باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
كەمباعال توولۇۇ قىشتاق قووز ايىل-قىشتاققا ۅزگۅردۉ
   2018-08-10 12:59:58     xjbs   

      يانجئى حۇيزۇ اپتونوم وودانى شىكشىن بازارىنداعى حۇروتوو قىشتاعى اپتونوم رايون داراجالۇۇ كەمباعال قىشتاق. بۉگۉنكۉ كۉندۅ تۇراقجاي جانا شاار- ايىل قۇرۇلۇش مىنىستىرلىگى جاعىنان «سونۇن قونۇشتانۇۇعا جايلۇۇ ۅرنۅكتۉۉ قىشتاق»قا ايلانىپ، قىشتاق بويۇنچا بۉت قىشتاق كەمباعالدىقتان ارىلۇۇ نئشاانىن ىشكە اشىردى. بۇل ۅزگۅرۉۉلۅر قىشتاق پارتئيا باش ياچايكاسىنىن تەر تۅككۅنۉنۅن ايرىلا البايت.  بايىنعۇلۇن وبلاستىق رادىيو ىستانسىياسىنىن قابارچى جاڭ شىنحۇا، ەرىكتۉۉ قابارچىلار ما گوچئڭ، سۇجىيەندەردىن قابارى.

    6- ايدا، حۇروتوو قىشتاعى ساياقات چىيرالعان مەزگىلگە كىردى. ار كۉنۉ بئر توپ ساياقاتچىلار بۇل جەردە ەس الىپ، سالقىندادى. كۅپ- كۅك اسمان، تاپ- تازا ابا، قووز، تازا بەيپىل قونۇشتاندىرۇۇ ۉيلۅرۉ، جىتى قاڭىلجاردى جارعان ۅزگۅچۅ اسىل داامداردان كىشىنىن كەتكىسى كەلبەيت.

   قىشتاق تۇرعۇنۇ ايگۉل تۇرانىن دىيقاندار شاتتىعى وردۇ بئر جىلدىن ىچىندەكى ەڭ شاشىلىش مەزگىلگە كىردى. كەلىنى، قىزى باارى جاردامداشۇۇعا كەلدى. ايگۉلدۉن ۉي-بۉلۅسۉ ىلگەرى مال باعىپ، جىلدىق كىرەشەسى مەنەن جانىن اراڭ باعۇۇچۇ. قىشتاق كادىرىنىن جاردامىندا، ال دىيقاندار شاتتىعى وردۇن اچىپ، كىرەشەسى زور داراجادا جوعورۇلادى، ال مىنداي دەدى:- ازىر جولدا جاقشىلاندى، دۉكۅن دا بار بولدۇ، بۇل قوورونۇن ئچى دا جاقشى. بۇل جەرگە كىشىلەر كۅپ كەلسە، مەن داعى اياباي سۉيۉنۅم.

   حۇروتوو ـ تىيانشان تووسۇنۇن ورتو تۉشتۉگۉنۅ جايعاشقان، ەڭ بىيىك توو چوقۇسۇنۇن دەڭىز دەڭگەەلىنەن بىيىكتىگى 3647 مەتىر كەلەت. توو ەتەگىندە جايعاشقان حۇروتوو قىشتاعىنىن قاتتووسۇ ىڭعايسىز، دەڭىز دەڭگەەلىنەن بئر قىيلا بىيىك، ەگىنچىلىگى جالاڭ بولعوندۇقتان، دىيقان-مالچىلاردىن كىرەشەسى تۅمۅن بولۇپ، قىشتاق كەلبەتى توزۇپ تۇرات ەلە. پارتئيا 18- قۇرۇلتايىنان بەرى، جەرگىلىكتەكىلەر جاشىل ۅنۉگۉۉ تۉشۉنۉگۉن تۇرعۇزۇپ، چۅيرۅنۉ جۅنگۅ سالۇۇنۇ كەسىپتەردى جەتىشتىرۉۉ مەنەن بىرلەشتىرىپ، بئر جاعىنان اسمانى اچىق، سۇۇسۇ تۇنۇق ەكولوگىيالىق چۅيرۅنۉ جاراتىپ، داعى بئر جاعىنان ساياقاتتى ۅنۉكتۉرۉپ، ماملەكەتتىك 4A داراجالۇۇ كۅرك رايونۇنا قاراي ارىش تاشتادى. جاقىنقى جىلداردان بەرى، يانجى حۇيزۇ اپتونوم وودانىنىن حورۇتوو قىشتاعىنىن كەمباعالداردى جۅلۅپ، قىينچىلىعى بارلارعا جاردام بەرۉۉسۉنۅ سالعان قارجىسى 95 مئلىيون 647 مئڭ يۇانعا جەتىپ، تاش جول، بەيپىل قونۇشتاندىرۇۇ ۉيلۅرۉ، ايىل-قىشتاق كەلبەتىن جاقشىلوو، جامااتتىق نەگىزگى جابدۇۇ، ەكولوگىيالىق ساياقات سىياقتۇۇ جاقتارداعى قۇرۇلۇشتارعا ىشتەتىپ، 2015- جىلى حورۇتوو قىشتاعى بۉت قىشتاق بويۇنچا كەمباعالدىقتان ارىلىپ، قىشتاقتىن كۅركۉ اچىلدى. 
      
       ۇچۇردا، حورۇتوو قىشتاعىنداعى 92 تۉتۉندۉن 34 ۅ دىيقاندار شاتتىعى وردۇن اچتى. بىيىل الدىنقى جارىم جىلدا، ساياقاتچىلار سانى 130 مئڭ ادام ىرەتكە جەتتى. ساياقات بويۇنچا تەلەگەيلەشتىرىلگەن كەسىپتەردى ىمەرچىكتەپ، قىشتاق پارتئيا باش ياچايكاسى باش بولۇپ تۉرتمۅكتۅۅسۉندۅ، قىشتاقتا نان جابۇۇ قىزماتتاشتىعى، شىپىرعى بايلوو قىزماتتاشتىعى، ەتكەل ۅسۉمدۉكتۅر قىزماتتاشتىعى سىياقتۇۇلار قۇرۇلۇپ، قىشتاق تۇرعۇندارىنىن كىرەشەسىن ارتتىردى.
ازىر، قىشتاقتاعىلاردىن ورتوچو كىرەشەسى 2013- جىلداعى 2 مئڭ يۇاندان بىلتىرقى 15 مئڭ 200 يۇانعا جەتتى.
     حۇروتوو قىشتاقتىق پارتئيا باش ياچايكاسىنىن شۇجئسى ليۇ يۉ مىنداي دەدى:- ازىر قىشتاعىبىزعا بئر كۉندۅ كەلگەن ساياقاتچىلاردىن سانى، بئزدىن مۇرداعى 10 جىلدا كەلگەن ساياقاتچىلاردان دا كۅپ دەپ ايتساقتا بولوت. بئز ساياقاتتى ۅنۉكتۉرۉۉ ارقىلۇۇ، كىرەشەبىزدى اشىردىق. چىنىعى نارپقا ەە بولدۇق.  

 

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.