باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
گىباۋ قىزىل كەندىرىن قالىبىنا كەلتىرۉۉ قۇرۇلۇشۇ قاقىر تالاانى جاشىل القاققا ايلاندىردى
   2018-06-11 19:08:48     xjbs   

  ەكولوگىيانى جاقشىرتۇۇ جانا ايىل-قىشتاقتى كۉلدۅنتۉۉنۉ ىلگەرى سۉرۉۉ ۉچۉن، بئر قانچا جىلدان بەرى التاي گىباۋ گەندىر چەكتۉۉ شەرىكتىگى التاي شاارى الاعاق ايىلىنىن قاقىر تالااسىنا گىباۋ قىزىل كەندىرىن ۅستۉرگۅن، ۇچۇردا 20 مئڭ مو جەردەگى گىباۋ قىزىل كەندىرى قاقىر تالاانى جاشىل القاققا ايلاندىرىپ ەلە قالباي، جەرگىلىكتەگى ار ۇلۇت ەلىنە چىنىعى ەكونومىكالىق پايدا الىپ كەلۉۉدۅ.

ىستانسىيابىز قابارچىسى حامئت، پىراكتىكانت قابارچى شۉ ۋەيفىڭدىن قابارى:
    
   التاي شاارى الاعاق ايىلى گىباۋ قىزىل كەندىر باازاسىنا كىرگەنىڭدە، تىگىل باشىنا كۅز جەتكىس گىباۋ قىزىل كەندىرى كۅزگۅ ۇرۇنات، قۇدۇم ادىر-قىرقاعا جاشىل كىلەم تۅشۅپ قويعوندوي، كۅپتۅگۅن دىيقان مالچىلار بۇل جەردە گىباۋ قىزىل كەندىرىنىن جالبىراعىن تەرىپ جاتىشقان ەكەن. مالچى سەرىجان قابارچىعا، ار جىلى ۇشۇل كەزدە ال بۇل جەرگە كەلىپ جۇمۇش ىشتەپ، ار كۉنۉ 100 يۇاندان اشىق اقچا تابارىن ايتىپ مىنداي دەدى: ساات 6 جارىمدان باشتاپ ۇشۇنچا تەردىم، 3 كىلوگىرامدان اشات، ار بئر كىلوگىرامىنىن بااسى 40 يۇان، جالپى 120 يۇان بولوت، بۉگۉن 2 كىلوگرام تەرسەڭ، ەرتەڭ 3 كىلوگىرام تەرەسىڭ، تەرگەن سايىن كۅبۅيۅت، تەزدىگى كۉنسايىن ارتۇۇدا.
     
   كۅپ جىل ۅسۉۉچۉ ۅسۉمدۉك قاتارى، گىباۋ قىزىل كەندىرى زور ەكونومىكالىق نارققا ەە، سۇۇ بايلىعىن جەتىلدىرۉۉ، قاقىر تالاانى جاقشىرتۇۇ سىياقتۇۇ جاقتاردا ەكولوگىيالىق چۅيرۅنۉ جاقشىرتۇۇ رولۇن كۅرسۅتۅت. التاي گىباۋ كەندىر چەكتۉۉ شەرىكتىگىنىن ئشقانا مۇدۇرۇ مەييەن مىنداي دەدى: انىن تامىرىنىن ۅسۉشۉۉنۅ نەگىز، بئرتۇتاش تورلوشوت. شاماالدان ساقتانىپ قۇمدۇ بەكەمدۅۅ رولۇ ابدان جاقشى. انىن دارىلىق نارقى دا ابدان جوعورۇ، ىچىندە فىلاۋون بارىپ بولۇپ، بئز انى چاي قىلىپ جاساپ چىعابىز.
    
  گىباۋ قىزىل كەندىرىندەي باالۇۇ ۅسۉمدۉكتۉن قاقىر تالاادا ۅسۉۉسۉ وڭوي ئش ەمەس. گىباۋ قىزىل كەندىر باازاسىنىن جووپتۇۇسۇ زىڭگو، ار كۉنۉ  باازاعا بارىپ گىباۋ قىزىل كەندىرىنىن ۅسۉۉ ابالىن تەكشەرەت، ۇزۇن ۇباقىت كۉنگۅ كۉيۉپ ۅڭۉدا قارارىپ كەتكەن. 2009-جىلى گىباۋ قىزىل كەندىر كۅچۅتۉن ىيگىلىكتۉۉ جەتىشتىرگەندەن كىيىن، زىڭگو 200دۅن اشۇۇن قىزماتچى جانا مالچىلاردى ەەرچىتىپ، قاقىر تالااعا گىباۋ قىزىل كەندىرىن ايداپ، ار بئر گىباۋ قىزىل كەندىرىنىن ەگۉۉدۅ ماشئنا مەنەن چۅنۅك قازعان. گىباۋ قىزىل كەندىرىنە سەمىرتكىچ سەبۉۉ ۉچۉن، شەرىكتىك داعى جەمەنەي وودانى مەنەن بۇرچۇن وودانىنداعى باردىق قىقتاردى ساتىپ العان. ال مىنداي دەدى: قويدۇن قىعىن چاچقاندا، بئز باردىق جەرگە چاچپادىق، اتىز باشىنا چوعۇلتۇپ چىرىتەبىز. اندان كىيىن اتىزدىققا تاشىيبىز، باشتىققا سالىپ كۅتۅرۅبۉز، چىنىندا ابدان جاپالۇۇ.
    
   سۇعات  ماسەلەسىن چەچۉۉ ۉچۉن، زىڭگو جۇمۇشچۇلاردى باشتاپ قۇدۇق قازىپ، قۇۇر جاتقىرىپ،  تامچىلاتىپ سۇۇعارۇۇدا سۇۇ ۉنۅمدۅيت. چىمىرقانۇۇ ارقىلۇۇ، جاشىل گىباۋ قىزىل كەندىرى كۅز جەتكىس قاقىر تالاانىن كۅركۉن اچتى. زىڭگو مىنداي دەدى: مۇنۇ مۇردا ەچ كىم ۅستۉربۅگۅن، بئز داعى بئر قادامدان الدىعا قاراپ باسۇۇدابىز. 2009-جىلى بئز مئڭ مو جەرگە ايداعانبىز، ۅسۉۉسۉ جاقشى بولبودۇ، ۅنۉۉ سالىشتىرماسى جارىمىنا جەتتى. 2011-، 2012-جىلدارى جاقشى بولدۇ، تاجىرىيبا توپتودۇق. چۅنۅكتۉ قانچالىق تەرەڭدىكتە قازۇۇعا قاراي، استىنا قويدۇن قىعىن سالابىز، بئرىنچى توپۇراقتى جۇمشارتىپ سۇۇنۇ ساقتايت، ۅنۉۉ سالىشتىرماسى ابدان جاقشى بولدۇ.

   التاي گىباۋ كەندىر چەكتۉۉ شەرىكتىگىنىن ۅندۉرۉش سەحىندە، كۅپ تۉردۉۉ  تەحنىيولوگىيا ارقىلۇۇ تانداپ، گىباۋ قىزىل كەندىرىنىن جالبىراعىنان چاي جاساشات، گىباۋ كەندىرىنىن تامىرىنان الىنعان بۇلادان ئچ كىيىم جاسالات، تۉشۉمدۅرۉ شىنجىن، شاڭحاي سىياقتۇۇ جەرلەرگە ساتىلات. مىندان سىرت، ار جىلى 6-ايدا گىباۋ قىزىل كەندىر باازاسى ۅتكۅرگۅن گۉل دەڭىز مايرامى الىستان كەلگەن ساياقاتچىلاردى گۉلدۅن ۉزۉر الۇۇعا ەلىكتىردى. التاي گىباۋ كەندىر چەكتۉۉ شەرىكتىگىنىن ورۇنباسار دىرەكتورۇ حۇاڭ جئنفىڭ قابارچىعا، كۅپ جىل چىمىرقانۇۇ ارقىلۇۇ، گىباۋ قىزىل كەندىرىنىن ايانتى مۇرداعى 123 مودون، ازىرقى 21 مئڭ موعو كەڭىرگەنىن، كەلەچەكتە شەرىكتىك گىباۋ قىزىل كەندىرىن ۅستۉرۉۉ ايانتىن ۇلاندۇۇ كەڭىرتىپ، ەكولوگىيانى جاقشىرتۇۇ جانا ايىل-قىشتاقتى كۉلدۅنتۉۉگۅ سەپتىگىن تىيگىزەرىن ايتىپ مىنداي دەدى: قاقىر تالااعا كەڭ كۅلۅمدۅ گىباۋ قىزىل كەندىرىن ۅستۉرۉۉ تەحنىكاسى بىشىپ جەتىلدى، كۅپتۅگۅن دىيقان-مالچىلاردىن گىباۋ كەندىرىن ۅستۉرۉۉسۉن ۉمۉت قىلام، بۇل تۉردۉ ۅستۉرۉۉ تەحنىكاسىن الارعا ۉيرۅتۉپ، بئز الاردان قايرا تىكەلەي ساتىپ الساق، كۅپتۅگۅن دىيقان-مالچىلار بايىشات.

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.