باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
بۉت چۅلكۅم ساياقاتى شئنجاڭدىن جاقشى كۅركۉن جاقشى كۅرسۅتۉپ، شاار- ايىلداردىن جۇمۇشقا ورۇنداشۇۇسۇنا دەم بولۇپ، قالايىق- قالقتىن كىرەشەسىنىن ارتۇۇسۇن جىلىشتاتتى
   2018-08-10 12:55:41     xjbs   

باش شۇجئى شئى جئنپئڭ : ساياقات ەكونومىكانى ۅنۉكتۉرۉۉ، جۇمۇشقا ورۇنداشۇۇنۇ ارتتىرۇۇنۇن ۅنۉمدۉۉ چاراسى، وشوندوي ەلە ەلدىن تۇرمۇش دەڭگەەلىن جوعورۇلاتۇۇداعى زارىل كەسىپ دەپ كۅرسۅتكۅن. ۇچۇردا، اپتونوم رايونۇبۇزدا  بۉت چۅلكۅم ساياقاتى تەزدىك مەنەن ۅنۉگۉپ، شئنجاڭدىن جاقشى كۅرۉنۉشۉن كۅرسۅتۉۉ مەنەن بئر ۇباقىتتا، شاار- ايىلداردىن جۇمۇشقا ورۇنداشۇۇسۇنا دەم بولۇپ، دىيقان- مالچىلاردىن كىرەشەسىن ارتتىرىپ بايۇۇ جولۇنا باسۇۇسۇن جىلىشتاتتى. ىستانسىيابىز قابارچىلارى جىنلەي، ايبىن، پىراكتىكانت لو يۇانمىڭدەردىن قابارى:   

  جاي مەزگىلىندەگى اراشان وودانىندا كۉن اچىق، اسماندا  كىچىنە بۇلۇتتار قاالعىپ، اباسى سالقىن بولۇپ، ار قايسى جەرلەردەگى ساياقاتچىلاردى اراشان وودانىنا كەلىپ اراشانعا تۉشۉپ، شالبانى ساياقاتتاپ، مۇزداق سۇۇ بالىعىن جەپ، جازىندا سەيىلدۅۅگۅ ەلىكتىرىپ، ار قايسى چوڭ قونوق سارايلار، دىيقاندار قۇبانىچى سىياقتۇۇلاردىن سووداسى قىزىدى. اراشان وودانىنىن بۅرتالا دايراسى ماملەكەتتىك شالباسىندا، ساز، اعىن، جايلوو سىياقتۇۇ كۅپ تۉردۉۉ شالبا كۅرۉنۉشۉ مەنەن ايلاناداعى توو چوقۇلارىنىن ەلەسى تۉشۉپ، كەرەمەت قووز كۅرۉنۉپ تۇردۇ، ساياقاتچى لانجئڭ مىنداي دەدى: كۉندۉزۉ كۉن اچىق، بۇلۇتتار اندا-مىندا قاالعىپ، تىگىل جاقتا شالبا، نارى جاعىندا سۇۇ، سۇۇ بەتىندە داعى ۅردۅكتۅر بار، جانا كۅپتۅگۅن بالىقتار سۇۇدا سۉزۉپ جۉرۉشۅت، ابدان قووز ەكەن.    

     ماملەكەتتىك بۉت چۅلكۅم ساياقاتچىلىعى بويۇنچا ۉلگۉلۉۉ رايون بولۇپ قۇرۇلعان ورۇن قاتارى، اراشان وودانى سايرام كۅلۉ، اراشان جانا دارىيا جەەگى شالبااسى بايلىق ابزەلدۉلۉگۉنۅ سۅۅنۉپ، بۉت چۅلكۅمدۉك ساياقاتتىن ۅنۉگۉۉسۉن كۉچ سالا جىلىشتاتىپ، ايىل-قىشتاقتى جوسپورلوو، كەسىپتى جايعاشتىرۇۇ، اچىپ-ۅنۉكتۉرۉۉ ىقماسى سىياقتۇۇ جاقتاردا دىلگىرلىك مەنەن ىشتىكتۉۉ ىلىكتەپ ئش-جۉزۉندۉۉلۉكتۅن ۅتكۅرۉپ، ساياقاتچىلىقتىن باچىم ۅنۉگۉۉسۉن ىلگەرى سۉرگۅن. بىيىل 1-ايدان 6-ايعا چەيىن، اراشان وودانىنىن كۉتۉپ العان ساياقاتچىلارى 300 مئڭ كىشى ىرەەتتەن اشىپ، ساياقات كىرەشەسى 28 مئللىيون يۇان بولعون. اراشان ووداندىق ساياقات مەكەمەسىنىن ورۇنباسار باشچىسى ياڭبئن : « نەگىزىنەن اراشاندى سەزىنۉۉ ساياقاتى، توقويدو تىنىعۇۇ جانا ايىل-قىشتاقتى قىدىرىپ ساياقاتتوو جانا ارحولوگىيالىق ئزىلدۅۅ ساياقاتىن تۉيۉندۉۉ جولعو قويدۇق. مىندان كىيىن بئز داعى ۅزگۅچۅ ساياقات تۉشۉمۉن جاراتىپ، «ساياقات +»قۇرۇلۇشۇن جولعو قويۇپ، ۇشۇندان ۇلام ساياقاتچىلىقتىن ىلگەرى سۉرۉۉ بەرەكەتىن ەڭ چەگىنە جەتكىزەبىز»، دەدى.

       ۇچۇردا، اپتونوم رايونۇبۇزدان 15 وودان، شاار ماملەكەتتىك بۉت چۅلكۅم ساياقاتى بويۇنچا ۉلگۉلۉۉ رايون قۇرۇۇ تىزمەسىنە كىرىپ، ۉلگۉلۉۉ رايوندۇ قۇرۇۇ ارقىلۇۇ، جەرگىلىكتەگى دىيقان-مالچىلاردىن ۅز جەرىندە جۇمۇشقا ورۇنداشۇۇ، كىرەشەسىن ارتتىرىپ بايۇۇ جولۇنا ات سالۇۇسۇن ىلگەرى سۉردۉ. مورىي قازاق اپتونوم وودانى ەگىنبۇلاق ايىلى يۅلىياڭدى قىشتاعى چوردوندۇۇ تۉردۅ جۅرۅلگۅلۉۉ تۇرعۇندار قونۇشۇ، ۇلۇتتۇق سالت-ساانا، قول ۅنۅرمۅنچۉلۉك، تابىعىي كۅرك مادانئياتى بئر تۇلقۇلاشقان جۇڭگو جۅرۅلگۅلۉۉ قىشتاعى بولۇپ، جاقىنقى جىلداردان بەرى، ووداندان 30 مئللىيون يۇان قارجى سالىپ جۅرۅلگۅلۉۉ قىشتاقتى قورعوپ اچىپ ۅنۉكتۉرۉۉ قىزماتىن قۇلاچ جايدىرىپ، ايىل-قىشتاق ساياقاتى اقىرىندىق مەنەن جاندانىپ، 33 تۉتۉن ۉي-بۉلۅ ۉيۉن جاتاق قىلعان. بۇل مەزگىلدە، قىشتاق  تۇرعۇنۇ گان حۇيفاڭ ابدان شاشىلىش بولۇپ، انىن ۉي جاتاعىنداعى دەمەيدە كەلگەن قاردارلاردىن اياعى ۉزۉلبۅي، اپتا سوڭۇندا كەلگەن ساياقاتچىلار مەنەن تولۇپ، كۉندۉك كىرەشەسى مئڭ يۇاندان جوعورۇ بولعون: « بۇل جەرگە كەلىپ ساياقاتتاعاندار ابدان كۅپ، ۉرۉمچۉدۅن، سانجى، كۉيتۉن، مايتوو، شىحانزادان كەلگەن ساياقاتچىلار بار، كەچۅۅ كۉنۉ تۅرت اپتوبوس كىشى كەلىپ، سوودابىز ابدان جاقشى بولۇپ قۇباندىق»، دەدى.

     بۉت چۅلكۅمدۉك ساياقاتچىلىقتى ۅنۉكتۉرۉۉ بارىشىندا، جەر-جەرلەر دىيقان-مالچىلارعا قاراتقان تەيلۅۅ تەحنىكاسى جانا تەيلۅۅ تاانىمىنا بولعون تاربئيانى ارتتىرىپ، جەرلىك تۇرعۇنداردىن ساياقات توۋارلارىن ۅندۉرۉۉ ساتۇۇ، اش-تاماق توسۇپ الۇۇ، ۉي-بۉلۅۅ زىياراتى، ىر-بئي ويۇن نومۇرلارى جانا ەلدىك جاتاق، باش تەما مەيمانقانالارى سىياقتۇۇلار مەنەن الپۇرۇشۇسۇن شىقتاندىرىپ قولدودۇ. بۇۇرچىن وودانى ساياقات، جاتاق، اش-تاماق، ساياقات توۋارلارىن ساتۇۇ سىياتقۇۇلاردى ۅنۉكتۉۉۉ ارقىلۇۇ، جەرلىك تۇرعۇنداردان تۉمۅن ادامدى جۇمۇشقا ورۇنداشۇۇ ماسەلەسىن چەچتى، قاشقار شاارى ۅزگۅچۅ ەلدىك سالت كۅچۅ رايونۇ ايلاناسىنداعى 20 مئڭدەن اشۇۇن ادامدى جەتەكتەپ جۇمۇش تااپ بەرگەن. وشونۇ مەنەن قاتار، كەە بئر جەرلەر ساياقاتتى ۅنۉكتۉرۉۉنۉ كەمباعالداردى تۅپ جۅلۅۅ، ەلدى بايىتىپ بەيپىل قونۇشتاندىرۇۇ، قووز ايىل قىشتاق قۇرۇۇ مەنەن ۅز ارا بىرىكتىرىپ، دىيقانچىلىق، مالچىلىق رايوندورۇنۇن چۅيرۅسۉن زور داراجادا جاقشىلادى. باعراش ووداندىق ساياقات مەكەمەسىنىن باشچىسى جان لئجۉن مىنداي دەدى: «بئز داعى باعراش كۅلۉندۅي 5A داراجالۇۇ كۅرك رايونۇنا سۉيۅنۉپ، بۉت چۅلكۅمدۉك ساياقاتچىلىعىن جاراتىپ، سىزىل زور چەنەمدە قارجى سالىپ، ساياقاتچىلىق نەگىزكى جابدۇۇلارىن كەمەلدەندىردىك. چۅيرۅنۉ الدى مەنەن جاراتابىز، ايىل، قىشتاقتاردىن ار بئرىن بئر كۅرۅك رايونۇ، باقچا قىلىپ قۇرۇپ چىعابىز، اقىرقى ماقساتىبىز قالىڭ ەلدى ساياقات جولۇندا باستىرىپ، ساياقاتتىن تاماعىن جەگىزىپ، ساياقاتتىن اقچاسىن تاپتىرۇۇ.»

     بۉت چۅلكۅمدۉك ساياقاتچىلىق، جالپى ەل چوعۇۇ قاتىشىپ قۇرۇپ چىعىپ، جالپى ەل ساياقاتتى ۅنۉكتۉرۉۉنۉن پايداسىن ورتوقتوشۇۇنۇ كۅرسۅتۅت. اپتونوم رايوندۇق ساياقاتچىلىقتى ۅنۉكتۉرۉۉ كومىتەتىنىن پارتىگۇرۇپپا شۇجئسى حوۋ حانمئن بۉت چۅلكۅمدۉك ساياقاتچىلىق اپتونوم رايونۇبۇزدۇن ساياقاتچىلىعىنىن تئبىن ۅزگۅرتۉپ داراجاسىن جوعورۇلاتۇۇنۇ تۉرتمۅكتۅپ، ساپاتىن جوعورۇلاتىپ بەرەكەتىن ارتتىرعانىن ايتىپ مىنداي دەدى: « بۉت چۅلكۅمدۉك ساياقاتچىلىق، تەك عانا تۉيۉن ساياقاتچىلىعى ەمەس، تۉيۉن لەنىياسىن بىرىكتىرگەن ساياقاتچىلىق، ارى بئزدىن 4 مەزگىلدىك ساياقاتچىلىعىبىزدى كۅرسۅتۅت. بۉت چۅلكۅمدۉك ساياقاتچىلىعىنداعى ار بئر رايون چوڭ-چوڭ ىشتەردى ىشتەپ، جەلەلەش چىمىرقانۇۇلار ارقىلۇۇ، ايرىقچا جەر-جەرلەردەكى قاتىشتۇۇ تارماقتار ساياساتتىق قولدوو جانا قووم بايلىقتارى، قوومدۇق كاپىتالدىن قولدووسۇ جانا جاردامى ارقىلۇۇ، ساياقاتچىلىقتى ۅنۉكتۉرۉپ، ساياقاتچىلىقتى شئنجاڭدىن ەكونومىكانى ۅنۉكتۉرۉۉدۅكۉ ماتورلورۇنۇن بىرىنە ايلاندىرۇۇ كەرەك.»

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.