باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
تۅپ ساياسات، جان جاقتىلۇۇ جول قىشتاق تۇرعۇندارىنىن كىرەشەسىن ارتتىردى
   2018-06-30 23:42:41     xjbs   

كۇچار وودانى اعى ايىلى تاڭ قىشتاعىندا، اقسۇ ايماعى ۅگەن دايراسىن باشقارۇۇ مەكەمەسىنىن «ەل ابالىن بىلۉۉ، ەلگە نارپ جەتكىرۉۉ، ەل كۅڭۉلۉن الۇۇ» قىشتاقتا تۇرۇشتۇۇ قىزمات اتىرەتى، كەسىپتەردى كىرگىزۉۉ، قوتورۇپ جۇمۇشقا ورۇنداشتىرۇۇ، دىيقاندار شاتتىعى ەس الۇۇ وردۇن اچۇۇ سىياقتۇۇ جولدور ارقىلۇۇ، تۅپ ساياسات مەنەن، دىيقانداردىن بايۇۇ جولۇن توقتووسۇز كەڭىرتتى.  كۇچار رادىيو ىستانسىياسىنىن قابارچىسى ۋاڭ جىيانڭچىياڭدىن قابارى:

  تاڭ قىشتاعى توو قوينۇنا جايعاشقان، ورتوچو تەمپراتۇۇراسى باشقا جەرلەر مەنەن سالىشتىرعاندا 6 دان 10گىرادۇسقا چەيىن تۅمۅن، اقسۇ ايماعى ۅگەن دايراسىن باشقارۇۇ مەكەمەسىنىن تاڭ قىشتاعىندا تۇرۇشتۇۇ «ەل ابالىن بىلۉۉ، ەلگە نارپ جەتكىرۉۉ، ەل كۅڭۉلۉن الۇۇ» قىزماتى اتىرەتى اتايىن شاندوڭدون ساپاتتۇۇ، سۇۇققا چىدامقاي قارتۅشكۅ  سورتۇن كىرگىزگەن، ارى تەحنىكتەردى سۇنۇشتاپ، دىيقانداردىن ەگىنچىلىگىنە جەتەكچىلىك قىلعان. جاقشى ۅسكۅن قارتۅشكۅگۅ قاراپ، قىشتاق تۇرعۇنۇ مەلىيكەم مئجىت قۇبانعان تۉردۅ مىنداي دەدى: بئزدىن قىشتاقتىن كىلىمات سالىشتىرمالۇۇ سۇۇق، بۇل تۉردۉۉ قارتۅشكۅ سۇۇققا چىدامدۇۇ ەكەن، تۉشۉم ۅلچۅمۉ داعى ابدان جوعورۇ دەپ ۇقتۇق، مول تۉشۉم الۇۇنۇ ۉمۉت قىلابىز.

      قارتۅشكۅنۉن ساتىلۇۇسۇنان تۇرعان قاباتىردى چەچۉۉ ۉچۉن، قىزمات اتىرەتى داعى قىشتاقتا جەر- جەمىش، جاشىلچا ساتۇۇ قىزماتتاشتىق كوپراتىبىن قۇرۇپ، كەمباعال تۉتۉندۅر مەنەن ار كلوگىرامىن 1.8 يۇانعا ساتۇۇداي كەلىشىم تۉزدۉ. قىزمات اتىرەتىنىن باشچىسى، قىشتاقتىن بئرىنچى شۇجئسى جىياڭ چئڭحۇا مىنداي دەدى: قارتۅشكۅ بىشقاندان كىيىن قىزماتتاشتىق كوپراتىبى تىكەلەي ەشىك الدىنا چەيىن بارىپ تەيلۅۅ جۉرگۉزۅبۉز، بىيىل بئزدە 51 كەمباعان تۉتۉن بار، تەك ۇشۇل قارتۅشكۅ تۉرۉندۅ ەلە، كىشى باشىندىق اشقان كىرەشەسى 260 يۇانعا جەتەت.

      تاڭ قىشتاعى 217- ماملەكەت جولۇنا جاقىن، ايلاناسىندا تئيانشان سىردۇۇ چوڭ قاپچىعايى، چوڭ- كىچى اجداار كۅلۉ سىياقتۇۇ ساياقات كۅرك تۉيۉندۅرۉ بار. قىزمات اتىرەتى قىشتاق تۇرعۇندارىنىن دىيقاندار شاتتىعى، مالچىلار شاتتىعى ەس الۇۇ وردۇن اچىپ كىرەشەسىن ارتتىرۇۇسۇن شىقتاندىرپ، ارى قىشتاق تۇرعۇندارىنا جاردام بەرىپ تاربئيالوو مەنەن تۉر پئلانىن الىپ باردى. قىشتاق تۇرعۇنۇ بەكىر اسقار قىزمات اتىرەتىنىن جۅلۅۅسۉندۅ، 80 مئڭ يۇاندان اشۇۇن قارىز الىپ قارعالداق دىيقاندار قۇبانىچىن قۇردۇ، ال مىنداي دەدى:- قىزمات اتىرەتى كەلگەندەن كىيىن قارىز الۇۇما جاردام بەردى، بۇل دىيقاندار شاتتىعى ەس الۇۇ وردۇن اچقاندان كىيىن، سوودابىز داعى جاقشى بولۇپ كەتتى، ازىر بئر ايدا 10 نەچە مئڭ يۇان اقچا تااپ جاتابىز.
 
        ايلاناداعى 30 دان اشۇۇن كەنچىلىك كەرقاناسىنا سۅۅنۉپ، قىزمات اتىرەتى داعى قىشتاق تۇرعۇندارىنىن سىرتقا چىعىپ جۇمۇشقا ورۇنداشۇۇسۇن بىلەسەل شىقتاندىرىپ، بۉتكۉل قىشتاقتان ايلاناداعى كەرقانالارعا بارىپ جۇمۇشقا ورۇنداشقان كىشى 389 بولۇپ، مىندا كەمباعال جان سانى 178  كىشى بولدۇ. ۉسەنجان ەزئز ۉيۉنۅ 5 كلومەتىر الىستاعى كەندە قىزمات ىشتەيت، ازىر ايىنا 4 مئڭ يۇاندان اشۇۇن مايانا الات، ال مىنداي دەدى: مىندان ارى بۇل جەردە جاقشى ىشتەپ، چىمىرقانىپ قىزمات قىلىپ، ۇزۇن مەزگىل ۇشۇل جەردە جۇمۇش ىشتۅۅنۉ ۇلانتىپ، ۉي- بۉلۅ جاشوو شارت- جاعدايىبىزدى جاقشىرتام.

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.