باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
اپتونوم رايونۇبۇزدۇن جەر- جەرلەرى  مەەرىم جەتكىرۉۉ، ال سۇروو قىيمىلىن دىلگىر قۇلاچ جايىلتتى
   2018-08-10 12:21:17     xjbs   

     بئر قانچا كۉندۅن بەرى اپتونوم رايونۇبۇزدۇن جەر- جەرلەرى، ار قايسى ورۇندار «7-ايدىن 1-كۉنۉ» مەەرىم جەتكىرۉۉ قىيمىلىن دىلگىر قۇلاچ جايىلتىپ، قىيىنچىلىقتۇۇ پارتئيا مۉچۅلۅرۉ جانا قارت پارتئيا مۉچۅلۅرۉنۅن ال سۇراپ، نەگىزگى قاتمار پارتئيا ۇيۇمۇن ۇيۇتقۇلۇعۇن، چاقىرۇۇ كۉچۉن جانا كۉجۉرمۅندۉگۉن داعى بىردەمچىي ۅستۉردۉ. 
    ---6 -ايدىن 26- كۉنۉ اراشان وودانى باقىت قوومدۇق قونۇش پارتكومۇ قوومدۇق قونۇش، تۇرعۇنداردىن ۉيلۅرۉنۅ بارۇۇدان تۇرعان «پارتئيا قۇرۇلعاندىعىنىن 97 جىلدىعىن قۇتتۇقتوو، پارتئيا تۇۇسۇ تئيانشان تووسۇن جارقىتتى» نەگىزگى تەماسىنداعى پارتئيا كۉنۉ قىيمىلىن قۇلاچ جايىلتتى، قىيمىل ناق مايدانىندا جاڭى- قارت پارتئيا مۉچۅلۅرۉ چوعۇۇ ماملەكەت ىرىن ىرداپ،  قىپقىزىل پارتئيا تۇۇسۇ استىندا پارتئياعا كىرۉۉ انتىن ەسكەردى. پارتئياعا كىرگەنىنە 58 جىل بولعون قارىت پارتئيا مۉچۅسۉ تاجىقان تۉسۉپ ىشتىكتۉۉلۉك مەنەن كۅپچۉلۉككۅ پارتئيا ساباعىن ۅتۉۉنۉ تالاپ قىلدى. ال مىنداي دەدى:« جۇڭگو كوممۇنىستىك پارتئياسى بولبوسو بۉگۉنكۉبۉز بولبويت ەلە، وشوندۇقتان مەن پارتئيانىن جاقشىلىعىن ۇنتۇپ قالبايىم. كىيىنكى ۇرپاق جاش پارتئيا مۉچۅلۅرۉ، جاش جولدوشتوردۇ جاقشى تاربئيالاپ، سوتسىيالىستىك قۇرۇلۇش قىزماتىندا ار ۇلۇت ەلى جاقىن ىنتىماقتاشىپ، ورتوق بايۇۇ ۉچۉن كۉرۅش قىلۇۇبۇز كەرەك». 

    قوومدۇق قونۇش پارتكومۇنا مۉچۅ  ورۇن- اراشان ىستاتىستىكا مەكەمەسىنىن باشچىسى الئيا راقىش مىنداي دەدى:« تاجىقان بايكەنىن پارتئيا ساباعى بىزگە زور شىق بولدۇ، مەكەمەبىزدەگى كادىرلار مىندان كىيىنكى قىزماتتاردا قوومدۇق قونۇش تۇرعۇندارىنىن ۉيۉنۅ تەرەڭ چۅگۉپ، قالايىق- قالىق مەنەن بئر دەنە بولۇپ، قىزماتتاردى چىمىرقانىپ سىزىل جاقشى قۇلاچ جايىلتىپ، قوومدۇق قۇنۇشتاعى ار تۉردۉۉ قىزماتتاردى جاقشى ىشتۅۅگۅ اراكەت قىلابىز».

      6 - ايدىن 26- كۉنۉ سانجى شاارى ارلىيۇگوڭ بازارىنىن حوڭشىڭ قىشتاعىنداعى باردىق پارتئيا مۉچۅلۅرۉ، «ەل ابالىن بىلۉۉ، ەلگە نارىپ جەتكىرۉۉ،ەل كۅڭۉلۉن الۇۇ» قىيمىلى بويۇنچا قىشتاقتا تۇرۇشتۇۇ پارتئيا مۉچۅلۅرۉ جانا قىشتاقتاعى  70 جاشتان جوعورۇ ەكى قارىت پارتئيا مۉچۅسۉ مەنەن بئر جەرگە چوعۇلۇپ، پارتئيا قۇرۇلعاندىعىنىن 97 جىلدىعىن قىزۇۇ قۇتتۇقتادى. كۅپچۉلۉك ەكى قارت پارتئيا مۉچۅسۉنۅ تۇۇلعان كۉنۉن قۇتتۇقتوو كارتاسىن جانا تۇرمۇش بۇيۇمدارىن بەلەك قىلدى، وشوندوي ەلە قارىيالار مەنەن چوعۇۇ تورت جەپ، تۇۇلعان كۉن ۅتكۅرۉپ، «جۇڭگو كوممۇنىستىك پارتئياسى بولبوسو جاڭى جۇڭگو بولبويت ەلە» دەگەن كۅڭتۅرۉشتۉك ىردى چوعۇۇ ىرداشىپ، كۅڭتۅرۉشتۉك ەستەمەلەردى ەسكە الىپ، كۅپچۉلۉك بئر- بىرىنە قووز، تەرەڭ تااسئر قالتىرىشتى. قارت پارتئيا مۉچۅسۉ ما يان مىنداي دەدى:« بئز چوعۇۇ تورت جەپ، كۅڭتۅرۉشتۉك ىرلاردى ىرداپ اياباي سۉيۉندۉك، قارىت پارتئيا مۉچۅسۉ قاتارى ۅز ابىزەلدىگىمدى ۅرچۉتۉپ، حوڭشئڭ قىشتاعىنىن قىزماتتارى ۉچۉن بئر كىشىلىك كۉچ قوشوم».

      بۇل بئر قانچا كۉندۅ قومۇل شاارى ەۋىرعول رايونۇ تاشۋەلىق ايىلىنىن چىڭدوڭ قىشتاعى  «7-ايدىن 1-كۉنۉ» مەەرىم جەتكىرۉۉ قىيمىلىن الىپ بارىپ، قىشتاقتاعى 14 كەمباعال قالايىق- قالىق جانا 13 «تۅرت قارتاڭ»دان ال سۇراپ، الارعا سالام جانا تىلەك جولدودۇ، وشوندوي ەلە كۉرۉچ، ۇن، سۇۇ ماي سىياقتۇۇ تۇرمۇشتۇق بۇيۇمدارىن بەردى. بىيىل  74 جاشقا كىرگەن فىڭ شئحۇانىن پارتئيا كىرگەنىنە 52 جىل بولعون بولۇپ ۇۇلۇ جانا قىزى شااردا قىزمات قىلات، ۉيدۅ ەكى قارىيا قانا جاشاعاندىقتان دايىما زەرىگىپ قالات ەلە، ال قابارچىعا مىنداي دەدى:« <ەل ابالىن بىلۉۉ، ەلگە نارىپ جەتكىرۉۉ، ەل كۅڭۉلۉن الۇۇ> قىيمىلى بويۇنچا قىشتاقتا تۇرۇشتۇۇ قىزمات اتىرەتىندەگىلەر مەنەن قىشتاق كادىرلارى بىزدەن دايىما ال سۇراپ تۇرات، مايرامدا ال سۇراپ كەلەت، دەمەيدە دەلە كۅركۅلۉ كەلىشەت، بئز پارتئيانى ۇنتۇپ قالبادىق، پارتئيا داعى بئزدى ۇنتۇپ قالبادى، ازىر تولۇقتاما بەرەت، قوومدۇق قامسىزداندىرۇۇبۇز دا بار، مەنىن دەنىبىز سوو بولۇپ، قوومۇبۇز ۅنۉكسۅ دەپ اڭسايم». 

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.