باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
ەكولوگىيانى جۅنگۅ سالۇۇ ەبنۇر كۅلۉنۉن كۅركۉن جاڭىدان اچتى
   2018-08-10 12:19:01     xjbs   

     بۅرتالا مۇڭعۇل اپتونوم وبلاسى ەبنۇر كۅلۉ ەكولوگىياسىن قورعوو جانا قالىبىنا كەلتىرۉۉ قۇرۇلۇشۇن كۉچ سالا جولعو قويدۇ، بۉگۉنكۉ كۉندۅ، مۇرداعى كۅۅلۅمۉ 362 چارچىكىلومەتىر كەلەتۇرعان كۅل بەتى ۇچۇردا 805 چارچىكىلومەتىرگە كەڭىرىپ، جاپايى ۅسۉمدۉك جاندۇۇلاردىن ويۇنداعىداي جاشووچۇ جەرىنە ايلاندى.  بۅرتالا رادىيو ىستانسىياسىنىن قابارچىسى حۇاڭ گىنشئنىن قابارى.

    شئنجاڭ ەبنۇر كۅلۉ شالباسى ماملەكەتتىك جاراتىلىشتىق قورۇعۇن باشقارۇۇ مەكەمەسىنىن قورعووچۇسۇ بايىنسوحتۉ ەبنۇر كۅلۉ شالبالىعىندا  كۅپ جىلدان بەرى ىشتەيت، ال قابارچىعا، بۇل ەكى جىلدان بەرى كۅل بەتى كەڭىرىپ جانا سۇۇ وردۇنۇن جوعورۇلوسۇنان ۇلام، كۅل جەەگىندەگى ۅسۉمدۉكتۅر قالىبىنا كەلىپ، جاپايى ۅسۉمدۉك تۉرۉ 570 تۉرگۅ جەتىپ، قاناتتۇۇلار تۉرۉنۉن سانى دا 2012-جىلداعى 233 تۉردۅن 261 تۉرگۅ كۅبۅيگۅنۉن، مىندا 8 تۉرلۉۉ قاناتتۇۇ شئنجاڭداعى جاڭى تۉر تىزمەسىندە بولۇپ، سانى بئرقانچا تۉمۅنگۅ جەتكەنىن ايتتى.

      كۅل بەتىن جاشىل بالىر قاپتاپ، كۅل جەەگىندە تۉركۉن-تۉستۉۉ جاشىل چۅپتۅر جايقالىپ، قۇشتار كۅل ۉستۉندۅ قانات كۉۉلۅپ ارى-بەرى ۇچۇپ سۇۇدا وينوپ، بۇعۇلار كۅل جەگىنەن جەم ىزدەگەن كۅرۉنۉش-- مىنا بۇل ۇچۇرداعى جاشوو كۉچۉنۅ تولعون ەبنۇر كۅلۉ شالبالىعى. ەبنۇر كۅلۉنۉن ەكولوگىيالىق چۅيرۅسۉن قورعوو جانا قالىبىنا كەلتىرۉۉ ۉچۉن، جاقىنقى جىلداردان بەرى بۅرتالا مۇڭعۇل اپتونوم وبلاسى «سۇۇ ۉنۅمدۅۅ، كۅلدۉ قورعوو، توقوي جەتىشتىرۉۉ، قۇمدۇ تىزگىندۅۅ»باعىتىن ىمەرچىكتەپ، توقويدۇ باش-الامان كەسۉۉ مەنەن اڭچىلىق قىلۇۇعا تىيىم سالۇۇ مەنەن بىرگە،  توقويچۇلۇق بويۇنچا بئر سىيرا تۉيۉندۉۉ قۇرۇلۇشتۇ جولعو قويدۇ ارى سۇۇ بايلىعىن وزوتتوشتۇرۇپ سەپتەپ، سۇۇ ۉنۅمدۅۅ تئبىندەگى سۇۇعات قۇرۇلۇشۇن جولعو قويدۇ، وشونۇ مەنەن بئرگە ەبنۇر كۅلۉنۉن ايلاناسىنداعى مالچىلاردى كۅچۉرۉپ قونۇاشتاندىرىپ، ەكولوگىيانىن بئردەمجىي بۇزۇلۇۇسۇنان ساقتاندى.

     شئنجاڭ ەبنۇر كۅلۉ شالباسى ماملەكەتتىك جاراتىلىشتىق قورۇعۇن باشقارۇۇ مەكەمەسىنىن قىزماتكەرى ياڭ چاڭلى مىنداي دەدى : « قورۇقتۇن جاشىلدىق ارقىلۇۇ قۇمدۇ بەكەمدۅۅنۉ تۉيۉن قىلىپ، جالپى كىشى قولدۇۇ جەتىشتىرگەن توقوي جانا قالىبىنا كەلتىرىلگەن ۅسۉمدۉك جامىنچىسى 54 مئڭ مو بولدۇ، بئز داعى كۅلدۉن تۉشتۉك جەەگى جاعىنا جاپايى ەكولوگىيانى قالىبىنا كەلتىرۉۉ قۇرۇلۇشۇن جولعو قويۇپ، ال جەرگە 5 مئڭ مو جەرگە سۅكسۅۅل كۅچۅتۉن جەتىشتىرىپ، كۅكباستاۋ رايونۇنا ەكولوگىيالىق كۅچمۅندۅر قۇرۇلۇشۇن جولعو قويدۇق، مىندا 50 تۉتۉندۅگۉ 61 كىشى الاتوو ووزۇنا كۅچۉرۉلدۉ.

     ۅتكۅن جىلى 8-ايعا چەيىن، ەبنۇر كۅلۉنۉن تۉندۉك چىعىش بۅلۉگۉندۅگۉ كۅكباستاۋ رايونۇنداعى مالچىلاردىن باردىعى كۅچۉرۉلدۉ. بىيىل 51 جاشقا كىرگەن گۉلنۇر ئيمامادى كەزىندە كۅكباستاۋ رايونۇنداعى بئر ايىل-قىشتاق دوقتۇرۇ، كۅچۉپ بارعاندان كىيىن كۇرسقا قاتىشۇۇ ارقىلۇۇ، ۇچۇردا الاتوو چەك ارا ووزۇ شااردىق ەل دوقتۇرقاناسىنىن وورۇنۇن الدىن الىپ تىزگىندۅۅ بۅلۉمۉنۉن دوقتۇرۇ بولعون. ال قابارچىعا : « مەن بۇل جەرگە كەلىپ قىزمات ىشتەگەندەن كىيىن، ايىنا ۉچ مئڭ يۇاندان مايانا الاتۇرعان بولدۇم، ورگاندان قوومدۇق قامسىزداندىرۇۇ قارجىسىن تاپشىرىپ بەرەت. مۇرداعى مەنەن سالىشتىرعاندا ازىر جاشاپ جاتقان چۅيرۅبۉز دا كۅپ ۅزگۅرۉۉ كۅرۉلۉپ، تۇرمۇشۇبۇز بارعانسايىن جاقشىلانىپ، باقىپ سەزىمىنىن بارعانسايىن ارتتى» دەدى.

    ەەلەنىشىنچە، بىيىل، بۅرتالا مۇڭعۇل وبلاسى داعى ەبنۇر كۅلۉنۉن سۇۇ كىرۉۉ ووزۇ رايونۇندا جۇڭعار لەكۇس بالىعىن جەتىشتىرىپ، ەبنۇر كۅلۉندۅگۉ بىيولوگىيالىق جاندۇۇلاردىن كۅپ تۉردۉۉلۉگۉن ساقتوودوعۇ جاڭى  سىناق قىلۇۇنۇ پئلاندايت ەكەن.

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.