باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
بۉت ماملەكەتتەگى 200 دەن اشۇۇن  مۅمۅچۉلۉك كەرقاناسى كورلاعا چوعۇلۇپ، شئنجاڭدىن ۅزگۅچۅ مۅمۅ تۉشۉمدۅرۉن تاانىشتىردى
   2018-06-30 23:13:33     xjbs   

     6-ايدىن 21-كۉنۉ، شئنجاڭ ەل رادىيو ىستانسىياسى پئلاانداپ ىشتەگەن «مۅمۅ جىتى اڭقىعان. 2018-جىلدىق ۅزگۅچۅ مۅمۅلۅردۉ تاانىشتىرىپ بۇيرۇتما بەرۉۉ  چوعۇلۇشۇ» كورلا شاارىندا ۅتتۉ، بۉت ماملەكەتتەگى 200 دەن اشۇۇن  مۅمۅ ۅندۉرۉۉ ساتۇۇ بىشىقتاپ ىشتۅۅ كەرقاناسى، 30 دان اشۇۇن ەلەكتىروندۇق سوودا بىرلەشمەسىنىن ۅكۉلدۅرۉ  جانا شئنجاڭداعى 100 دۅن اشۇۇن مۅمۅ ۅستۉرۉۉ ئش قوشۇۇ كەرقاناسى، قىزماتتاشتىق كوپىراتىپتەرى كورلا شاارىنا چوعۇلۇپ، شئنجاڭدىن ۅزگۅچۅ تۉشۉمدۅرۉن ورتوق تاانىشتىردى.  ىستانسىيابىز قابارچىسى جىنلەي، باينعولۇن رادىيو ىستانسىياسىنىن قابارچىسى گو جىڭجڭدىن قابارى؛ 

         تاانىشتىرۇۇ بۇيرۇتما بەرۉۉ چوعۇلۇشۇندا، شئنجاڭ جئنجىيۇان بئيو تەحىنكا چەكتۉۉ شەرىكتىگى ۅزۉنۉن جاڭى تۉشۉمۉ ___ چىرچىرعاناق شىرنەسىن تاانىشتىردى. شەرىكتىكتىن باش دىرىكتورۇ لئى حايمئڭ مىنداي دەدى: « بئز ۇشۇل جولقۇ توۋار بۇيرۇتما بەرۉۉ ۅرۉشۉ ارقىلۇۇ، چىچىرعاناق تۉشۉمدۅرۉن بۉت ماملەكەتتىن جەر-جەرلەرىندەگى كەرەكتۅۅچۉلۅرگۅ تاانىشتىرابىز، كۅپچۉلۉككۅ چىرچىرعاناقتى تااننتىپ، چىچىرعاناقتى تۉشۉندۉرۅبۉز ».

       چىچىرعاناق تۉشۉمدۅرۉنۅن سىرت، كورلا المۇرتۇ، بۉگۉر اق ۅرۉگۉ، چاقىلىق جانا چەرچەن چىلانى تەز ساتىلۇۇچۇ تۉشۉمدۅرگۅ ايلاندى. شىنجىن بايگويۇان شەرىكتىگىنىن شئنجاڭ رايونۇ باش كۅزۅمۅلدۅۅچۉسۉ گاۋ جىيانحوڭ بۉگۉر وودانى مەنەن 550 توننا اق ۅرۉك ساتۇۇ كەلىشىمىنە قول قويۇشتۇ. ال مىنداي دەدى:  « شئنجاڭدىن مۅمۅلۅرۉ بۇل 10 جىلدا كۅپ ەسە ارتتى، بئزدىن بايگويۇان شەرىكتىگى ۇشۇل جاقتا شئنجاڭعا كۅبۉرۅك ووشوت، ار جىلى بئزدىن العان تۉشۉم مۅلچۅرۉبۉز بارعانسايىن كۅبۅيۉپ جاتات، نەگىزىنەن جىل سايىن بئر ەسە ارتىپ جاتات ».   
 
     ۇچۇردا شئنجاڭدىن ۅزگۅچۅ مۅمۅ ەگۉۉ ايانتى 19 مئلليۇن موعو جەتىپ، جالپى تۉشۉمۉ 7 مئلليون 500 مئڭ تونناعا،تۉشۉم نارقى53 مئليارت يۇانعا جەتتى. مىندا تۉشتۉك شئنجاڭدىن ۅزگۅچۅ مۅمۅچۉلۉك  كىرەشەسى جەرگىلىكتۉۉ دىيقاندار كىرەشەسىنىن 30 پايىزدان جوعورۇسۇن ەەلەپ، كەمباعالدىقتان ارىلىپ بايۇۇ جولۇنا باسۇۇنۇن زارىل كەسىبىنە ايلاندى. جۇڭگو مۅمۅ تۉشۉمدۅرۉ وبۇروت ۇيۇمۇنۇن باشچىسى لۇ فاڭشىياۋ قابارچىعا مىنداي دەدى: بۇل جولقۇ ۅزگۅچۅ مۅمۅلۅردۉن تاانىشتىرۇۇ بۇيرۇتما چوعۇلۇشۇندا، «رادىيو- تەلە+»  سۅۅنۉپ، ۅندۉرۉلگۅن جەرىندە جانا ساتۇۇ سووداگەرلەرىنىن قامدووسۇ مەنەن ساتىپ الۇۇنۇ تىكەلەي جالعاشتىرىپ، شئنجاڭدىن ۅزگۅچۅ مۅمۅچۉلۉگۉن انسايىن كەنەن بازارعا بەت الدىردى. ۇشۇل جىلداردا، شئنجاڭدىن جەر- جەمىشتەرى بۉت ماملەكەت بازارىندا اتاقتۇۇ بولۇپ، تااسئر كۉچۉ جانا اتاانداشۇۇ كۉچۉ جوعورۇلادى. كىيىنكى قادامدا، ايرىقچا تۉشتۉك شئنجاڭدا، جەر جەمىش تۉشۉمدۅرۉ كەسىبىن كەمباعالداردى تۅپ جۅلۅۅ، كەمباعالدىقتان تۅپ ارىلتۇۇ مەنەن بىرىكتىرىپ، تۉشتۉك شئنجاڭدىن كەمباعالدىقتان ارىلتىپ بايۇۇ جولۇنا باسۇۇ، مۅمۅچۉ دىيقانداردىن كىرەشەسىن ارتتىرىپ بايۇۇ جولۇنا باسۇۇسۇ ۉچۉن قىزمات ىشتەيبىز.

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.