باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
  «جۇڭحۇا سالت-سانااسى، تۇۇعان جەر مەەرى» اتىنداعى دىيقاندار سۉرۅتۉ، قاعاز قىيما  ۅنۅر كۅرگۅزمۅسۉ پىكىر  الماشتىرۇۇ تاربئيالوو قىيمىلى باشتالدى
   2018-06-30 23:33:13     xjbs   

    6-ايدىن 22-كۉنۉ، اپتونوم رايوندۇق مادانئيات سارايى، ۉرۉمچۉ شااردىق مادانئيات مەكەمەسى باش بولۇپ ۅتكۅرگۅن «جۇڭحۇا سالت-سانااسى، تۇۇعان جەر مەەرى» اتىنداعى دىيقاندار سۉرۅتۉ، قاعاز قىيما ۅنۅر كۅرگۅزمۅسۉ،پىكىر الماشتىرۇۇ تاربئيالوو قىيمىلى شئنجاڭ ازىرقى دوور كۅركۅم ۅنۅر سارايىندا باشتالدى.ىستانسىيابىز قابارچىسى دوڭ جىيوڭ، پىراكتىكانت قابارچى شۉ ۋئيفىڭدىن قابارى؛ 

     شئنجاڭ ازىرقى دوور كۅركۅم ۅنۅر سارايىنىن بئرىنچى قاباتتاعى كۅرگۅزمۅ زالىنا كىرگەندە، قىپقىزىل قاعاز قىيما چىعارمالارى كۅزدۉن جووسۇن الدى. اتا-مەكەندىن داڭقتۇۇ توو-سۇۇلارى، دۇۇماندۇۇ ۅندۉرۉش مايدانىن كۅرۉنۉشتۅرۉ، 12 مۉچۅل قاتارلۇۇ مازمۇۇنداعى قاعاز قىيما چىعارمالار جۇڭحۇانىن وزوت جۅرۅلگۅلۉۉ مادانئياتىنىن ۅزگۅچۅ تارتىمدۇۇلۇعۇن كۅرسۅتۉپ بەردى. كۅرۅرمۅن لئىحۇا مىنداي دەدى: «مۇردا ۉيلۅربۉزگۅ ۇشۇنداي قاعاز قىيمالاردى چاپتايت ەلەك، ازىر بۇلاردى كۅرۉپ اياباي جاقىن سەزىندىم، تۇرمۇشقا ۅتۅ جاقىن ەكەن. بۉگۉن بالامدى دا الىپ كەلدىم، ال داعى اياباي جاقشى كۅرۅت، وشوندۇقتان انى ۉيرۅنسۉن دەدىم».

       ەكىنچى قاباتتاعى كۅرگۅزمۅ زالىنا دىيقانداردىن سۉرۅتتۅرۉ كۅرگۅزمۅ قىلىندى. بۇل جولۇ كۅرگۅزمۅگۅ قويۇلعان دىيقانداردىن سۉرۅتتۅرۉنۉن تەمالارى كۅپ تۉرلۉۉ بولۇپ، مالچىلاردىن قوي قىرقۇۇ، دىيقانداردى ەگىن ەگۉۉسۉ، بالداردىن وينوپ جاتقانى سىياقتۇۇ دىيقانداردىن تۇرمۇش كۅرۉنۉشتۅرۉن ىچىنە العان. مەكىت وودانىنان كەلگەن دىيقان سۉرۅتچۉ مئناۋار مۇتالىپ «ايال ەلدىك ۅنۅرپوز» دەگەن سۉرۅتۉن الىپ كەلگەن، سۉرۅتتۅ جەرلگىكتەگى قىز كەلىندەردىن اچىق تۉستۉۉ ۇزۇن كۅينۅك كىيىپ ، چوعۇۇ ىرداپ جاتقان كۅرۉنۉشۉ سىزىلعان. ال مىنداي دەدى: «پارتئيانىن جاقشى ساياساتىنىن دەمىندە، بئزدىن تۇرمۇشۇبۇز بارعانسايىن جاقشىلاندى، ايرىقچا بئزدىن ايالدار مۇزىكا اسپاپتارىن قولۇنا الىپ قووز تۇرمۇشتۇ، جاقشى دووردۇ داڭازالادى ».

   ەەلۅۅگۅ قاراعاندا، بۇل جولقۇ كۅرگۅزمۅگۅ شئنجاڭ، گۇاڭدوڭ، سانشئى، شاندوڭ قاتارلۇۇ 9 ۅلكۅ، رايون، شااردان الىنعان 240 دان اشۇۇن دىيقان سۉرۅتتۅرۉ جانا قاعاز قىيما چىعارمالارى چوعۇلتۇلعان. كۅرگۅزمۅ 7-ايدىن 1-كۉنۉنۅ چەيىن جالعاشات، شاار تۇرعۇندارى اقسىز  ەكسكۇرسىيالاسا بولوت. وشونۇ مەنەن قاتارى، جۇڭحۇا ۇلۇتۇنۇن جۅرۅلگۅلۉۉ مادانئياتىنىن جايىلتۇۇ ەپكىنىن كۉچۅتۉۉ ۉچۉن، كۅرگۅزمۅ مەزگىلىندە جۇڭحۇانىن وزوت جۅرۅلگۅلۉۉ كۅركۅم-ۅنۅرۉن مەكتەپتەرگە كىرگىزۉۉ، قوومدۇق قونۇشتارعا كىرگىزۉۉ قىيمىلدارى قۇلاچ جايدىرىلات، وشوندوي ەلە ىچكەركى ۅلكۅدۅكۉ ادىستەردى سۇنۇش قىلىپ ناق مايداندا دىيقاندار سۉرۅتۉ، قاعاز قىيما ۅنۅرۉ بويۇنچا پىكىر الماشتىرات ەكەن. اپتونوم رايوندۇق مادانئيات نازاراتى جامااتتىق مادانئيات باشقارمالىعىنىن باشچىسى ۋاڭ شۇشىڭ مىنداي دەدى: «مىندان كىيىن جۇڭحۇانىن جۅرۅلگۅلۉۉ مادانئياتىن جايىلتۇۇ، جالپىلاشتىرۇۇ، تاراتۇۇنۇ بىردەمجي زوريتوبۇز؛ كۅپ تۉرلۉۉ فورمادا، مول مازمۇندۇۇ مادانئيات قىيمىلدارىن ۇيۇمداشتىرىپ، سوتسيالىستىك ۅزۅكتۉۉ نارق قاراشىن جەتىلدىرۉۉ جانا امالىياتتا كۅرسۅتۉۉنۉ جانا  مادانئيات ىشەنىمىن بەكەمدۅۅ تالابىن مادانئيات قىزماتتارىنا جۉزۅلۅشتۉرۅبۉز ».

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.