باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
شئنجاڭدىن سوودا زات جۉگۉرتۉۉ سىستەما قۇرۇلۇشۇ«جوعورۇ تەمىپ جولۇ»نا كىردى
   2018-09-07 18:33:15     xjbs   

 «بئر القاق، بئر جول»دەمىلگەسىنىن چىعىش شامالىنا سۉيۅنۉپ، اپتونوم رايونۇبۇز رايوندۇن جۇعۇراپئيالىق ابزەلدىگىنەن پايدالانىپ، سوودا جولۇ جانا ىڭعايىن مولۇقتۇرۇپ جانا جاقشىرتىپ، جىبەك جولۇ ەكونومىكالىق القاق ۅزۅكتۉۉ رايون سوودا زات جۉگۉرتۉۉ قۇرۇلۇشۇن باچىم جىلىشتاتتى.

 ىستانسىيابىز قابارچىلارى حىبئن، ايبىنداردىن قابارى:

 تىشقى سوودا كەسىبىندە كۅپ جىل جاپااعا چىداپ تاقشالعان شئنجاڭ جۇڭگو-ەۋروپا بىرلەشمە زات جۉگۉرتۉۉ چەكتۉۉ جووپتۇۇلۇق شەرىكتىگىنىن دىرەكتورۇ گوچئياڭ قاتتوونۇن شىدىر بولۇۇسۇنۇن زارىلدىعىن ابدان بىلەت. الدىنقى بئر قانچا جىلدا، باتىش چەك ارادان چىعاتۇرعان تەمىرجولدور شىدىر بولبوي، پويۇزدۇن تاشىمال كۉچۉ از بولۇپ، توۋارلار الاتوو ووزۇ چەك ارا ووزۇندا بئر كەزەكچى پويۇزعا سالىنۇۇ ارقىلۇۇ انان تاشىلىپ چىعىپ جاتقان، پويۇزدۇن قايسىل كۉنۉ كەلىشىن بىلگەلى بولبويت ەلە. بۉگۉنكۉ كۉندۅ، جۇڭگو-ەۋروپا كەزەكچى پويۇزۇ بااردىققا كەلگەندەن كىيىن گوچئياڭ بۇل ۉچۉن باش قاتىربايتۇرعان بولدۇ.

 ال قابارچىعا:-ازىر بارعانسايىن كۅپتۅگۅن چەت ماملەكەت سووداگەرلەرى شئنجاڭدان ساتىپ الۇۇنۇ تاندايتۇرعاندىعىن ايتىپ مىنداي دەدى:-الار ەمنەگە بئزدىن بۇل جەردى تاندايت؟ بئرىنچىسى: تۉشۉم ساپاتى بئر قىيلا جاقشى، ەكىنچىسى، جۇڭگو-ەۋروپا كەزەكچى پويۇزۇ تاشىمال ۇباقتىن زور داراجادا قىسقارتتى. بەلگىلۉۉ بئر ۇباقىتتا پويۇز جولعو چىعۇۇدان ازىرقى دايىمدۇۇ پويۇز جۉرۉۉگۅ چەيىن، چەكتۉۉ توۋاردان ازىرقى اپتاسىنا ەڭ كۅپ بولعوندو جۉز كونتەينىرگە چەيىن، شئنجاڭدىن باتىشقا ساپار كەزەكچى پويۇزۇ بار بولۇۇنۇن زارىلدىعى كۉنسايىن جوعورۇلادى.

 ۇچۇردا، شئنجاڭدىن باتىشقا ساپار كەزەكچى پويۇزۇنۇن لەنىياسى 19 عا جەتىپ، اركۉنۉ 3تەن پويۇز تۇرۇقتۇۇ جولعو چىعىپ، ورۇسىيا، ئران، گەرمانىيا قاتارلۇۇ 17 ماملەكەتتىن 23 شاارىنا جەتىپ باراتۇرعان بولدۇ. الدىنقى اپتادا، ۉرۉمچۉ ەل ارالىق قۇرعاقتىق پورت رايونۇ داعى بئر جولۇ«جۇڭگو-ەۋروپا»كەزەكچى پويۇزۇن چوعۇلتۇۇ ارنالۇۇ مايدان تاانىشتىرۇۇ جىينالىشىن ۅتكۅردۉ، بۇل بىيىلقى 8-ايدىن باشىندا«چاڭجئياڭ ۉچ بۇرچ دەلتاسى»،«جۇجئياڭ ۉچ بۇرچ دەلتاسى»قاتارلۇۇ رايوندوردو تاانىشتىرعاندان كىيىنكى 2-جولقۇ ارنالۇۇ مايدان تاانىشتىرۇۇ جىينالىشى سانالات. ۇچۇردا، 12 ماملەكەت ئچى-سىرتىنداقى زات جۉگۉرتۉۉ كەرقانالارى مەنەن قىزماتتاشتىق كەلىشىمىنە قول قويۇشقان.

 شئنجاڭ ەل ارالى قۇرعاقتىق پورتۇ(توبۇ)چەكتۉۉ جووپتۇۇلۇق شەرىكتىگىنىن ورۇن باسار باش دىرەكتورۇ جوۋكاي مىنداي دەدى:-كەلىشىم مازمۇۇنۇندا كەزەكچى پويۇزداردىن قىزماتتاشتىعى بار، بئز ۉرۉمچۉدۅ چوعۇلتۇپ، گەرمانىياعا جەتكەندە، گەرمانىيانىن جەرگىلىكتەكى زات جۉگۉرتۉۉ كەرقانالارى توۋارلاردى بئزدىن قولۇبۇزدان تاپشىرىپ الىشات، داعى«چاڭجئياڭ دايراسى ۉچ بۇرچ دەلتاسى»،«جۇجئياڭ دايراسى ۉچ بۇرچ دەلتاسى»نداقى اتاقتۇۇ زات جۉگۉرتۉۉ كەرقانالارى توۋار چوعۇلتۇۇ كەلىشىمىنە قول قويۇشۇپ، ۉرۉمچۉ ەل ارالىق قۇرعاقتىق پورت رايونۇ ۉچۉن توۋار چوعۇلتۇۇ قىزماتىن الىپ بارات.

بەش جىلدان بەرى، شئنجاڭ«بئر القاق بئر جول»دەمىلگەسىن مۅرت، ۅزارا بايلانىشۇۇ، ۅزارا قابارلاشۇۇنۇ وزۇۇ تۉيۉنۉ قىلىپ، ارقايسى رايوندوردو زات جۉگۉرتۉۉ تاشىمالىن شايكەشتىرۉۉ، ايقالىشۇۇ مەحانىزىمىن تەزدەن قۇرۇۇنۇ تۉرتمۅكتۅپ، رايون چۅلكۅمۉندۅ تاموجنادان ۅتۉۉنۉ بئر تۇلقۇلاشتىرۇۇنۇ جىلىشتاتىپ، ەل ارالىق تاموجنادان ۅتۉۉ، الماشتىرىپ-قۇراشتىرۇۇ، كۅپ ىڭعايدا بىرلەشمە تاشۇۇ قاتارلۇۇلار مەنەن ورگانىك اشتاشتىرىپ، جوعورۇ ۅنۉمدۉۉ، وڭتويلۇۇ ەل ارالىق تاشىمال كۉرۅ جولۇن جاراتىپ، سوودا زات جۉگۉرتۉۉ بوربورۇ قۇرۇلۇشۇن تەز جولعو كىرگىزۉۉنۉ ۅنۉمدۉۉ تۉرتمۅكتۅدۉ.

 ەكى كۉندۅن بەرى، الاتوو ووزۇ چەك ارا ووزۇندا ايجۉ چئنجىياڭ اشتىق زات جۉگۉرتۉۉ كەسىپتىك باقچاسىندا، قازاقىستاندان ئمپورت قىلعان 20مئڭ توننا بۇۇدايعا چۇقۇل جۇمۇش قوشۇپ ىشتەلۉۉدۅ. الاتوو ووزۇ ايجۉ چئنجىياڭ اشتىق چەكتۉۉ جووپتۇۇلۇق شەرىكتىگىنىن باش دىرەكتورۇ حۇ شۉمئڭ قابارچىعا:-شەرىكتىك قازاقىستاندا 300مئڭ توننالىق مايعا جۇمۇش قوشۇپ ىشتۅۅ سەحىن جانا العاچقى اشتىقتى ساتىپ الۇۇ باازاسىن قۇرۇپ، جۇمۇش قوشۇپ ىشتەگەن توۋارلاردى بەيجىن، شاڭحايداقى قىرىدارلار ساتىپ الۇۇعا زاكاس بەرگەندىگىن، بۉگۉنكۉ كۉندۅ شەرىكتىك الاتوو ووزۇندا«ماملەكەت اتتاپ ۅندۉرۉۉ، رايون اتتاپ جۇمۇش قوشۇپ ىشتۅۅ، ىچكى قۇرعاقتىقتا تئجارات قىلىپ ساتۇۇ»داي جاڭى قىرداالى ىشكە اشىرعاندىعىن ايتىپ مىنداي دەدى:-قازاقىستاندى العاچقى ماتىرىيالدى ساتىپ الۇۇ باازاسى قىلىپ، الاتوو ووزۇن زات جۉگۉرتۉۉدۅكۉ جۇمۇش قوشۇپ ىشتەپ قوتورۇۇ باازاسىنا ايلاندىردىق.

شئى-ان زات جۉگۉرتۉۉ ساتۇۇ باازاسى قاتارى مۇنۇ ىشتەپ جاتات،-دەدى. قورعوس تاموجنا ىستاتىستىكاسىنا قاراعاندا، 2018-جىلى 1-ايدان 6-ايعا چەيىن، قورعوس ئمپورت-ەكىسپورت توۋار تاشىمال مۅلچۅرۉ 17مئللىيون 44مئڭ 400 تونناعا، ئمپورت-ەكىسپورت سوودا سومماسى 55مئلليارت 110مئللىيون يۇانعا جەتىپ، 2017-جىلداقى وقشوش مەزگىلدەكىگە سالىشتىرعاندا ايرىم-ايرىم 18.6پايىز جانا 9.01پايىز ارتقان.

 باقتى چەك ارا ووزۇ شئنجاڭدىن بوربور ازىيا جانا ورۇسىيا بازارىنا بەت العان ۅزگۅچۅ ايىل-چاربا تۉشۉمدۅرۉن ەكىسپورتتوو باازاسىنا، قۇرعاقتىقتاقى ۅتۉشمۅ جول جانا چوعۇلتۇۇ-تاراتۇۇ بوربورۇنا ايلانعان. پاكىستاندىن دەڭىز تۉشۉمدۅرۉ قونجئراپ چەك ارا ووزۇ ارقىلۇۇ شئنجاڭعا كىرىپ، جۇڭگو-پاكىستان ەكونومىكا كارىدورۇ گۇادال پورتۇ مەنەن قاشقاردى جالعاشتىرىپ، قاشقار ەل ارالىق ىچكى قۇرعاقتىق پورتۇ مەنەن گۇادال پورتۇ كەسىبىن ۅزارا بايلاندىرىپ، جۇۇرۇلۇشتۇرۇپ، بىرلەشمە اراكەتكە كەلىپ ۅنۉگۉۉ، قىزماتتاشىپ ورتوق بايۇۇ جاعدايىن قالىپتاشتىردى.

سوودا زات جۉگۉرتۉۉ بوربورۇ قۇرۇلۇشۇن بىردەمجىي تەز جىلىشتاتۇۇ ۉچۉن، اپتونوم رايونۇبۇز ارت-ارتىنان«شئنجاڭ سوودا ىشتەرىن ۅنۉكتۉرۉۉنۉن›13-بەش جىلدىق جوسپورۇ»،«2016-جىلدان 2030-جىلعا چەيىن جىبەك جولۇ ەكونومىكالىق القاق ۅزۅكتۉۉ رايونۇ سوودا زات جۉگۉرتۉۉ بوربورۇ قۇرۇلۇش جوسپورۇ»،«2015-جىلدان 2020-جىلعا چەيىنكى شئنجاڭ سوودا زات جۉگۉرتۉۉ كەسىبىن ۅنۉكتۉرۉۉ جوسپورۇ»قاتارلۇۇ كۅپ تۉردۉۉ جوسپورلوردۇ تۉزۉپ چىعىپ، سوودا زات جۉگۉرتۉۉ بوربورۇ قۇرۇلۇشۇنۇن باعىتى، مەيكىندىك جايعاشۇۇسۇ، سىستەما قۇرۇلۇشۇ، تۉيۉندۉۉ قۇرۇلۇشتارى، كەپەلەت چااراسى قاتارلۇۇلاردى داعى بىردەمجىي ايقىنداشتىردى.

بۇل مۅرتتۉ بەكەم قارماپ، بارعانسايىن كۅپتۅگۅن شئنجاڭ كەرقانالارى بوربور ازىيا، ەۋروپا-ازىيا ماملەكەتتەرى مەنەن بولعون سوودا قىزماتتاشتىعىن ۇلاندۇۇ كەڭىرتتى. ۇچۇردا، شئنجاڭ حۇالئڭ توبۇ ۉچ جىل ۇباقىت سارىپتاپ قۇرعان گىرۇزىيانىن تئبلئس بازارى ۅندۉرۉشكۅ كىرگەن.

 شئنجاڭ حۇالئڭ توبۇنۇن پارتىگۇرپپا شۇجئسى گو شئياڭياڭ مىنداي دەدى:-بئز ازىر قارجى سالۇۇ ەپكىنىن اشىرىپ، ايلاناداقى جۇمۇش قوشۇپ ىشتۅۅ رايوندورۇن، ەركىن سوودا رايونۇن، قامپا رايونۇن تەزدەن قۇرۇپ جاتابىز، بۇل تۉرلۅردۉن بااردىعى قۇرۇلۇپ بۉتكۅندۅن كىيىن، تولۇق بئر تۉردۉۉ كەسىپ جەلەسىن قالىپتاشتىرىپ، ماملەكەتىبىز ئچى بازارلارى مەنەن ۅزارا بايلانىشىپ، ۅزارا تۉرتمۅكتۅيت. بۇل بازار ارقىلۇۇ ماملەكەتىبىزدەكى ەڭ جاقشى كەەبىر توۋارلاردى گىرۇزىياعا الىپ بارىپ، ەۋرۇ بىرىمدىگىنىن بازارىنا سالابىز.

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.