەيتۇرعانىن ايتىپ مىنداي دەدى: «بۉگۉنگۅ كۉنگۅ چەيىن پارتئيا جانا ۅكۉمۅتتۉن قامقوردۇعۇ بولبوسو، پارتئيانىن جاقشى ساياساتى مەنىن ەڭ كۉچتۉۉ ارقا تىرەگىم، وشوندۇقتان بۉگۉنكۉدۅي ناتىيجاعا ەە بولدۇم، ايرىقچا بىزگە وقشوش دىيقان مالچىلارعا كۅڭۉل بۇرۇپ جاتات، مەن چىن جۉرۅكتۅن القىش ايتام، جاش بولعوندون كىيىن بئز انسايىن چىمىرقانىپ كۉرۅش قىلىپ، كىشىلىك جاشوونۇن انسايىن ماانىلۉۉ ۅتكۅرشۉبۉز كەرەك».

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.