باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
اپتونوم رايونۇبۇزدۇن تۉيۉندۉۉ قۇرۇلۇشۇ ماملەكەت جولۇ 577-لەنىياسىنىن تەكەس تۇنەلىنىن سول لەنىيا قۇرۇلۇشۇ تۇتاشتى
   2018-08-10 12:27:44     xjbs   

اپتونوم رايونۇبۇزدۇن تۉيۉندۉۉ قۇرۇلۇشۇ بولعون ماملەكەت جولۇ 577-لەنىياسىنىن تەكەس تۇنەلىنىن سول لەنىيا قۇرۇلۇشۇ 6- ايدىن 28- كۉنۉ تۇتاشتىرىلدى. بۇل بىنەمدەن تەكەسكە چەيىنكى جول بۅلۉگۉندۅكۉ العىلىقتۇۇ تىزگىندۅۅ مۉنۅزدۉۉ قۇرۇلۇش سانالات. قۇرۇلۇش بۉتكۅندۅن كىيىن قۇلجا شاارىنان تەكەس وودانىنا بارۇۇچۇ جول مۇرداقىعا سالىشتىرمالۇۇ بئر ساات قسقارات ەكەن.

   6- ايدىن 28- كۉنۉ تۉشتۅن مۇردا تەكەس تونەلى قۇرۇلۇشۇنۇن سول لەنىيا قۇرۇلۇشۇ بۉتتۉ، وڭ لەنىيا تۇنەلىندە مۇرداقىداي ەلە قۇرۇلۇش الىپ بارىلىپ جاتات. تۇنەل تۉرۉنۉن دىرىكتورۇ شىن جيانچياڭ قابارچىعا مىنداي دەدى: « تەكەس تۇنەلى ۇزۇن تۇنەل، سول جاق تۇنەلىنىن ۇزۇندۇعۇ 2760 مەتىر، وڭ تونەلىنىن ۇزۇندۇعۇ 2765 مەتىر كەلەت، بۇل بۉتكۉل تۉردۉكۉ تىزگىندۅۅ مۉنۅزدۉۉ قۇرۇلۇش، جالپى  گىدرولوگىيا، جۇعىراپئيالىق ابالى تاتاال، بۉگۉن تەكەس تۇنەلىنىن سول لەنىياسى وڭۇشتۇۇ بۉتۉشۉ ماملەكەت جولۇ 577-لەنىياسىن ۅزگۅرتۉۉ قۇرۇلۇشۇندا قولعو كەلتىرىلگەن باسقىچ مۉنۅزدۉۉ ىلگەرلۅۅدۅن دارەك بەرەت». 

     ماملەكەت جولۇ 577-لەنىياسى جىڭ وودانىنان قۇلجا شاارىنا چەيىنكى تاش جول تۉرۉ ىلە دايراسى ۅرۅنۉ مەنەن سىرتتى جالعاشتىرۇۇچۇ ەكىنچى چوڭ جول بولۇپ، جالپى ۇزۇندۇعۇ 89.51 كىلومەتىر كەلەت، جالپى 54 كۅپۉرۅ، 15 تۇنەل بار، جالپى 11 مئللىيارت 120 مئللىيون يۇان قارجى سالىنعان ، 2020- جىل ەتەگىنە چەيىن قۇرۇلۇش بۉتۅت. بۇل تۉر داعى توعۇزتاروو وودانىنىن بىنەم، تەكەس جانا مۇڭعۇلكۅرۅ وودانىن جالعاشتىرۇۇچۇ كىرەست فورمالۇۇ جوعورۇ تەمىپتۉۉ جول بولۇپ، ىلە دايراسى ۅرۅنۉندۅكۉ ار قايسى وودانداردىن جوعورۇ تەمىپتۉۉ تاش جولۇن ۅز ارا جالعاشتىرىپ، جوعورۇ تەمىپتۉۉ تاش جول تورۇن قالىپتاشتىرات.


    ساردابان تەكەس وودانىنا كىرۉۉدۅكۉ سۅزسۉز ۅتۉۉگۅ تىيىشتۉۉ جول بولۇپ، ىمەرىلىش كۅپ، جولۇ تاتاال بولعوندۇقتان، وڭوي قاتتوو وقۇياسى كەلىپ چىعات بولچۇ، ماملەكەت 577-لەنىياسى بىنەمدەن تەكەسكە چەيىنكى تاش جولدۇ ۅزگۅرتۉۉ قۇرۇلۇشۇندا ازىرقى ۅلكۅ جولۇ بويۇنچا ۅزگۅرتۉۉ الىپ بارىلات. ۅزگۅرتۉلگۅندۅن كىيىن مۇرداقى سارداباندى اشۇۇعا كەتكەن ۇباقىت 1 ساات قىسقارات. تەكەس وودانىنىن تۇرعۇنۇ ۋاڭ ۋانلئن مىنداي دەدى:« قۇلجاعا بارۇۇچۇ جول قىسقاردى ارى قووپسۇز بولدۇ، مۇردا قىشتا سارداباندى اشقاندان قورقوت ەلەك، جول تايعاق بولچۇ، ازىر ابدان وڭتويلۇۇ بولدۇ».

    ماملەكەت جولۇ 577-لەنىياسى اپتونوم رايوندۇن قاتتوو جوسپورۇ بويۇنچا «بەش تىك جەتى تۇۇرا جوعورۇ تەمىپتۉۉ جول، جوعورۇ داراجالۇۇ تاش جول تورۇ»نداعى «قاناستان جاڭىشاارعا بارۇۇچۇ» 3-تاش جولدۇن زارىل بۅلۉگۉ، وشوندوي ەلە قۇلجا شاارى، تەكەس وودانى، موڭعولكۉرۅ وودانىنىن نەگىزگى لەنىيالۇۇ تاش جولۇ ەسەپتەلەت.

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.