باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
باتىشتاعى كۅچۅت بوربورۇنۇن تىپ ۅزگۅرتۉپ ساپاتىن ۅستۉرۉۉ جولۇن سۉيلۅپ بەرەبىز
   2018-09-14 22:52:39     xjbs   
     قۇتۇبئي وودانى تىيانشان تووسۇنۇن تۉندۉك بوورۇنا جايعاشقان. ۅزگۅچۅ كۉن نۇرۇ جانا تۇپراق، سۇۇ شارتى بار بولۇپ، شئنجاڭداعى دىيقانچىلىق ەگىندەرىن ەگۉۉ جانا كۅچۅت جەتىشتىرۉۉگۅ ەڭ ىلايىق كەلەتۇرعان جەرلەردىن بئرى. جاقىنقى جىلداردان بەرى، قۇتۇبئي وودانى كۅچۅت، گۉل كەسىبىندە ۉزگۉلتۉكسۉز بۇرۇلۇۇ جاساپ، ساپاتىن ۅستۉرۉپ، قىلداتتاشتىرۇۇ، كەسىپتەشتىرۉۉگۅ قاراي بەت الىپ، «باتىشتاعى كۅچۅت بوربورۇ» دەگەن شاڭدۇۇ اتاققا ەە بولدۇ.  ىستانسىيابىز قابارچىسى جئنلئي، ەرىكتۉۉ قابارچىلار جۇ لئىجۉن، شۉ چىڭشىيۇدۇن قابارى.
     
       ەكى كۉندۅن بەرى، گەرمانئيادا ەكىسكۇرتسىيالاپ، ۉيرۅنۉۉدۅن كەلگەن قۇتۇبئي وودانى ارشىلىدىيەن بازارىنداعى كۅچۅت جەتىشتىرۉۉ تۉتۉنۉ چۉ جئنبوۅزۉنۉن ۉيۉندۅكۉ كۅچۅتتۅردۉن ساپاتىن ۅستۉرۉپ، جاڭى بئر ۇرپاققا الماشتىرۇۇ جۅنۉندۅ ويلوندۇ. جەرگىلىكتەكى ەڭ ەرتە كۅچۅت جەتىشتىرگەن باعبان قاتارى چۉ جئنبو 2000-جىلدىن باشتارىنان باشتاپ بۇل كەسىپ مەنەن الپۇرۇشۇپ كەلەت. ال، كۅچۅت كەسىبىنىن قۇتۇبئي وودانىندا باشتالىپ ۅنۉگۉۉسۉنۅ گۉبۅۅ بولعون. ال مىنداي دەدى:- 150 مو جەردەن ەڭ جاقشى كەزدەردە 4، 5 مئلىيوندۇ، بئر جىلدىن ىچىندە كۉزۉندۅسۉ جانا جازىنداسى ەكى جولۇ ساتقالى بولوت.
       
      كىيىنكى جىلدارى جەرگىلىكتىن كۅچۅت جەتىشتىرۉۉ كەسىبى دۉركۉرۉپ ۅنۉكتۉ، سورتۇ جالاڭ، باساكە كۉچۉ تارتىپسىز بولعوندۇقتان، «ساتۇۇ قىيىن بولۇۇ» داي ابال تەز ەلە كۅرۉلدۉ. 2008- جىلى، قۇتۇبئي وودانى باعبان تۉتۉندۅردۉ كەسىبى قىزماتتاشتىق كوپپىراتىبىن قۇرۇپ، توپ قۇراپ ۅنۉگۉۉگۅ قوزعوتۇپ، كۅچۅت كەسىبى قىيىنچىلىقتان اقىرىن- اقىرىن قۇتۇلدۇ. چۉ جئنبو دوورعو شاي جەرگىلىكتەكى تۇنعۇچ كۅچۅت جەتىشتىرۉۉچۉلۅر كەسىبى قىزماتتاشتىق كوپپىراتىبىن قۇردۇ. ال مىنداي دەدى:- مئسال قىلىپ ايتساق، چاقان جالبىراقتۇۇ موم داراعى 3 سانتەمەتىر بولعوندۇندا بازارعا سالعاندا، مەن تالاشىپ، سەن تالاشىپ، 7، 8 يۇاندان ساتساق، قىزماتتاشتىق كوپپىراتىبى قۇرۇلعاندان كىيىن، كوللىكتىپتىن كۉچۉنۅ سۉيۅنۉپ، باانى بئر كەلكىلەشتىرىپ، 15 يۇاندان جە 30 يۇاندان ساتۇۇعا بولوت.
     
         2012- جىلى، قۇتۇبئي وودانى تۇنعۇچ كەزەكتۉۉ شئنجاڭ كۅچۅت، گۉل كۅرگۅزمۅسۉن ۅتكۅزدۉ. ناق مايداندا سوودا قىزماتتاشتىق ۅرۉشۉ قۇرۇلعاندان كىيىن، جوون توپ ماملەكەت ىچىندەكى كۉچتۉۉ كۅچۅت جەتىشتىرۉۉ كەرقانالارىن ەلىكتىردى. بۉگۉنكۉ كۉندۅ، جىلىنا ۅتكۅزۉلۅتۇرعان شئنجاڭ كۅچۅت، گۉل كۅرگۅزمۅسۉ باتىش- تۉندۉكتۉن گۉل- كۅچۅت كەسىبىندەكى ەڭ داپدابالۇۇ، داڭىقتۇۇ ماركەلۉۉ چوعۇلۇشقا ايلانىپ، 6 جىلدان بەرى كۅچۅت، گۉلگۅ بايلانىشتۇۇ كەرقانالاردان 21 دئى كىرگىزىپ، سىرتتان كىرگىزگەن ۅندۉرۉش قارجىسى 3 مئلىيارت يۇانعا جەتتى. جاڭسۇۇلۇق كەرقاناچى داي ۋئيجوڭ مىنداي دەدى:-بۇل جەردىن كۅچۅت جەتىشتىرۉۉگۅ ابدان شاي كەلەەرىن بايعادىق، بازاردىن كۅچۅتكۅ بولعون مۇقتاجى اياباي زور، بئز ۇشۇل جەردە سەيرەك كەزدەشەتۇرعان كۅچۅتتۅردۉ جەتىشتىرۉۉ بازاسى چەكتۉۉ شەرىكتىگىن قۇردۇق. اداتتاعى بئر قاراجىعاچتى ويۇندۇن بااسىندا ساتۇۇعا بولوت. ال ەمى، بئزدىن باعباندارىبىزدىن جۇمۇش قوشۇپ ىشتۅۅسۉندۅ، 10، 20 مئڭ يۇانعا ساتۇۇعا بولوت. مىندا، ەڭ زارىلى بئز جىعاچتاردىن جالبىراعانىنان پاسون چىعارعاندان كىيىن، تەحنىكا مەنەن تەيلۅۅنۉ تەڭ جەتكىزىپ، كەسىپ جەلەسىنىن نارقى داعىدا اشتى.
 
     ۉزگۉلتۉكسۉز تئپ ۅزگۅرتۉۉ ارقىلۇۇ، قۇتۇبئي وودانى كۅچۅت كەسىبىندە، جەتىشتىرۉۉ، دولبوورلوو، جۇمۇش ىشتۅۅ بئر تولقۇلاشقان تەيلۅۅ جاڭى ىڭعايىن ىشكە اشىرىپ، ساتۇۇ سومماسى 2 مئلىيارت يۇاندان اشتى. وشوندوي ەلە قازاعىستان، تۉركمەنىستان سىياقتۇۇ ورتو ازىياداعى ماملەكەت كەرقانالارى مەنەن تۇرۇقتۇۇ كۅچۅت ساتۇۇ تەيلۅۅ قىزماتتاشتىق مەحانىزىمىن ورنوتۇپ، باتىشتاعى كۅچۅت بوربورۇ داڭقىن داعىدا اشىردى. سانجى وبلاستىق كۅچۅت، گۉ كەسىبى بىرىمدىگىنىن تۅراعاسى، قۇتۇبئي ماملەكەت داراجالۇۇ كۅچۅت سوودا بازارى جارناق چەكتۉۉ شەرىكتىگىنىن باشقى دەرىكتۇرۇ فان شىياۋفىڭ مىنداي دەدى:- بۉت كەسىپتەردى سفىرلاشتىرۇۇ، ۇچۇرلاردى جىلچىقسىز جالعاشتىرۇۇ ارقىلۇۇ، بئر جىلدىن تۅرت مەزگىلىندە تەڭ سوودا بولۇۇنۇ چىنىعى ىشكە اشىردىق، چىنىعى ماڭىزى جاعىنان العاندا، شئنجاڭ تۇرعۇسۇندا تۇرۇپ، ماملەكەتكە تااسىر كۅرسۅتۉپ، بوربور ازىياعا كىردىك.
بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.