باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
التىن كۉز وقۇۇعا جاردام بەرۉۉ قىيمىلى ۉمۉت شامىن جارىتتى
   2018-09-14 23:24:19     xjbs   

التىن كۉز مەزگىلىندە اپتونوم رايونۇبۇزدۇن جەر- جەرلەرى قۇيرۇق ۇلاش وقۇۇعا جاردام بەرۉۉ قىيمىلىن قۇلاچ جايىلتىپ، قىيىنچىلىقتۇۇ وقۇۇچۇلاردىن وقۇۇ بۉتۉرۉۉسۉنۅ جاردام بەردى. 

تولى وودانى كۅپ ايىلى قاراتۅپە قىشتاعىنداعى رىزا داۋىل بىيىل باتىش تۉشتۉك ساياسئي- زاكون داشۅسۉنۅ ۅتكۅن، ۉيۉندۅ قىيىنچىلىق بولعوندۇقتان داشۅدۅ وقۇۇ مۅرتۉنۅن كەچۉۉ ويۇندا بولعون. ال ەمى تولى ووداندىق 1- باشتالعىچ مەكتەپتىن  قاراتۅپە قىشتاعىندا تۇرۇشتۇۇ «ەل ابالىن بىلۉۉ، ەلگە نارىپ جەتكىرۉۉ، ەل كۅڭۉلۉن الۇۇ» قىزمات اتىرەتىندەگىلەر بۇل ابالدى بىلگەندەن كىيىن داروو بۉت قىشتاقتاعى پارتئيالۇۇ كادىرلاردى رىزا داۋىلعا سەلبىك بەرۉۉگۅ ۇيۇمداپ، انىن وقۇۇ اقى ماسەلەسىن چەچتى. تولى ووداندىق 1- باشتالعىچ مەكتەپتىن قاراتۅپە قىشتاعىندا تۇرۇشتۇۇ «ەل ابالىن بىلۉۉ، ەلگە نارىپ جەتكىرۉۉ، ەل كۅڭۉلۉن الۇۇ» قىزمات اتىرەتىنىن بئرىنچى شۇجئسى، قىزمات اتىرەتىنىن باشچىسى ۋىن لئمئڭ مىنداي دەدى:« مىندان كىيىن 1- باشتالعىچ مەكتەبىنىن قىزمات اتىرەتى مەنەن قىشتاق ەكى كومىتەتى بۇل قىزعا سىزىل كۅڭۉل بۅلۉپ، انىن وقۇۇنۇ شىدىر بۉتۉرۉۉسۉنۅ جاردام بەرەبىز». 

ۇدا بئر قانچا كۉندۅن بەرى ماناس وودانى قىزىل چىرىم قوومۇ دىلگىرلىك مەنەن « تەگىز فىڭچىڭ مەەرىمدۉۉلۉك قورۇن» تاراتۇۇ قىيمىلىن ۅتكۅرۉپ، 48 كەمباعال ىستودەنتگە التىن كۉز جاردام اقچاسىن تاراتىپ بەردى. ماناس وودانى ماناس بازارىنداعى داشۅنۉن 2- جىلدىعىندا وقۇيتۇرعان الماس وقۇۇ اقىن قانداي تااپشىرۇۇ جۅنۉندۅ باشى ورۇپ جۉرگۅندۅ 2000 يۇان جاردام اقچاسىن قابىلدادى. ال مىنداي دەدى:« قىزىل چىرىم قوومۇن ەرچىگەن مەەرىمدۉۉ كەرقانالارعا ىراقمات، جاقشى ۉيرۅنۉپ، چىمىرقانۇۇ ارقىلۇۇ وقۇۇ بۉتۉرگۅندۅن كىيىن مەرىمدۉۉلۉك ىشتەرىنە قاتىشام».

جاقىندا قورعوس وودانى سۉيدۉڭ بازارى سۅگۅت كۅچۅ قىشتاعى التىن كۉز وقۇۇعا جاردام بەرۉۉ قىيمىلىن الىپ بارىپ، 37 كەمباعال ىستودەنتكە 38 مئڭ يۇان وقۇۇعا جاردام اقچاسىن تاراتىپ بەردى.  بۇل جولقۇ التىن كۉز وقۇۇعا جاردام بەرۉۉ قىيمىلىنداعى اقچالار قورعوس وودانىنداعى 6 مەەرىمدۉۉلۉك جەتكىرۉۉ كەرقاناسىنان كەلگەن بولۇپ، قورعوس ووداندىق بەلگىلۉۉ مەەرىمدۉۉلۉك كەرقاناسىنىن جووپتۇۇسۇ ۋىي پئڭ مىنداي دەدى:« مەەرىمدۉۉلۉك قىيمىلىن بئز سىزىل ۇلانتىپ، ايلانابىزداعى دوستور، كەرقانالاردى دا اراكەتكە كەلتىرۉۉگۅ كۉچ چىعارابىز». 

جاڭى وقۇۇ مەزگىلى باشتالىپ، شىحو شااردىق باش جۇمۇشچۇلار قوومۇ 51 كەمباعال وقۇۇچۇعا 210 مئڭ يۇان وقۇۇعا جاردام بەرۉۉ اقچاسىن تاراتىپ بەردى. شىحو شااردىق 1- ورتو مەكتەپتەن جاردامعا ەە بولعون وقۇۇچۇ حالىم ازات مىنداي دەدى:« وقۇۇعا جاردام اقچاسىن الدىم، بۇل مەن ۉچۉن زاتتىق جاقتاعى جاردام، وشوندوي ەلە رۇحانئي جاقتاعى شىقتاندىرۇۇ ەسەپتەلەت. مەن داعى دا چىمىرقانىپ ۉيرۅنۉپ، قوومعو جووپ قايتارىپ، جۇرتۇمدۇ قۇرۇۇعا سالىم قوشوم».

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.