باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
لئى كىچىياڭ 73-كەزەكتۉۉ بىرىككەن ماملەكەتتەر ۇيۇمۇنۇن تۅراعاسى ەسپئنوسا مەنەن كۅرۉشتۉ
   2018-08-09 19:04:42     xjbs   

جۇڭگو بوربوردۇق ەل ۅكۉمۅتۉنۉن باشچىسى لئى كىچىياڭ 8-ايدىن 8-كۉنۉ بەي دايحىدا راسمىي ئش ساپارى مەنەن كەلگەن 73-كەزەكتۉۉ بىرىككەن ماملەكەتتەر ۇيۇمۇنۇن تۅراعاسى ەسپئنوسا مەنەن كۅرۉشتۉ.

 لئى كىچىياڭ مىنا بۇلاردى كۅرسۅتتۉ، بىرىككەن ماملەكەتتەر ۇيۇمۇ قۇرۇلعان 70 جىلدان بەرى، جالپى جونۇنان دۉينۅنۉن تىنچتىعىن ساقتاپ، 1 مئللىياردتان اشۇۇن جان-سان كەمباعالدىقتان ارىلىپ، كۅپتۅگۅن ماملەكەتتەر ۅنۉگۉپ ۅركۅندۅۅنۉن جولۇنا باستى.

 بۇلار دۉينۅنۉن جەر شارىلاشۇۇ جانا كۅپ ۇيۇلداشۇۇ بارىشى مەنەن تىعىز بايلانىشتۇۇ، وشوندوي ەلە ار قايسى ماملەكەتتەردىن كۅپ تاراپتۇۇلۇقتا بەكەم تۇرۇپ، بىردىكتە باساكەلەرگە تەڭتايلاش تۇرۇۇسۇنان بۅلۉپ قارووعو بولبويت. ۇچۇرداعى ەل ارالىق قىرداال استىندا، بئز مۇرداعى ار قانداي كەزدەگىدەن دا كۅپ تاراپتۇۇ دۉينۅگۅ مۇقتاچبىز.

ار قايسى ماملەكەتتەر ەرەجەنى نەگىز قىلعان ەل ارالىق تارتىپتى قورعوپ، بىرىككەن ماملەكەتتەر ۇيۇمۇ نئزامىنىن تۉپكۉ ماقساتى جانا پىرىنسىبىنە مويۇن سۇنۇپ، سۉيلۅشۉۉ كەڭەشۉۉ ارقىلۇۇ اچا پىلىردى چەچۉۉدۅ بەكەم تۇرۇۇ كەرەك. دۉينۅلۉك سوودا ۇيۇمۇنۇن نەگىزگى ەرەجەسىن قورعوپ، ەركىن سوودا قۇرۇلماسىندا بەكەم تۇرۇپ جانا كەمەلدەندىرىپ، سوودانىن ەركىندەشۉۉ ىڭعايلاشۇۇسۇن ىلگەرى سۉرۉۉ كەرەك. ەل ارالىق بايلانىشتىن دەموكىراتتاشۇۇسۇن جانا زاكوندوشۇۇسۇن جىلىشتاتىپ، قورۇقچۇلۇققا قارشى تۇرۇۇ كەرەك.

ەسپئنوسا مىنا بۇلاردى بئلدىردى، بىرىككەن ماملەكەتتەر ۇيۇمۇ جۇڭگو مەنەن بولعون بايلانىشقا جوعورۇ داراجادا ماانى بەرەت. بىرىككەن ماملەكەتتەر ۇيۇمۇ، جۇڭگو جاق مەنەن جانا دۉينۅدۅگۉ ار قايسى ماملەكەتتەر مەنەن بىردىكتە ەرەجەنى نەگىز قىلعان ەل ارالىق تارتىپتى قورعوپ، ەل ارالىق زاكون جانا دۉينۅ سوودا ۇيۇمۇنۇن قاندىرعاسىنداعى ەركىن سوودانى ىلگەرى سۉرۉپ، كەڭ پەيىل، باردىق ەلگە نارىپ جەتكىرگەن ەكونومىكانىن جەر شارىلاشۇۇسۇن جىلىشتاتىپ، بىردىكتە باساكەلەرگە تەڭتايلاش تۇرۇپ، دۉينۅنۉن تىنچ تۇرۇقتۇۇ جانا ۅنۉگۉ كۉلدۅنۉۉسۉن ىلگەرى سۉرۉۉنۉ قاالايت.

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.