باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
جاشىل ۅنۉگۉۉ ەكولوگىيالىق نارپ الىپ كەلدى
   2018-09-14 23:30:09     xjbs   

   30 قانچا جىلدىن الدىندا قاقىر تالاا كەبەتەسىندەكى اقسۇۇ شاارى كۉكجار بئر قانچا ۇرپاقتىن قۇرۇۇسۇ مەنەن، بۉگۉنكۉ كۉندۅ جاشىل جايىققا، كۅركتۉۉ جاشىلدىق دەڭىزىنە ايلانىپ، قووز چۅيرۅسۉ جەر-جەرلەردىن ساياقاتچىلاردىن ەلىكتىردى.  اقسۇۇ سىتانسىياسىنىن قابارچىسى شىڭيۅ، انقاردىن قابارى:

    ساياقاتچىلىقتىن دۇۇماندۇ مەزگىلىنە كىرگەندە، اقسۇۇ شاارى كۉكجار توقويچۇلۇق رايونۇنا جايعاشقان نوڭجۇاڭ دىيقاندار شاتتىعى ار كۉنۉ ورتوچو 300 ادام ىرەت ساياقاتچى ۇتۇرلاپ العان. گانسۇلۇق ساياقاتچى چىنۋىي مىنداي دەدى: «مەن ىچكەرىدەن كەلدىم، بولوت ەكەن. باياتان بئر از جۉزۉم، شابدالى ۉزدۉم. بۇل جەردە جاشىل داراق سالقىنداماسى بار ەكەن، چۉيرۅسۉدا جاقشى ەكەن.»

     كۅز الدىداعى جاپ-جاشىل، مول مۅمۅ بايلاعان باقچانى كۅرۉپ، كىچىنەسىنەن ۇشۇل جەردە چوڭ بولعون دىيقاندار شاتتىعىنىن جووپتۇسۇ لئى حوڭروڭ ۅز تااسئراتىن ايتىپ مىنداي دەدى: «كىچى كەزىمدە، بۇل جەر قاقىر تالاا ەلە، شامال چىققاندا، قۇم-بوروون ۇچۇپ، ەچ نەرسە كۅزگۅ كۅرۉنچۉ ەمەس.» 
     تەكلەماكان قۇمدۇعۇنۇن تۉندۉك ەتەگىنە جايعاشقاندىقتان، الدىنقى قىلىمدىن 80- جىلدارى، اقسۇۇ شاارىنىن ار جىلقى قۇم-بورووندۇ كۉنۉ 100 كۉنگۅ جەتىپ، تۇرعۇندار بئر جىلدىن 4 تۅن 1 ۉلۉش ۇباقىتىن قۇم-بورووندۇن اراسىندا ۅتكۅرگۅن. كۅكجاردىن قاقىر تالااسىن جاشىلداندىرۇۇ قۇرۇلۇشۇ جولعو قويۇلعاندان بەرى، جالپى 1 مئللىيون 153 مئڭ مو توقوي جەتىشتىرىپ، قۇم-بورووندۇن شاار-بازار جانا ايدوولورعو چابۇۇل قىلۇۇسۇن توسۇپ، اقسۇۇ شاارىنىن جاان-چاچىن چەنەمى، ساپاتتۇۇ اباا كۉن سانى كۅرۉنۉكتۉۉ ارتقان. كۅپتۅگۅن مۅمۅ ەگۉۉنۉ كۅتۅرۅگۅ العان دىيقاندار دىيقاندار شاتتىعىن اچىپ، ايلاناسىنداعى دىيقان تۉتۉندۅردۉ جەتەكتەپ كىرەشەسىن ارتتىرعان. كۅكجار ەكولوگىيالىق باقچا دىيقاندار شاتتىعىندا ازىر 26 قىزماتچى بار، مۇنۇن ىچىندە 15 ى جاقىن ايلاناداعى قىشتاقتاردان كەلگەن دىيقان. تەيلۅۅچۉ تۇردۇ مىنداي دەدى: «بۇل جەردە ىشتەگەنىمە 3 جىل بولدۇ، ايلىق مايانام 3 مئڭ يۇان.»

     قاقىر تالاادان جاشىلدىق دەڭىزىنە چەيىن، كۅكجار قاقىر تالاانى جاشىلداندىرۇۇ قۇرۇلۇشۇ ەلگە قووز چۅيرۅ الىپ كەلىپ ەلە قالباي، داعى قاينارى ۉزۉلبۅس بايلىق الىپ كەلدى. كۅكجار ەكولوگىيالىق باقچاسىنىن جووپتۇسۇ لۉ پىڭ-ان مىنداي دەدى: «كۅكجار بىزگە بايلىق الىپ كەلدى، كۅكجارلىق قاتارى، بۇل جاشىل توپۇراقتى قورعويمۇن.»

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.