باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
كەرقانالار«بئر القاق، بئر جول»ۅنۉگۉۉ مۅرتۉن بەكەم قارمادى
   2018-09-11 21:07:08     xjbs   

شئنجاڭ كەرقانالارى «بئر القاق، بئر جول» ۅنۉگۉۉ مۅرتۉن بەكەم قارماپ، ەل ارالىق بازاردى باچىم كەڭىرتتى «بئر القاق، بئر جول» دەمىلگەسى ورتوعو قويۇلعان بەش جىلدان بەرى، شئنجاڭ كەرقانالارى بۇل تارىحىي مۅرتتۉ بەكەم قارماپ، ەل ارالىق بازاردى ۇلاندۇۇ كەڭىرى اچىپ، جەر شارى ەكونومىكاسىنا باچىم جۇۇرۇلۇشتۇ.

 ىستانسىيابىز قابارچىسى لئلوڭدۇن قابارى: بۇل ەكى كۉندۅن بەرى، ۅزگۅچۅ تىرانسىفورماتور چەكتۉۉ جارناق شەرىكتىگى شئنجاڭ تىرانسىفورماتور زاوۋتۇنۇن باش قۇراشتىرۇۇ سەحىندە، سەحتىن مۇدۇرۇ لۇ يانكاي تەحنىكتەردى ەەرچىتىپ، بئر تۉركۉم تاجىكىستانعا جۅنۅتۅتۇرعان تىرانسىفورماتورلورعو قاراتا ەڭ اقىرقى سىناپ ىشتەتۉۉ قىزماتىن ىشتەدى.

 لۇ يانكاي مىنداي دەدى: چەت ماملەكەتتەردىن تۉرلۅرگۅ بۇيرۇتما بەرۉۉسۉ كەلەر جىلى 3- ايعا چەيىن باردى، بۇل تۉرلۅردۉن باردىعى زارىل تۉرلۅر ارى جۇڭگو جاسووچۇلۇعۇنداقى بئر ۉلگۉ، وشوندۇقتان ازىر باردىق كۉچۉبۉز مەنەن بۇل تۉشۉمدۅردۉن ساپاتىن كەپىلدىككە الىپ، ساپاتتۇۇ تۉشۉمدۅردۉ چەت ماملەكەتتەرگە چىعارۇۇنۇ ويلوپ تۇرابىز.

ۅزگۅچۅ تىرانسىفورماتور چەكتۉۉ جارناق شەرىكتىگى- اپتونوم رايونۇبۇزدا بئر قىيلا ەرتە ەل ارالاشقان ىستىراتەگىيانى جولعو قويعون كەرقانا، الدىنقى قىلىمدىن 90-جىلدارىنىن اقىرىندا، شەرىكتىك تىرانسىفورماتور تۉشۉمدۅرۉن ا ق ش، ورۇسىيا قاتارلۇۇ ماملەكەتتەرگە ەكىسپورتتوي باشتاعان. «بئر القاق، بئر جول» دەمىلگەسى ورتوعو قويۇلعاندان كىيىن ۅزگۅچۅ تىرانسىفورماتور چەكتۉۉ جارناق شەرىكتىگى مۅرتتۉ بەكەم قارماپ، بازارىن بوربور ازئيادان تۉشتۉك ازئيا، اندان قالسا افرىقا جانا لاتىن امىرىكاسىنا چەيىن كەڭىرتكەن.

وشونۇ مەنەن بىرگە، شەرىكتىكتىن كەسىبى داعى تىرانسىفورماتور جۉرۉشتۉۉ تۉرۉن ۅنۉكتۉرۉۉدۅن باسىم ۅزگۅرتۉپ ەلەكتىر جەتكىرۉۉ قۇرۇلۇشۇن كۅتۅرۅگۅ الۇۇعا، اندان وت ەلەكتىر ىستانسىياسى قۇرۇلۇشۇ، فوتوۋولت تۉرۉن ۅنۉكتۉرۉۉگۅ چەيىن كەڭىرگەن. ەل ارالىق بازاردى اچۇۇ بارىشىندا، ۅزگۅچۅ تىرانسىفورماتور جۇڭگونۇن جابدۇۇ، جۇڭگو تەيلۅۅسۉ قاتارلۇۇلارىنىن جالپى تۇلقۇ ەكىسپورتتولۇۇسۇن تۉرتمۅكتۅپ، قاتىشتۇۇ كەسىپ ۅنۉگۉۉسۉن ىلگەرى سۉردۉ.

 شەرىكتىكتىن باش ئش بىلگىسى باشچىسى جاڭشئن مىنداي دەدى: ماملەكەتىبىزدىن جوعورۇ باسىم ۋىكلىيۇچاتەلى، ئزولىياتسىيە ماتىرىيالدارى، سىلىتسىيلۉۉ پولوت، ۅزگۅچۅ پولوت، تۉردۉۉ كىرەمىنىي جالبىراقچاسى، ۅزۅگۉ جانا مايدا تەتىكتەرىنىن جالپىلاي ەكىسپورتتولۇۇسۇن تۉرتمۅكتۅدۉ. وشونۇ مەنەن بىرگە، ارقايسى تۉر ىشمەر، ار قايسى تۉر ەمگەك كۉچتۅرۉنۅن بەش مىڭگە جاقىن كىشى «بئر القاق، بئر جول» لئنىيا بويۇ ماملەكەتتەرىندە كەسىپ قۇلاچ جايدىردى.

 بئر دوللارلىق تۉشۉمدۉ ەكىسپورتتوسوق، تەيلۅۅ كەسىبى جالپى تۇلقۇ ەكىسپورتۇنۇن بەش ەسەسىنەن جوعورۇسۇن تۉرتمۅكتۅي الابىز. بئزدىن تەحنىكا، دولبوورلوو، قۇرۇلۇشتاردى كۅزۅمۅلدۅۅ، تەيلۅۅ كەسىبىندە كىرەشە كىرگىزۉۉ-گىيومەتىرىيالىق داراجا سانى بويۇنچا كۅبۅيدۉ. «بئر القاق، بئر جول» دەمىلگەسى ورتوعو قويۇلعاندان كىيىن، شئنجاڭ- ماملەكەت ەنەرگىيا بايلىعىنىن قۇرعاقتىقتاقى چوڭ كۉرۅۅ جول قۇرۇلۇشۇن باچىم جىلىشتاتتى. شئنجاڭداقى تۇنعۇچ «سىرتقا چىعىپ» چەت ماملەكەتتە نەفىت تابئعىي گاز بايلىعىن اچىپ ۅنۉكتۉرگۅن ەلدىك تئجارات كەرقانا-- شئنجاڭ گۇاڭحۇي سوودا ۅنۅر جاي قارجى سالۇۇ (توبۇ) چەكتۉۉ جووپتۇۇلۇق شەرىكتىگى جاقىندا، چەت ماملەكەتتە نەفىت تابئعىي گاز سالااسىندا جاڭىچا جىلىشتوولورعو قول جەتكىردى.

 شەرىكتىكتىن پارتئيا قۇرۇلۇش مادانئيات ۉگۉت بۅلۉمۉنۉن ورۇن باسار باشچىسى سۉنتاۋ مىنداي دەپ تاانىشتىردى: الدىنقى ايدا، بئز قازاقىستاندا قارجى سالىپ اچقان زايسان نەفىت تابئعىي گاز رايون تۉرۉ قازاقىستاندىن چالعىنداپ اچۇۇ مۅۅنۅتۉن 3 جىلعا ۇزارتۇۇ مۅرتۉنۅ ەە بولدۇ، كىيىنكى قىزماتتاردى باچىم جىلىشتاتۇۇبۇز كەرەك. ازىرعا چەيىن ، زايسان نەفىت تابئعىي گاز رايونۇ تۉرۉندۅ جالپى ۅندۉرۉلگۅن جانا جەتكىرىلگەن تابئعىي گاز 2 مئلليارت 234 مئليون كۇپ مەتىرگە جەتتى. «بئر القاق، بئر جول» قۇرۇلۇشۇنۇن جاڭى باسقىچقا كىرۉۉسۉنۅن ۇلام، گۇاڭحۇي ەنەرگىياسى ۅنۉگۉۉ مۅرتۉن بەكەم قارماپ، ەل ارالىق ەنەرگىيا قىزماتتاشتىعىنا قاتىشىپ، ەڭ چوڭ ۅنۉگۉپ- ۅسۉۉ كۉچۉنۅ ەە ەل ارالىق ەنەرگىيا تىبىندەكى شەرىكتىكتەردەن بولۇۇعا چىمىرقانۇۇدا.

 «بئر القاق، بئر جول» دەمىلگەسىنە سۉيۅنۉپ، شئنجاڭ جئنفىڭ ئلىم- تەحنىكا چەكتۉۉ جارناق شەرىكتىگى ەل ارالىق بازاردى اچۇۇ ەپكىنىن اشىرىپ، چۅلكۅمۉن انسايىن كەڭىرتتى. شەرىكتىكتىن مۇدىرىيات باشچىسى ۋۇگاڭ مىنداي دەدى: بىيىل، بئز پاكىستاندا كەە بئر جاڭى تۉرلۅردۉ سۉيلۅشۉپ جاتابىز، تايلاند، اۋىستىرالئيا، ارگەنتىناداعى تۉرلۅردۉ ۇلاندۇۇ جىلىشتاتابىز، ازىر ەباق قۇرۇلۇش باشتالدى، چىلىدەكى تۉرگۅ داعى قۇرۇلۇش باشتوو داياردىق قىلىپ جاتابىز، بئرازىلىياداعى بئر تەيلۅۅ تۉرۉنۅ ەچاق ئش باشتالدى، تۉشتۉك افىرىقادا داعى بئر تۉر بار، تۅرتۉنچۉ مەزگىلدە قۇرۇلۇش باشتووعو دايارداندىق. بئزدىن «بئر القاق، بئر جول» قۇرۇلۇشۇن جىلىشتاتۇۇبۇز بئر قىيلا تەز، جۇڭگو ۇچۇردا ەكىسپورتتوعون تەيلۅۅنۉ قامتىعان شامال ەلەكتىر جابدۇۇسۇندا جئنفىڭ ئلىم- تەحنىكاسى ٪60دان كۅبۉن ەەلەيت. «بئر القاق، بئر جول» چىعىش شامالىنىن دەمىندە، شئنجاڭ كەرقانالارىنىن سىرتقا چىعۇۇ ارىمى تەزدەدى.

اپتونوم رايون كەرقانالاردى ماركا قۇرۇلۇشۇن كۉچۅتۉۉ ارقىلۇۇ تەحنىكا دەڭگەەلىن جوعورۇ كۅتۅرۉپ، ۅزۉندۉك ابزەلدىگىن كۅرسۅتۉپ، چەت ماملەكەتتەردە قارجى سالۇۇ جانا ماملەكەت اتتاعان تئجاراتتاردى قۇلاچ جايدىرۇۇعا ىشتىكتۉۉ جەتەكتەدى. ازىرعا چەيىن، ۅزگۅچۅ تىرانسىفورماتور شەرىكتىگى جەر شارىندا 104 ئش بۉتۉرۉۉ وردۇن قۇرۇپ، ۅندۉرگۅن تۉشۉمدۅرۉ 70دەن اشۇۇن ماملەكەت جانا رايونعو جەتكەن.

باۋگاڭ توبۇ شئنجاڭ بايئى بولوت- تەمىر چەكتۉۉ جووپتۇۇلۇق شەرىكتىگىنىن مۇزداق پىروكاتتالعان پولوت تۉرگۅگۉ سالىنعان جۇڭگو- ەۋروپا كەزەكچى پويۇزۇ بوربور ازئيا جانا ورۇسىيا بازارلارىنا باردى. شئنجاڭ جوڭتاي توبۇ شەرىكتىگى ۅندۉرگۅن PVC، كۉيدۉرگۉچ شاقارلار ورۇسىيا قاتارلۇۇ 80دەن اشۇۇن ماملەكەت جانا رايونعو ەكىسپورتتولدۇ، ارى تاجىكىستاندا قارجى سالىپ قۇرعان ايىل چاربا جانا توقۇماچىلىق تۉرۉ«قوش باعىتتاعى ەل ارالاشىپ» ۅنۉگۉۉدۅي قىرداالدى قالىپتاشتىردى.

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.