باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
شئنجاڭ قووز كۅرۉنۉشتۅن كۉزگۉ جىيىم-تەرىم قۇبانىچىن چاعىلدىردى
   2018-09-26 10:31:50     xjbs   

شئنجاڭ تۉركۉن-تۉستۉۉ مول تۉشۉم ىقماسىن اچىپ جىبەرىپ، قووز كۅرۉنۉش ارقىلۇۇ كۉزگۉ جىيىم-تەرىم قۇبانىچىن چاعىلدىردى. قىپقىزىل اچۇۇ قالەمپىر، التىن سارى تۉستۉۉ جۉگۅرۉ، اپپاپاق پاحتا..... قوڭۇر كۉزدۅگۉ 9-ايدا، اپتونوم رايونۇبۇز تۉركۉن-تۉستۉۉ مول تۉشۉم ۉلگۉسۉن جاراتىپ، ار بئر پارچا كۅزدۉن جووسۇن العان سونۇن كۅرۉنۉش كۉزگۉ-جىيىم تەرىم قۇبانىچىن كۅرسۅتۉپ بەرگەن.

سىتانسىيابىزدىن ۇنىۋىرسال قابارى: قىزىل تۉس، كۉزگۉ جىيىم-تەرىم كۅرۉنۉشۉندۅگۉ ەڭ ۅزگۅچۅ سونۇن تۉس. «جۇڭگو قالەمپىر ايىلى» اتالعان ساۋان وودانى انجئحاي شاارچاسىندا، جەرگىلىكتەگى 40 مئڭ موودون اشۇۇن جەردەگى قالەمپىر كۉزگۉ جىيىم- تەرىم ەڭ جوعورۇ بەلەسىنە كىرىپ، قانچا 10 مئڭ توننادان اشۇۇن قالەمپىر ۇچۇردا كۉنگۅ جايىپ قۇرعاتىلىپ جاتات، الىستان قاراعاندا قۇدۇم قىزىل دەڭىزگە وقشوش كۅرۉنۅت. چوقتوي قىزىل قالەمپىر جەرگىلىكتەگى دىيقانداردى جاقشى كۉنگۅ جەتكىردى.

 انجىحاي شاارچاسى حىپىڭ جاڭى قىشتاعىنىن تۇرعۇنۇ يۇان شۅفىڭ قابارچىعا، بىيىل ار بئر مو جەردەن كەم دەگەن 3600 دۅن 4 مئڭ يۇانداي كىرەشە كىرگىزەرىن، سەبەبى الدىن بۇيرۇتما بويۇنچا ۅستۉرۉلگۅندۉكتۅن، قالەمپىردى ساتۇۇدان باش قاتىربايتۇرعانىن ايتىپ مىنداي دەگەن: « بىيىل قالەمپىردەن مول تۉشۉم الدىق، قاراپ كۅرسۅڭۉز قالەمپىردىن فورماسى دا ابدان جاقشى، تۉسۉ دا قانىق، بىيىل مەن 12 مو جەرگە قالەمپىر ايداعامىن، بۇل جەردەن 35، 36 توننا جاشاڭ قالەمپىر چىعات، ۅتكۅن جىلداعىدان بىيىل تۉشۉم مۅلچۅرۉ 10تونناداي ارتتى». سارى تۉس، كۉزگۉ جىيم-تەرىم مەزگىلىندەگى سونۇن كۅرۉنۉشۉندۅگۉ كۅزدۉن جووسۇن العان ەڭ سونۇن تۉس. بىيىل باي وودانى 500 مئڭ موو جەردەگى جۉگۅرۉدۅن مول تۉشۉم الدى.

جەرگىلىكتەگى دىيقاندار التىنداي سارى جۉگۅرۉلۅردۉ كۅز جەتكىسز ەەن تاالادا جايىپ قۇرعاتىپ، «بئز مول تۉشۉم الدىق»دەگەن قات فورماسىن كەلتىرىپ، مول تۉشۉم قۇبانىچىنان باارلانعان. باي وودانى مىچىق ايىلىنىن باعبانچىلىق قىشتاعىنىن دىيقانى توحتىنىياز توحتى مىنداي دەدى: « پارتئيانىن ەلگە نارپ جەتكىرۉۉ ساياساتى بارعانسايىن كۅبۅيۉپ، دىيقانداردىن تۇرمۇشۇ انسايىن جاقشىلاندى، بئز پارتئيانى ەەرچىپ جۉرۉپ، پارتئيانىن سۅزۉن تىڭشاپ، پارتئياعا القىش ايتىپ، قووز جۇرتۇبۇزدۇ بىرگە قۇرابىز». «جوعورۇ كىراحمالدۇۇ قارتۅشكۅ ايىلى»اتالعان جەمسسار وودانىندا، جەرگىلىكتەگىلەردىن ايداعان 40 مئڭ مو جەردەگى قارتۅشكۅدۅن مول تۉشۉم الىنعان. جەمسار وودانى شىندى ايىلى جىڭدۇڭ ەگىنچىلىك كەسىپىي قىزماتتاشتىق كوپەراتتىبىنىن ەگىن تالااسىندا، قارتۅشكۅنۉن سورتۇن جاقشىلاعاندان كىيىن، ورتوچو ار بئر مووسۇنان 3 توننادان جوعورۇ تۉشۉم العان. مول تۉشۉم قۇبانىچىنا باتقان دىيقاندار اتىز باشىندا ەمى ەلە قازىپ جىيناعان قارتۅشكۅلۅرۉن «ەلى بايكەر، جەرى تىنچ ماملەكەت»، «پارتئياعا القىش ايتۇۇ»، «مول تۉشۉم» دەگەن حانزۇچا تامعا فورماسىن كەلتىرىپ تىزگەن.

 دىيقان لو جىڭدۇڭ مىنداي دەدى: « بىيىل چىنىندا مول تۉشۉمدۉۉ جىل بولدۇ، مولۇق تۉشۉم ارتىپ ەلە قالباي، داعى بئزدىن ەمگەك مۅمۅبۉزدۉ تۉردۉۉ قۇتتۇقتوو قاتى فورماسىنا كەلتىرىپ تئزىپ، كۅپچۉلۉك چوعۇۇ شىبىر سۅز دوستور تەگەرەگىنە جۅنۅتۉشۉپ، كۅپتۅگۅن كىشىلەردىن جووپ قايتارىپ القووسۇنا ەە بولدۇق». جاشىل تۉس، كۉزگۉ جىيىم-تەرىمدىن سونۇن كۅرۉنۉشۉندۅگۉ تازا ارى كىشىگە ەڭ جاعىشتۇۇ سونۇن تۉس. بۇل بئر قانچا كۉندۅ بۅرتالا شاارى حارمۉدۉن ايىلىنداعى 700 مو جەردەگى چەچەكسەي ۇچۇردا قازىپ الۇۇ باسقىچىندا تۇرعان.

 كۅز چاپتىرىپ قارايتۇرعان بولسوڭۇز، جەردىن بارىن جاشىلدىققا بۅلۅگۅن چەچەكساي تازا ارى جۇمشاق. چەچەكسەي ەگىنچىلىك قىزماتتاشتىق كوپپەراتتىبىنىن جووپتۇۇسۇ شۉ گىنلىن قابارچىعا مىنداي دەدى: «بۇل جەردەگى چەچەكسەيدى نەگىزىنەن ۉرۉمچۉ جىيۇدئڭ بازارىنا ساتابىز، بئر بۅلۉگۉن جىياڭشى، جەجىياڭ، شاڭحاي سىياقتۇۇ جەرلەرگە ساتابىز، دۉڭ ساتقاندا ار بئر كىلوگىرامى 4 يۇان ايلاناسىندا بولوت، مىنداي ەسەپتەگەندە بئر موو جەردەن 6، 7 مئڭ يۇان كىرەشەگە ەە بولۇپ، ۅزدۉك نارقىن چىعارىپ تاشتاعاندا 2 مئڭ يۇان ايلاناسىندا ناقاي كىرەشە تابابىز». اق تۉس، كۉزگۉ جىيىم-تەرىم سونۇن كۅرۉنۉشۉندۅگۉ ەڭ تازا تۉس. «ۇزۇن بۇلالۇۇ پاحتا جۇرتۇ» اتىققان اۋات وودانىندا، جەرگىلىكتىن 1 مئللىيون 580 مئڭ مو جەردەگى پاحتا ايدووسۇ ايىل-قىشتاقتىن اتىز-ارىقتارىن اق تۉسكۅ كىرگىزگەن.

 ايىلچاربانىن جانداما قامدوو قۇرۇلمالۇۇ ىسىلااتىنىن ىچكەرلەي جىلىشتاتۇنۇن بەرەكەتىندە، جەرگىلىكتىن مىندان مۇرداعى 20 دان اشۇۇن تۉردۅگۉ پاحتا سورتۇن اقىرىندىق مەنەن كىرگىزۉۉ، نۇققا تۉشۉرۉۉ ناتىيجاسىندا بۉگۉنكۉ كۉندۅ اسىل سورتتۇۇ پاحتا سورتۇنان تۅرتۅۅ قالىپتاندىرىپ، پاحتاچى دىيقانداردىن كىرەشەسىن ارتتىرىپ بايۇۇ جولۇنا باسۇۇسۇنا دەمۅۅر بولعون. اۋات ووداندىق ايىل چاربا تەحنىكاسىن جايىلتۇۇ پونكىتىنىن ادئس اگرومونۇ زىڭۋىي مىنداي دەدى: «بۇل سورتتوعۇ پاحتانىن تۉشۉمۉ جوعورۇ، ساپاتى جاقشى، باردىعى بازار اجاتىنا ىلايىق كەلەت، وشونۇ مەنەن قاتار، بئز اسىعاتما پاحتا سۇلىياۋ جارعاعى استىندا سۇۇ ۉنۅمدۅۅ تەحنىكاسىن بئر مئللىيون 600 مئڭ مو جەرگە جايىلتىپ، پاحتا تەرۉۉ ماشئناسى مەنەن جىيىپ تەرۉۉچۉ ەگىن جەر ىقماسىندا 803 مئڭ مو جەردەگى پاقتانى جىينادىق، زاكاس بويۇنچا ۅندۉرۉۉچۉ جەر كۅۅلۅمۉ 200 مئڭ مودون اشىپ، دىيقانداردىن تۉشۉمۉن، كىرەشەسىن ارتتىرۇۇ تالامىنا چىنىعى كەپىلدىك قىلدىق».

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.