باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
شايار وودانى ەكولوگىيانى قورعوو مەنەن ەل تۇرمۇشۇنا تەڭ ماانئى بەرىپ، قۇم-بورووندۇ جۅنگۅ سالىپ، بايۇۇنۇ ىشكە اشىردى
   2018-09-20 21:51:07     xjbs   

 شايار وودانى تاكلىماكان چۅلۉنۉن جەەگىنە جايعاشقان، ەكولوگىيالىق چۅيرۅسۉ سالىشتىرمالۇۇ السىز. جاقىنقى بئر قانچا جىلدان بەرى، شايار وودانى ەكولوگىيانى جاقشىرتۇۇ ەپكىنىن اشىرىپ، چىلان مەنەن جاڭعاقتى نەگىز قىلعان ۅزگۅچۅ مۅمۅچۉلۉك كەسىبىن، سۅكسۅۅلگۅ ەتتۉۉ سوڭعۇلانى ۇلاپ ۅستۉرۉۉنۉ نەگىز قىلعان قۇمدۇۇ جەر كەسىبىن ۅنۉكتۉرۉپ، دىيقانداردىن كىرەشەسىن ارتتىرىپ ەلە قالباي داعى ەكولوگىيالىق ۅنۉمدۉ كۅرنۉكتۅندۉرۉپ، قۇم-بورووندۇ ابا ىرايىن مۇرداقىنىن جارىمىنداي ازايتتى.

 شايار ووداندىق ەل رادىيو ىستانسىياسىنىن قابارچىسى جاۋ جىيەنحايدىن قابارى:

ۇچۇردا، تۉشتۉك شئنجاڭدا شايار وودانىنىن پاحتاسى چەچەك اچىپ، چوعۇۇ جىيىپ-تەرۉۉ مەزگىلىنە كىردى. شايار وودانى گەزقۇم ايىلى قۇمبوستان قىشتاعىنىن تۇرعۇنۇ تان ۋىنجۉن بىيىل 200مو جەردى كۅتۅرۅگۅ العان، قۇم-بوروون ازايعان سەبەپتۉۉ بىيىل ال ايداعان پاحتانىن ۅسۉشۉ ابدان جاقشى بولعون. ال مىنداي دەيت: قۇم-بوروون ازايدى، پاحتانىن ۅسۉۉ سالىشتىرماسى داعى جوعورۇلادى، بۇل قىرداالدان قاراعاندا ۅندۉرۉش چەنەمى 20 پايىز ارتات، اربئر مو جەردەن 460كىلوگىرام پاحتا تۉشۉمۉن كىرگىزگەلى بولوت. ىلگەرى قۇم-بوروون چوڭ چىققان كەزدەردە، بۇل جەردەكى سۇلئياۋ جارعاق، تامچىلاتىپ سۇعارۇۇچۇ قۇۇرلاردىن بااردىعىن شامال ۇچۇرۇپ كەتىپ، پاحتالار قۇۇراپ، ۅسبۅي قالۇۇچۇ.

ۅتكۅن مەزگىلدەردە، شايار وودانىنىن ايرىم بئر بۅلۉك جەرلەرى شورلوشۇپ، قاتىپ، سۇۇنۇن تارتىشتىعىن قوشقوندو ەمى ەلە تىككەن كۅچۅتتۅردۉ قۇم-بوروون ۇچۇرۇپ كەتىپ، قۇۇراپ قالۇۇ ابالىنا تۇش كەلگەن. كۅپ جىلدىق چىمىرقانۇۇ بارىشىندا شايار وودانى 9ەكولوگىيالىق توسمو جانا 104 كىلومەتىرلىك سۇۇ جەتكىرۉۉ توعونۇن قۇرۇپ چىعىپ، ىشكە كىرىشتىرىپ، تارىم دايراسىنىن ورتو جانا جوعورقۇ اعىنىنداقى توقوي، ۅسۉمدۉك جامىنچالارىن ۅنۉمدۉۉ قورعودۇ جانا قالبىنا كەلتىردى. ار جىلى جاز-كۉز ەكى مەزگىلدە، شايار وودانىنداقى ار ۇلۇت جۇرتچۇلۇعۇ بىردەي اراكەتكە كەلىپ، ئرى كۅۅلۅمدۅكۉ داراق تىگىپ، توقوي جەتىشتىرۉۉ قىزماتىن قۇلاچ جايدىرىپ كەلدى.

وشونۇ مەنەن بىرگە، ماملەكەتتىن قاتىشتۇۇ ساياساتتارىن كەم- كەرچىسىز اتقارىپ، دىيقان- مالچىلاردىن توقويچۇلۇقتۇ ۅنۉكتۉرۉۉ شايدووتتۇعۇن قوزعوتتۇ، بىيىلقى ايدوولوردۇ چەگىندىرىپ توقويدۇ قالبىنا كەلتىرۉۉ تولۇقتاماسى مۇرداعى 1500 يۇاندان 1600 يۇانعا جوعورۇلادى. ايدوودون چەگىنگەن جەرلەرگە توقوي جەتىشتىرۉۉ تولۇقتاماسىن ماالىندا قولۇنا العان، تويبولدۇ شاارچاسى جەڭىش قىشتاعىنىن قىشتاق تۇرعۇنۇ سەمەت داۋۇت الدى-ارتى بولۇپ 5 مو جەردى ايدوودون چەگىندىرىپ، ەكونومىكالىق داراق ۅستۉرگۅندۉگۉن ايتىپ مىنداي دەدى:-جاڭعاق باعىن جەتىشتىردىم، مىنداي بولعوندو قۇم-بورووندۇن الدىن العالى بولوت ەكەن. جاڭعاقتا داعى كىرەشە بار، پاحتانىن ۅنۉمۉ داعى انسايىن جاقشىلانىپ بارات.

 تەك پارتئيا جانا ۅكۉمۅتكۅ ەەرچىپ باسقاندا انان تۇرمۇشۇبۇز بارعانسايىن جاقشىلانات. 2016-جىلىدان باشتاپ شايار وودانىنداقى ەتتۉۉ سوڭعۇلا كەسىبىنىن ۅنۉگۉۉسۉ داعى كۉنسايىن كەمەلدەندى. ەكى جىل مۇردا، شايار وودانى 2-مال فىرماسى ەگرىتوعراق قىشتاعىنىن پارتئيا ياچىيكا شۇجئسى توقتو داۋۇت قىشتاقتاقى 17 كەمباعال تۉتۉندۉ باشتاپ، قىزماتتاشتىق كوپىراتىبىن قۇرۇپ، 200 مو جەرگە سۅكسۅۅل ۅستۉرۉپ، اعا قوشۇپ ەتتۉۉ سوڭعۇلا ايداپ، مول بەرەكەتكە قول جەتكىردى. توقتى داۋۇت مىنداي دەيت:-بئز سۅكسۅۅل ۅستۉرۉۉدۅ جىلىنا بئر مو جەرگە 1مئڭ 500 يۇان اقچا قارجى سالابىز، 2-جىلىنان باشتاپ قازابىز. جىلىنا ەكى ىرەت قازابىز، بئرىنچى جولۇ قازعان بئر مو جەردىن تۉشۉم مۅلچۅرۉ 200 كىلوگىرام بولدۇ، جىلىنا 400 كىلوگىرامدان ۅسۉپ چىعات، بئر كىلوگىرامىن 10 يۇاندان ساتساق 4مئڭ يۇانعا جارايت، ەتتۉۉ سوڭعۇلانىن كىرەشەسى ايرىقچا جاقشى، دىيقاندار داعى قۇبانىپ قالدى. بۇل ابدان جاقشى بولدۇ.

ۇچۇردا، شايار وودانىنىن توقوي بايلىق جالپى ايانتى 5مئللىيون 160مئڭ موعو جەتتى، مىندا ەكولوگىيالىق توقويدۇن ايانتى 4مئللىيون 700مئڭ مو، كىشى قولدۇۇ جەتىشتىرىلگەن توقوي ايانتى 465مئڭ مونۇ ەەلەيت. مىندان كىيىن، شايار وودانى تۉيۉندۉۉ قورعونۇۇ توقويۇ، توقوي جەتىشتىرۉۉ تولۇقتاماسى، تاكلىماكاندى ايلانعان قۇمدۇ جۅنگۅ سالۇۇ قاتارلۇۇ تۉرلۅرگۅ سۉيۅنۉپ، شااردى، شاار ايلاناسىن، قىشتاقتاردى، جولدوردۇ جاشىلداندىرۇۇنۇ باچىم جىلىشتاتىپ، چۅلدۉن جەەگىندەكى«جاشىل»چاقان شااردى بۉتۉن كۉچۉ مەنەن جاراتات.

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.