باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
تۇۇعانىمدى سانجىنى ايلانۇۇعا سۇنۇشتايىم
   2018-08-10 12:53:47     xjbs   

  جاقىندا، سانجى شاارى قۇلاچ جايدىرعان «جىبەك جولۇنداعى وبلاستىن  جىلدىق مايرامى، تۇۇعانىمدى سانجىنى ايلانۇۇعا سۇنۇشتايىم» اتىنداعى جۉز كۉندۉك مادانئيات ساياقات جەلەلەش قىيمىلىندا، پوچتو امانات بانكەسىنىن سانجى وبلاستىق بۅلۉمچۅسۉندۅكۉ قىزماتكەر حى شىياۋ قۇرچالىشىپ تۇۇعانداشقان تۇۇعانى ادىل مەنەن بىرگە سانجى شاارىنداعى نەگىزدۉۉ كۅرك تۉيۉندۅرۉن ايلانىپ، قووز شئنجاڭدىن ۅنۉگۉۉ ۅزگۅرۉۉسۉن سەزىنىپ، ەكۅۅنۉن مەەرى- ماحاباتى تەرەڭدەدى. سانجى رادىيو ىستانسىياسىنىن قابارچىسى چىڭ شىلىندىن قابارى. 
        الدىنقى اپتانىن اقىرىندا، حى شىياۋ تۇۇعانى سانجى كەسپى تەحنىكا شۅيۅنۉنۉن ۉچۉنچۉ جىلدىق وقۇۇچۇسۇ ادىلدى سانجى مادانئي ەستەلىكتەر بوربورۇنا ەكىسكۇرتسىيالاپ بارۇۇعا سۇنۇشتادى. تارىحى ەستەلىككە تولعون مادانئي ەستەلىكتەر سارايىندا ادئل تەرەڭ تااسىراتقا ەە بولدۇ. ال مىنداي دەدى:- مەنىن بئرىنچى جولۇ بۇل جەرگە ەكىسكۇرتسىيالاپ كەلىشىم، مەنىن ۇلۇۇ اتا مەكەنگە جانا جۇڭحۇا ۇلۇتۇنا بولعون تاانىمىم اشتى، مەن ازىرقى قووز تۇرمۇشتۇ قادىرلاپ، ۇلۇتتار ىنتىماعىن چىڭالتىپ، چىمىرقانىپ كۉرۅش قىلىپ، ۅزۉمدۉن تۇرمۇش ابالىمدى ۅزگۅرتۅم.

    ادىل پىچان وودانى پىچان ايىلىنىن كىچىك قىشتاعىنداعى بئر قارايىم دىيقان ۉي-بۉلۅسۉندۅ تۇۇلعان. بئر ۉي-بۉلۅدۅكۉلۅر 10 مو جەردەكى جۉزۉمگۅ سۉيۅنۉپ تۇرمۇش ۅتكۅزۅت. تۇرمۇشۇ انچا بايكەر ەمەس. «ۇلۇتتار ىنتىماقتاشىپ، بئر ۉي- بۉلۅ كىشىلەرىندەي بولولۇ!» قىيمىلىندا، حى شىياۋ ادىل مەنەن قۇرچالىشىپ تۇۇعانداشقاندان كىيىن، دايىما تۇرمۇش، ۉيرۅنۉۉدۅ بۇل ئنىسىنە كۅڭۉل بۅلۉپ كەلەت. وقۇۇ بۉتۉرۉۉ الدىندا تۇرعان ئنىسىنىن قىزمات تابۇۇسۇنا جاردامداشۇۇ ۉچۉن، حى شىياۋ سانجى شاارىنداعى چوڭ- كىچۉۉ ماشئنا رەمىنىتتوو ورۇندارىندا بئر ايدان اشۇۇن ۇباقىت ارالاپ جۉرۉپ، سانجى شااردىق يوۋيۉن قوومدۇق قونۇشۇنۇن ايلاناسىنداعى چاقان ماشئنالاردى رەمىنىتتوو وردۇنان اعا ىلايىقتۇۇ جۇمۇش بئردى تاپتى. حى شىياۋ مىنداي دەدى:-تەك عانا بئر ماشئنا رەمىنىتتوو وردۇ ئنىمىمدىن ىشتۅۅسۉنۅ تۇۇرا كەلەت ەكەن. انىن ۉستۉنۅ قوجويۇنۇ دا ابدان جاقشى. انى جاتاق، تاماق مەنەن قامدايتۇرعان بولدۇ. العاچىنداعى ايلىق ماياناسى بئر قىيلا تۅمۅن بولسودا، بئروق، انىن چىمىرقانۇۇسۇ ارقىلۇۇ، ماياناسىنىن بارعان سايىن جوعورۇلايتۇرعانىنا ىشەنەم.

  بۇل ماشئنا رەمىنىتتوو وردۇندا پىراكتىكا قىلعاندان كىيىن، ادىل اكەسىنىن تابىشتووسۇن ەستە بەكەم ساقتاپ، جاقشى ۉيرۅنۉپ، بىلبەگەنىن سۇراشتىرىپ، ۅزۉنۉن قان تەرى ارقىلۇۇ ۅزۉنۉن اڭسوونۇن ىشكە اشىردى. ال مىنداي دەدى:- مەن بۇل ماشئنا رەمىنىتتوو وردۇنان ماشئنا اسىروو جانا رەمىنىتتوو جاعىنداعى بىلىمدەردەن كۅپ ۉيرۅندۉم. ازىر 2 مئڭ يۇانداي مايانا الام، جاتاعىما، تاماعىما قارايت. حى شىياۋ اعام ارى- بەرى چاپقىلاپ جۉرۉپ، ماعا جاقشى قىزمات تااپ بەردى، مەن اياناي تااسىرلەندىم، اعا كۅپ ىراازىچىلىق. ازىر بۇل زاۋوتتو جاقشى ىشتەپ، مىندان كىيىن سانجىدا قالىپ قالام.

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.