باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
مادانئياتتا ەلگە نارپ جەتكىرۉۉ باقتىلۇۇ تۇرمۇشتۇن مازمۇنۇن بايىتتى
   2018-09-14 22:48:17     xjbs   

باش شۇجئى شئى جئنپىڭ: مادانئياتتا ەلگە نارپ جەتكىرۉۉ قۇرۇلۇشۇن تەرەڭدەي جولعو قويۇپ، قالايىق قالقتىن مادانئي قىيمىلدارىن بايىتۇۇ كەرەك، دەپ كۅرسۅتكۅن. ۇچۇردا، اپتونوم رايونۇبۇز مادانئياتتا ەلگە نارپ جەتكىرۉۉ ئش- چارالارىن جۉزۅلۅشتۉرۉۉ ارقىلۇۇ، مول مازمۇندۇۇ مادانئي كۅركۅم ۅنۅر قىيمىلداردى ۇيۇمداشتىرىپ، مادانئيات بويۇنچا تاربىيالوونۇ قۇلاچ جايدىرىپ، جامااتتىق مادانئيات تەيلۅۅ دەڭگەەلىن ۉزگۉلتۉكسۉز جوعورۇ كۅتۅرۉپ، ار ۇلۇت قالايىق قالقىنىن رۇحۇ مادانىيلىككە بولعون اجاتىن قانااتتاندىرىپ، باقتىلۇۇ تۇرمۇشتۇن مازمۇنۇن بايىتتى.  ىستانسىيابىز قابارچىلارى دوڭ جىيوڭ، لئيۇچىياڭ، ەركتۉۉ قابارچىبىز ۋاڭ جئشىيانىن قابارى:
الدىنقى اپتانىن اقىرىندا، شئنجاڭ ازىرقى زامان كۅركۅم ۅنۅر سارايى جۇڭگو- ورۇسىيا سىزما سۉرۅت چىعارمالارىن الماشتىرۇۇ كۅرگۅزمۅسۉن ۅتكۅرۉپ، ورۇسىيا جانا جۇڭگو شئنجاڭدىق سۉرۅتچۉلۅردۉن 60 پارچا ماي بويوق سۉرۅتۉن كۅرگۅزمۅلۅپ، كۅپتۅگۅن ۉرۉمچۉ شاار تۇرعۇندارىن كەلىپ كۅرۉۉگۅ ەلىكتىردى. كۅرۅرمۅن جوۋ شىياۋدە مىنداي دەدى: ۉيۉمدۉن الدىندا ۇشۇنداي جوعورۇ ساپاتتاعى سۉرۅت كۅرگۅزمۅسۉن كۅرگۅنۉمۅن اياباي قۇباندىم.
جوۋ شىياۋدە ايتقانداي ەلە، جاقىنقى جىلداردان بەرى، ۉرۉمچۉ شاارى «مادانئياتتا ەلگە نارپ جەتكىرۉۉ كارتاسى» تۉرۉنۅ سۅۅنۉپ، اربىن مادانئياتتا ەلگە نارپ جەتكىرۉۉ قىيمىلدارىن الىپ چىقتى. شاار تۇرعۇندارى 100 يۇاندىق كارتا بۉتۉرسۅ ەلە، ۅكۉمۅت اعا 400 يۇان تولۇقتاما قوشۇپ بەرىپ، وشول كارتا مەنەن مادانئي كونسەرتتەر، وقۇۇ، دەنە تاقشالدىرۇۇ، ساياقات سىياقتۇۇ كۅپتۅگۅن سالاالاردا كەرەكتەي الات. بىلتىر بئر جىلدا ەلە، «مادانئياتتا ەلگە نارپ جەتكىرۉۉ كارتاسى» تۉرۉ بويۇنچا بالدار تەاتىرى، تاقمازا، ەلدىك وبون- كۉۉلۅر كونسەرتى سىياقتۇۇ قىيمىلداردان 222 مايدان ۇيۇشتۇرۇلۇپ، 70 مىڭدەن اشۇۇن ار ۇلۇت قالايىق قالقىنا نارپ جەتكىرىلدى.
بۇل ەلە ەمەس، بۉتكۉل شئنجاڭداعى ار ۇلۇت قالايىق قالقىن «مادانئيات جىرعالچىلىعى»نان باارلاندىرۇۇ ۉچۉن، اپتونوم رايونۇبۇزداعى مادانئيات قىزماتكەرلەرى داعى دىلگىرلىك مەنەن نەگىزگى قاتمارلاردى ارالاپ، مادانئي ويۇن قويۇۇنۇ قالايىق قالقتىن ەشىك الدىنا جەتكىردى. جاقىندا، بەيجىندىن شئنجاڭ حوتەنگە جاردام بەرۉۉ قول باشچىلىق شىتابى، حوتەن ايماقتىق ۉگۉت بۅلۉمۉ، حوتەن ايماعى جاڭى قاش تاشى كۅركۅم ۅنۅر انسامبئلى ورتوق پئلانداپ الىپ چىققان كەمباعالداردى جۅلۅۅ تەماسىنداعى مۇزىكالىك دئرامما «»مەتتۇرسۇندۇن باقتىلۇۇ تۇرمۇشۇ» حوتەن وودانى يئڭاۋات ايىلىنن تۇرۇز قىشتاعىندا قويۇلدۇ.
اتالعان دئراممادا كەمباعال دىيقان مەتتۇرسۇندۇن قىشتاقتا تۇرۇشتۇۇ قىزمات اترەتى جانا قىشتاق كادىرلارىنىن جەتەكتەپ جاردام بەرۉۉسۉندۅ، ئدىيالىق تاانىمىندا ۅزگۅرۉۉ بولۇپ، ىشتىكتۉۉ ايداقسىزدىق مەنەن بئلىم ۉيرۅنۉپ، ۅنۅر ىيگەرىپ، تۉيشۉكچۉل ەكى قولۇ مەنەن باقتىلۇۇ تۇرمۇشۇن جاراتقان اڭگەمەسى باياندالات. كۅرۅرمۅن مەتسىدىق يۉسۉپ مىنداي دەيت: بۇل مۇزىكالىق تەاتىردى كۅرگۅندۅن كىيىن مەن «كۉتۉپ ولتۇرۇۇ، تايانىپ الۇۇ، الۇۇعا ەلە تۇرۇۇ» ئدىيابىزدى ۅزگۅرتۉۉبۉز كەرەكتىگىن، پارتئياعا ىراازىچىلىق بئلدىرىپ، پارتئيانىن سۅزۉن ۇعۇپ، پارتئيانى ەەرچىپ جۉرۉۉبۉز كەرەكتىگىن تۉشۉنۉپ جەتتىم، ەمى مەندا ەكى قولۇما سۅۅنۉپ كەمباعالدىقتان ارىلىپ، بايىيمىن.
بئي ارتئىسى الئيا ابلەت قابارچىعا ەمى ىر- بئي انسامبئلى حوتەن ايماعىنىن باردىق تەرەڭ كەمباعال قىشتاقتارىندا قىدىرىپ ويۇن قويوورۇن ايتتى. ال مىنداي دەدى: داعىدا كۅپتۅگۅن جەرلەرگە الىپ بارىپ، داعىدا كۅپتۅگۅن كىشىلەرگە كۅرسۅتۉپ، الاردى تااسىرلەندىرىپ، الاردى جەتەكتەپ، كەمباعالدىقتان ارىلتۇۇ چابۇۇلۇ ۉچۉن بئر ۉلۉش سالىمىبىزدى قوشوبۇز.
قالايىق قالقتىن مادانئي تۇرمۇشۇن داعى بئر دەمجىي بايىتۇۇ ۉچۉن، اپتونوم رايونۇبۇز داعى مادانئي تاربىيالوو كۇرستارىن ىشتىكتۉۉ قۇلاچ جايدىرىپ، نەگىزگى قاتمار مادانئيات كۅركۅم ۅنۅر بەلدۉۉ كادىرلار قوشۇۇنۇ قۇرۇلۇشۇن كۉچۅتتۉ. بىيىل 8- ايدا، اپتونوم رايوندۇق مادانئيات نازاراتىنىن «ەل ابالىن بىلۉۉ، ەلگە نارپ جەتكىرۉۉ، ەل كۅڭۉلۉن الۇۇ» قىزمات اترەتى ۅزۉ تۇرعان 8 قىشتاقتاعى دىيقان ويۇن قويۇۇچۇلار اترەتىنە سۅۅنۉپ، دولان مادانئياتىنىن ۇچۇعۇن ۇلاپ كەلگەن اۋات وودانىنىن يئڭىرىق شاارچاسىندا «دولان مەشرەپى» ايانت بئيى بويۇنچا تاربىيالوو الىپ باردى. شئنجاڭ ىر- بئي انسامبىلىنەن كەلگن 4 ارتئس قولمو- قول ۉيرۅتۉپ، اراكەتتەرىن تۉزۅپ، ساپ تۉزۉۉنۉ ۉيرۅتۉپ، 10 نەچە كۉندۅ ەلە دىيقان ارتىستەر «دولان مەشرەپى» بئيىن تولۇعۇ مەنەن بىيلەپ قالباي، 240 كىشىلىك ايانت بئيىن چوعۇۇ رەپىتىس قىلىپ، ماملەكەت مايرامىندا بەلەك قىلىپ سۇنماي بولۇشتۇ. كۇرسانت ابلىكىم وسمان مىنداي دەدى: «زور تابىلعاعا ەە بولدۇم، بئي اراكەتتەرىم مۇرداعىدان كۅپ ەلە شىدىر، شايدووت ارى ۅلچۅمدۉۉ بولۇپ قالدى. مەن داعى چىمىرقانىپ ماشىقتانىپ، ايىلداشتارىما داعىدا كۅپ ويۇن كۅرسۅتۉۉنۉ قولعو كەلتىرەمىن.
اپتونوم رايوندۇق مادانئيات نازاراتىنىن ورۇنباسار باشچىسى، «ەل ابالىن بىلۉۉ، ەلگە نارپ جەتكىرۉۉ، ەل كۅڭۉلۉن الۇۇ» قىزمات اترەتىنىن باشقى اترەت باشچىسى نئيۇ يۇانفىڭ مىنداي دەدى: قىشتاقتا تۇرۇشتۇۇ قىزمات اترەتىنىن ارتىقچىلىعىن كۅرسۅتۉپ، قالىڭ كۅركۅم ۅنۅر قىزماتكەرلەرىن كۅبۉرۅۅك نەگىزگى قاتمارلارعا بارىپ نەگىزگى قاتمار بەلدۉۉ كۅركۅم ۅنۅر قىزماتكەرلەرىن جەتىشتىرىپ، ۅز توپۇراعىنا تامىر تارتقان دىيقان ويۇن قويۇۇ اترەتىن جەتىلدىرۉۉگۅ شىقتاندىرىپ جەتەكتەپ، كۅركۅم ۅنۅر بايچەچەگىن تىيانشاندىن تۉندۉك تۉشتۉگۉندۅ اچىلدىرابىز.

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.