باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
جوعورۇ بەرەكەتتۉۉ ماشئنالاشتىرۇۇنۇن پاحتا تەرۉۉگۅ جاردامى تىيىپ شئنجاڭدىن ايىل- چارباسىن زامانداشتىرۇۇنۇ ىلگەرى سۉردۉ
   2018-09-26 12:12:15     xjbs   

باش شۇجئسى شئى جئنپىڭ مىنا بۇلاردى كۅرسۅتكۅن: ايىل- قىشتاقتى گۉلدۅندۉرۉۉ ىستىراتەگىياسىن جولعو قويۇپ، ايىل- چاربا، ايىل- قىشتاقتى زامانداشتىرۇۇنۇ باچىم ىلگەرى سۉرۉپ، زامانباب ايىل- چاربا كەسىپ سىستەماسىن، ۅندۉرۉش سىستەماسىن، تئجارات سىستەماسىن قۇرۇۇ كەرەك.

ۇچۇردا اپتونوم رايونۇبۇز تۉشتۉكتۅن تۉندۉككۅ قاراي پاحتا تەرۉۉنۉن جوعورۇ تۇلقۇنۇنا كىردى، ەكونومىكالىق بەرەكەتى جوعورۇ، ادام كۉچۉن ۅنۉمدۅيتۇرعان پاحتا تەرۉۉ ماشئناسىنىن كەڭىرى كۅلۅمدۅ ىشتەتۉۉلۉسۉنۅن ۇلام، اپتونوم رايونۇبۇز اقىرىن پاحتا ەگۉۉ بۉت كەسىپ جەلەسىن ماشئنالاشتىرۇۇنۇ ئش جۉزۉنۅ اشىردى.

ىستانسىيابىزدىن بۇل جۅنۉندۅكۉ ۇنىۋرەسال قابارى.

اۋات وودانى لئحۇا جاڭىلىق جاراتۇۇ زامانباب ايىل- چاربا چەكتۉۉ شەرىكتىگى دولان ايىلى ماشئنا ارقىلۇۇ پاحتا ەگۉۉ رايونۇندا بئر ئرى تىپتەگى دىيقانچىلىق داارىسىن چاچۇۇ ماشئناسى پاحتا اتىزىن ايلانىپ، بىشۇۇنۇ تەزدەتۉۉ دارااسىن جانا جالبىراعىن تۉشۉرۉۉ دارااسىن چاچىپ جاتتى. لئىحۇا جاڭىلىق جاراتۇۇ شەرىكتىگى بىيىل اۋات وودانىندا 110 مئڭ مو جەرگە پاحتا ەكگەن بولۇپ، باردىعىندا ماشئنالاشۇۇنۇ ئش جۉزۉنۅ اشىرعان. شەرىكتىكتىن ئشقانا مۇدۇرۇ مىنداي دەدى:« 2018- جىلى 110 مئڭ مو جەردى كۅتۅرۉگۅ الدىق، 2019- جىلى 400 مئڭ مو جەردى كۅتۅرۉگۅ الۇۇنۇ پئلانداپ جاتابىز، جەلەلەش ماشقۇلات ۉچۉن 2018- جىلى شەرىكتىبىز ا ق ش دئيىر ئرى تىپتەگى پاحتا تەرۉۉ ماشئناسىنان 9 دۇ ساتىپ الىپ، 110 مئڭ مو جەرگە تەز بىشىرۇۇ داارىسىن چاچتى، ال ەمى پاحتانى 30 كۉندۅ تەرىپ بولۇۇنۇ پئلاندادىق».

اۋات وودانىنىن بىيىلقى پاحتا ايانتى 1مئللىيون 580 مئڭ مو جەتكەن بولۇپ، اۋات ووداندىق دىيقانچىلىق تەحنىكاسىن كەڭىرتۉۉ بوربورۇنۇن مۇدۇرۇ ۋاڭ توڭرىن تاانىشتىرىپ مىنداي دەدى:« بىيىل الار ماشئنا ارقىلۇۇ پاحتا تەرۉۉ ايانتىن 400 مئڭ موعو جەتكىرۉۉنۉ پئلانداپ جاتات، بئز ماشئنا ارقىلۇۇ پاحتا ەگۉۉ ىقماسىن قولدونۇپ، نەگىزىنەن ۇپلاند پاحتاسىن نەگىز قىلىپ، ۇپلاند پاحتاسىندا جەڭىشكە جەتكەندەن كىيىن لۇتاي، ۇزۇن بۇلالۇۇ پاحتانى سىناق قىلابىز، ەگەردە جەڭىشتۉۉ بولسو ۇزۇن بۇلالۇۇ پاحتانى ماشئنا ارقىلۇۇ تەرەبىز».

تۉندۉك شئنجاڭداعى پاحتا ەگۉۉ بويۇنچا زارىل جەر سانجى وبىلاستىنىن بىلتىرقى پاحتا ەگۉۉ ايانتى 1 مئللىيون 860 مئڭ موعو جەتكەن بولۇپ، مۇنۇن ىچىندە ٪83 پاحتانى ماشئنا ارقىلۇۇ تەرۉۉ ئش جۉزۉنۅ اشىرىلعان. ماشئنا ارقىلۇۇ پاحتا تەرۉۉ پايداسىن ايتساق، بەيۇۋچا بازارى ساۋۇداۋ قىشتاعىنىن دىيقانى دوڭ ياۋىيدىن تااسئراتى تەرەڭ بولۇپ مىنداي دەدى:«100 مودون اشۇۇن جەرگە پاحتا ەككەنبىز، ماشئنا مەنەن بئر كۉندۅ ەلە تەرىپ بولدۇق، مۇرداقىداي ادام كۉچۉ ارقىلۇۇ تەرگەندە باشىندا بااسى جوعورۇ، ۉچۉنچۉ جولقۇ تەرۉۉگۅ بارعاندا بااسى ابدان تۅمۅندۅپ كەتچۉ، ازىر ماشئنا مەنەن بئر جولدو ەلە باردىعىن تەرىپ بۉتۅپ، جاقشى باادا ساتا الات ەكەنبىز، وشوندوي ەلە دىيقانداردىن ۇباقىتىن، تەرۉۉگۅ كەتكەن قارجىسىن ۅنۉمدۅپ قالات ەكەن».

 پاحتا تەرۉۉ ىقماسىنىن ۅزگۅرۉۉسۉنۅن ۇلام، بىيىلقى پاحتا تەرۉۉ مەزگىلدە پاحتا تەرۉۉ ماشئناسى بازارداعى قىس توۋارعا ايلاندى. جاقىندا بورتالا شاارى دالتۇ بازارى ادىگەنا حوشتولعاي قىشتاعى جيۇشئن ەگىنچىلىك كەسپىي كۅمۅكتۅشتۉك كوپەراتىبىنىن 6 مۉچۅسۉ 5 مئللىيون 300 مئڭ يۇان چوعۇلتۇپ ا ق ش ۅندۉرگۅن ئرى تىپتەگى پاحتا تەرۉۉ ماشئناسىن ساتىپ الدى. كۅمۅكتۅشتۉك كوپەراتىبىنىن ئش بىلگىسى جاڭ زىيۉ تولۇق ىشەنىچ مەنەن مىنداي دەدى:« ازىر بورتالا، ايلاناداعى رايوندوردۇن پاحتا تەرۉۉ ماشئناسىنا بولعون اجاتى اياباي چوڭ، قارجى سالساق اقچانى قايتارىپ كەلە الابىز، الدىنقى جىلى باشقا قىشتاق جە بىڭتۇاندان پاحتا تەرۉۉ ماشئناسىن الىپ كەلگەن ەلەك، پاحتا تەرگەن كەزدە الار ۅزۉنۉن پاحتاسىن تەرىپ بولۇپ انان بىزدىگىن تەرگەلى كەلەت ەلە، مىندان بولعوندو پاحتا تەرۉۉ مەزگىلىن، جاقشى باادا ساتىپ الۇۇ مەزگىلى ۅتۉپ كەتەت ەكەن».

 بىيىل 8- ايدا جياشئڭ شااردىق شئنجاڭعا نىشااندۇۇ جاردام بەرۉۉ قول باشچىلىق قىلۇۇ باش ىشتابى بااشتووق بولۇپ كىرگىزگەن ايىل- چاربا ماشئنالارىن جاسوو تۉرۉۉ- شايار تىشئران جۅندۅمدۉ دىيقانچىلىق ماشئنالارى چەكتۉۉ شەرىكتىگى جارىم جىل قۇرۇلۇش قىلىپ، بئرىنچى مەزگىلدىك قۇرۇلۇشتۇ بۉتۉرۉپ ىشتەتۉۉگۅ كىرىشتىرىپ، جارىم اي ۅتپۅي 76 پاحتا تەرۉۉ ماشئنا بۇيرۇتماسىن قابىلدادى.

شەرىكتىك مۇدۇرىيات باشچىسىنىن جاردامچىسى ۇۋ يوڭچىڭ مىنداي دەدى:« بازار تالابىنا نەگىز ۇچۇردا تۉشتۉك شئنجاڭدا 70 پاحتا تەرۉۉ ماشئناسىن ۅندۉرۉۉگۅ كىرىشتىك، 6 پاحتا تەرۉۉ ماشئناسىن بىيىل ىشتەتۉۉگۅ تاپشىرابىز، ال ەمى بىلىقى ۅندۉرۉش سوممابىز 120 مئللىيون يۇانعا جەتىپ، جەرگىلىكتەگى 100 ادامدى جۇمۇشقا ورۇنداشتىردىق، تۉشتۉك شئنجاڭدىن بازارى چوڭ، بئز تۅرت، بەش جىلدا قولدو پاحتا تەرۉۉنۉ ماشئنا ارقىلۇۇ تەرۉۉگۅ ۅزگۅرتۉپ بۉتۅبۉز».

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.