باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
ساياقاتچىلىقتىن ۅزۅكتۉۉ اتاانداشۇۇ قۇرباتى ۅستۉرۉلدۉ
   2018-09-11 21:01:40     xjbs   

اپتونوم رايونۇبۇز دىلگىرلىك مەنەن داڭقتۇۇ ساياقات ماركالارىن جاراتىپ، ساياقاتچىلىقتىن ۅزۅكتۉۉ اتاانداشۇۇ قۇرباتىن ۅستۉردۉ. اپتونوم رايونۇبۇزدۇن جەر- جەرلەرى تابئيعىي ەكولوگىيا جانا ۅزگۅچۅ مادانئياتتى ىمەرچىكتەپ، دىلگىرلىك مەنەن ساياقات ماركالارىن جاراتىپ، ساياقاتچىلىقتىن ۅزۅكتۉۉ اتاانداشۇۇ كۉچۉن داعى بئر دەمجىي كۅتۅ‍ردۉ. جاپجاشىل توو، كۅپكۅك اسمان، تازا ابا، تۇيلاعان تۇلپارلار 9- ايداعى نارات جايلوسۇنۇن قووز ەگولوگىيالىق چۅيرۅسۉ شئنجاڭدىن ئچى- سىرتىنداعى ساياقاتچىلاردى ەلىكتىردى.

حۇبەيلىك ساياقاتچى گان مىرزا مىنداي دەدى: «بۇل جەردىن ەكى جاعى بىيىك توو، ورتوسۇ جايلوو بولۇپ، ادام تاڭ قالعىداي قووز، بۇل جەردەگىلەر دا مەيماندوس، ساياقاتتوونۇن جاقشى تۉيۉنۉ ەكەن». 8- ايدان بەرى نارات كۅرك رايونۇ ساياقاتچىلاردىن جوعورۇ تولقۇنۇن كۉتۉپ العان، كۉتۉپ العان ساياقاتچى سانى كۉنۉنۅ 15 مىڭگە جەتكەن.

 ماملەكەتتىك 5A داراجالۇۇ كۅرك رايون قاتارى نارات كۅرك رايونۇ ار جىلى زور داراجادا قارجى سالىپ ەكولوگىيالىق چۅيرۅنۉ قورعووعو ىشتەتىپ كەلەت، ىلە وبلاستىق ساياقات مەكەمەسى پارتىگۇرۇپپاسىنىن شۇجئسى دوڭ يوڭچاڭ قابارچىعا مىنداي دەدى: «جاشىل توو، تۇنۇق سۇۇ ىلە ساياقاتىنىن التىن ماركاسى، ىلەنىن ساياقات بايلىعى اياباي ۅزگۅچۅ، ورۇنداشتىرعانداي جارالعان، تابئيعىي، جەرگىلىكتۉۉ ۅزگۅچۅلۉكتۉۉ بەينەلەپ تۇرات، بئز ەگولوگىيالىق چۅيرۅنۉ قورعوونۇ بەكەم تۇرعۇزۇۇ ارقىلۇۇ ساياقاتتىن ۅنۉگۉۉسۉندۅكۉ ەڭ چوڭ ناتئيجانى قولعو كەلتىرىپ، ۇشۇل بويۇنچا ۅنۉكتۉرۅبۉز».

ادامدى سۇقتاندىرعان تابئيعىي كۅركتۅن باشقا اپتونوم رايونۇبۇزدۇن مادانئيات نەگىزى تەرەڭ، ۇلۇتتۇق سالىت- سانااسى قويۇۇ، مول مادانئيات ساياقات بايلىعىنا ەە، بايرقى جىبەك جولۇ بويۇ، ايرىقچا تۉشتۉك شئنجاڭداعى ار قايسى جەرلەر مادانئيات ساياقات بايلىعىن توقتوسۇز قازىپ، ۅزگۅچۅ ساياقات كەسىپ سىستەماسىن جاراتتى. اۋات وودانىنداعى ماملەكەتتىك 4A داراجالۇۇ كۅرك رايونۇ- دولاندىقتار ۅزگۅچۅ دولان مادانئيات بايلىعىنان پايدالانىپ، جەر- جەرلەردەگى ساياقاتچىلاردى دولان ىر- بئيى، قوروز، قوچقور سوعۇشتۇرۇۇ ويۇنۇ، چۉيگۉن داامداردان ووز تىيۉۉگۅ ەلىكتىردى. دولاندىقتاردىن باش ئش بىلگىسى ۋاڭ شياۋپئڭ مىنداي دەدى: «كۅپ جاقتاردان قارجى چوعۇلتۇپ، قارجى سالۇۇ ەپكىنىن كۉچۅتۉپ، كەە بئر جاڭى تۉرلۅردۉ باشتاپ، دولان مادانئياتى مەنەن دەنە تاربئيا، ساياقاتتى جۇرۇلۇشتۇرۇپ، داعى دا كۅپ ساياقاتچىلار قاتىشۇۇچۇ ۅز ارا تۉرتمۅكتۅۅ تۉرلۅرۉن كۅبۅيتتۉك». جەكە اۋتو ۇناا ايداپ ساياقاتتوونۇن توقتوسۇز ۅنۉگۉۉسۉنۅن ۇلام، ار قايسى جەرلەر ۅز اۋتو ۇناا ايدوو جابدۇۇلارى جانا تەيلۅۅ سىستەماسىن توقتوسۇز كەمەلدەندىرىپ، ۅزۉ اۋتو ۇناا ايداپ ساياقاتتوو لەنىياسى مەنەن قامدوونۇ كۉن سايىن مولۇقتۇردۇ.

 7- ايدىن باشىندا مايتوو --- كۇچار تاش جولۇ بويۇنداعى 5 ايماق، وبىلاس، شاار بىرگەلەشىپ مايتوو --- كۇچار تاش جول ساياقات تئجارات بىرىمدىگىن قۇرۇپ، ساياقات جابدۇۇلارىن كەمەلدەندىرىپ، سىرتقا قاراتا بئر كەلكى تاانىشتىرۇۇ الىپ بارىپ، مايتوو --- كۇچار تاش جولۇ جەكە اۋتو ۇناا ايداپ ساياقاتتوو ماركاسىن داعى بئر دەمچىي نۇر چاچتىردى. اقسۇۇ ايماقتىق ساياقات مەكەمەسىنىن باشچىسى داي شىڭجۉن مىنداي دەدى: «مايتوو ---كۇچار تاش جولۇ ساياقاتى التىن لئنىياسىن چۇقۇل تەكشەرۉۉ مەنەن بىرگەلەشتىرىپ، ۅزۉ اۋتو ۇناا ايداپ ساياقاتتوو، ۉيچۅ اۋتو ۇناا ساياقاتىنداي ەلگە نارىپ جەتكىرۉۉ ساياساتىن تۉزدۉك، وشوندوي ەلە ساياقات لئنىياسىن پئلانداپ، ۉيچۅ اۋتو ۇناا لاگەرىن قۇرۇپ، بىرگەلەشىپ ۉگۉت قىلىپ تاانىشتىرىپ، ساياقاتچىلار قاينارىن ۅز ارا جەتكىرۉۉ سىياقتۇۇ جاقتاردا ۅز ارا بىرگەلەشىپ جانا جالعاشتىرىپ، ورتوق ساياقاتچىلىقتى ۅنۉكتۉرۉۉنۉن جاڭى ماقالاسىن جازىپ چىقتىق». وشونۇ مەنەن بىرگە جەر- جەرلەردەگى ار قايسى تارماقتار دىلگىر اراكەتكە كەلىپ، ساياقات كەسبىن ۅنۉكتۉرۉۉ ۉچۉن مىقتۇۇ نەگىز تۉپتۅدۉ.

 4- ايدان بەرى شئنجاڭ تەمىر جول تارماقتارى قۇيرۇق ۇلاش تۉندۉك شئنجاڭدى ايلانىپ ساياقاتتوو، تۉشتۉك شئنجاڭدى ساياقاتتوو، دۇنحۇاڭدا جولۇعۇشۇۇ سىياقتۇۇ 1100دۅن ارتىق ساياقات كەزەكچى پويۇزۇن قاتتووعو كىرىشتىرىپ، جۅنۅتكۅن ساياقاتچى سانى 450 مئڭ ادام ىرەتتەن اشىپ كەتتى، وشونۇ مەنەن بىرگە شئنجاڭعا كىرۉۉ ساياقات پويۇزۇنان 100 قاتتووعو كىرىشتىردى. 100- كەزەكتۉۉ شئنجاڭعا كىرۉۉ ساياقات پويۇزۇنۇن باشچىسى يان فىي مىنداي دەدى: «ۇچۇردا بئزدىن تاييۇاندا قاتتووعو كىرىشتىرگەن پويۇزۇبۇز ەلە 60 عا جەتەت، باردىعى تەەگىدەي شئنجاڭعا بارات، دەمەيدە 10 كۉن ايلاناسىندا بئر جولۇ قاتتايت، شاشىلىش مەزگىلدە ەكى، ۉچ كۉندۅ بئر جولۇ قاتتايت، تەك پويۇز جۉرسۅ ەلە ساياقاتچىلار مەنەن تولوت».

 جاقىندا، اچىلعان اپتونوم رايوندۇق ساياقاتچىلىقتى ۅنۉكتۉرۉۉۉ جىينالىشىندا مىنا بۇلار كۅرسۅتۉلدۉ: اتاقتۇۇ ساياقات ماركالارىن جاراتىپ، تابئيعىي ەگولوگىيا جانا ۅزگۅچۅ مادانئياتتى ىمەرچىكتەپ، «چوڭ»، «قووز» بولۇۇنۇ كۅرۉنۉكتۅندۉرۉپ، «شئنجاڭ سۇنۇن جەر» دەگەن ۅزگۅچۅ ماركانى كۉچ سالاا جاراتىپ، شئنجاڭ ساياقاتىنىن ايقىن بەلگىسىن باردىققا كەلتىرىپ، ساياقاتتىن بۉتكۉل وبىرازىن ۅستۉرۉۉ كەرەك.

 اپتونوم رايوندۇق ساياقاتچىلىقتى ۅنۉكتۉرۉۉ كومىتەتى جوسپورلوو باشقارماسىنىن باشچىسى جاڭ چۉنمئڭ تاانىشتىرىپ مىنداي دەدى: «ۇچۇردا،اپتونوم رايونۇبۇز العاچقى قادامعا قالىپتاشتىرعان 5A داراجالۇۇ كۅرك رايونۇن باشتووق قىلىپ قۇرعان ساياقات بارار جەر سستەماسى، ماركا بەرەكەتى كۉن سايىن كۅرۉنۉكتۅنۉپ جاتات، قاناس بولعوندۇق ۉچۉن التايداعى مىڭدەگەن سۉرۅت كارىدورۇ باردىققا كەلگەن، تئيانشان چوڭ جىلعاسى بولعوندۇق ۉچۉن نانسان كۅرك رايونۇ باردىققا كەلگەن، مىندان كىيىن 5A داراجالۇۇ كۅرك رايونۇ ايلاناداعى كۅرك رايونۇن تۉرتمۅكتۅپ، ۅزگۅچۅ ساياقات بارار جەرىن قالىپتاشتىرات».

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.