باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
قۇتۇبئي وودانىنىن سۇۇ ۇقۇعۇ ىسلااتى سۇۇ بايلىعى بەرەكەتىن ابدان كەڭىرتتى
   2018-10-08 19:49:12     xjbs   

جاقىنقى جىلداردان بەرى قوتۇبئي وودانى سۇۇ ۇقۇعۇ سۇۇ بااسى ۇنىۋەرەسال ىسلااتىن توقتووسۇز كۉچۅتۉپ، بازار مەحانىزىمىن كىرگىزىپ، سۇۇ ۇقۇعۇ سووداسى ارقىلۇۇ سۇۇ بايلىعى بەرەكەتىن ابدان كەڭىرتتى.قۇتۇبئي ىستانسىياسى قابارچىسى شۉ چىڭشۇ، گۇ شئۋىندىن قابارى.

بۇل ەكى كۉندۅ قوتۇبئي وودانى ۇۋگوڭتاي  شاارچاسى جوڭچۉ قىشتاعى 4000 مو جوعورۇ بەرەكەتتۉۉ اقىل جۅندۅمدۅشگۅن تامچىلاتىپ سۇۇعارۇۇ تۉرۉۉنۅ سۇنۇش قىلدى. قىشتاق پارتئيا ياچايكاسىنىن ورۇن باسار شۇجئسى جاڭ جيانيۉن مىنداي دەدى: «سۇۇنۇ ۅنۉمدۅپ اشىپ قالعان سۇۇ بايلىعىن ىشتەتۉۉ ۇقۇعۇ ارقىلۇۇ سوودا قىلىپ، تاپقان اقچانى سۇۇ ۅنۉمدۅۅ جابدۇۇلارىن ۅزگۅرتۉۉ قۇرۇلۇشۇنا ىشتەتىپ، سۇۇ ۅنۉمدۅنۉن بەرەكەتىن اشىرۇۇداي جاقشى ايلانۇۇنۇ ئش جۉزۉنۅ اشىردىق، قىشتاعىبىز 2017- جىلى جوعورۇ بەرەكەتتۉۉ سۇۇ ۅنۉمدۅدۅن اشىپ قالعان سۇۇ چەنەمى 1 مئللىيون 340 مئڭ كۉب مەتىرگە جەتىپ، سۇۇ ۇقۇعۇ سوودا ۅرۉشۉ ارقىلۇۇ ار كۉبۉن 21.6 تىيىندان ساتىپ، 290 مئڭ يۇان پايدا الدىق، بۇل اقچالاردى 2018- جىلى مۇرداقى كۅنۅ تامچىلاتىپ سۇعاتتوو جابدۇۇلارىن ۅزگۅرتۉۉگۅ ىشتەتتىك، مىندان بولعوندو مۇرداقى نەگىزىندە 600 مئڭ كۉبتۅپ سۇۇنۇ ۅنۉمدۅپ، 130 مئڭ يۇان ايلاناسىندا پايدا الا الابىز».

جوڭچۉ قىشتاعىنىن سۇۇ ىشتەتۉۉ كۅرسۅتكۉچ ۅلچۅمۉ بويۇنچا اشىپ قالعان سۇۇنۇ ساتىشىن قۇتۇبئي وودانىنىن 2014- جىلى جولعو قويعون سۇۇ ۇقۇعۇ سۇۇ بااسى ۇنىۋەرسال ىسلااتىنىن شاراپاتىنان كەلەەن.  ماملەكەت بويۇنچا سۇۇ ۇقۇعۇ سۇۇ بااسى ىسلااتىن سىناق قىلۇۇ وودانى قاتارى، قۇتۇبئي وودانى سۇۇ بايلىعى مۅلچۅرۉ جانا ايدوو جەر جالپى  مۅلچۅرۉنۅ نەگىز بۉت ووداندىن سۇۇ ىشتۅۅتۉ جالپى مۅلچۅرۉن بەكىتىپ، انان ار قايسى ايىل- بازار، قىشتاق، گۇرۇپپا وشوندوي ەلە دىيقانعا بۅلۉپ بەردى، وشوندوي ەلە دىيقاندارعا سۇۇ بايلىعىن ىشتەتۉۉ ۇقۇعۇ كۉبۅلۉگۉن تاراتتى، بۇل كۉبۅلۉك ارقىلۇۇ سۇۇ ىشتەتۉۉچۉلۅر سۇۇ ىشتەتۉۉ كۅرسۅتكۉچ ۅلچۅمۉ بويۇنچا سۇۇنۇ ۅنۉمدۅپ اشىپ قالعان سۇۇنۇ بازاردا ساتسا بولوت ەكەن، قۇتۇبئي ووداندىق سۇۇ ىشتەر مەكەمەسى سۇۇ ىشتەرىن باشقارۇۇ باش پونكىتى تامچىلاتىپ سۇعاتتوو ئشقاناسىنىن مۇدۇرۇ جاڭ جيانجۉن مىنداي دەدى:« نەگىزگى سۇۇ اقى 10.8 تىيىن، نورمودون اشقان سومما ەكى ەسەدەن جوعورۇ سۇۇ بااسىن كۅرسۅتۅت، سۇۇ قاينارى اقى جانا سۇۇ بااسىن قوشقوندو46.6 تىيىن بولوت، دىيقاندار ەگەردە سۇۇ ۇقۇعۇ سووداسىن قىلسا،  ەكى ەسە سۇۇ بااسى 21.6   تىيىن بولۇپ، نەگىزگى سۇۇ بااسىنىن ەكى ەسەسىنە تۇۇرا كەلەت».

2017- جىلى جوڭچۉ قىشتاعى 10 مئللىيون كۉب سۇۇنۇ ۅنۉمدۅپ، سۇۇ ۇقۇق سووداسى بويۇنچا 200 مئڭ يۇاندان اشۇۇن پايداعا ەە بولعون. 500 مو تئجارات ۇقۇعۇنۇنا ەە جوڭچۉ قىشتاعىنىن دىيقانى شاڭ چۉنجۉن سۇۇ ۇقۇعۇ سووداسى بويۇنچا 2700 يۇان الدى. ال مىنداي دەدى:« ازىر ارعا تااپ سۇۇنۇ ۅنۉمدۅپ، باشقالارعا ساتۇۇنۇ ويلوشۇپ جاتام. بئر مو جەردەن 30 كۉب سۇۇنۇ ۅنۉمدۅگۅلۉ بولوت، 500 مو جەردەن بئر جىلدا 3000 يۇان تاپقىدايمىن، بۇل مەنىن كىرەشەمدى اشىرات».

ال ەمى جوڭچۉ قىشتاعى مەنەن قوڭشۇ لوڭۋاڭمياۋ قىشتاعى تامچىلاتىپ سۇۇعارۇۇنۇ جولعو قويبوعوندۇقتان، بىيىلقى ىشتەتۉۉ كۅرسۅتكۉچ ۅلچۅمۉ بويۇنچا بەكىتىلگەن سۇۇنۇ ىشتەتىپ بۉتكۅن، بۇل مەزگىلدەردە قىشتاق ياچايكاسىنىن شۇجئسى، قىشتاق كومىتەتى مۇدۇرۇ لىيۇ جاڭجۉن چار تاراپقا تەلەفون چالىپ باشقا قىشتاقتان سۇۇ ىشتەتۉۉ كۅرسۅتكۉچ ۅلچۅمۉ بويۇنچا اشىپ قالعان سۇۇنۇ ساتىپ الۇۇ مەنەن شاشىلىش بولۇپ كەتتى. ال مىنداي دەدى: « بەش- التى جولۇ تەلەفون چالىپ، 2 مئللىيون كۉب سۇۇنۇ ەكى كۉندۅ مەن قارجى جىيناپ، ساتىپ الدىم، ئش بۉتكۅندۅن كىيىن دىيقاندار جىينايىم، بئر سااتى 200 يۇان، بئر كۉندۅ ەلە 4،5 مئڭ يۇان بولۇپ كەتەت، ۅزدۉك نارقى ابدان جوعورۇ ەكەن».
 
كەلەر جىلى لوڭۋاڭمياۋ قىشتاعى سۇۇ ۅنۉمدۅ جابدۇۇلارىن ۅزگۅرتۉۉ ەپكىنىن كۉچۅتۉۉگۅ بەل بايلادى. ال مىنداي دەدى:« 2000 مو جەرگە تامچىلاتىپ سۇۇعارۇۇ جابدۇۇسۇن ورنوتپودۇق، كەلەر جىلى بۇل جەرگە تامچىلاتىپ سۇۇعارۇۇ جابدۇۇسۇن ورنوتۇپ، كۅنۅ سۇۇعارۇۇ قۇرۇن داعى دا جوعورۇ بەرەكەتتۉۉ، داعى دا سۇۇ ۅنۉمدۅيتۇرعان جابدۇۇلارعا الماشتىرىپ، جاقىنقى بولوچوقتو لوڭۋاڭمياۋ قىشتاعىن باشقا قىشتاقتاردان سۇۇ ساتىپ الباعىداي دەڭگەەلگە جەتكىرەبىز».

ۇچۇردا قۇتۇبئي وودانى 6 سۇۇ ۇقۇعۇ سووداسى ۅرۉشۉن قۇرعان بولۇپ، سۇعات رايونۇ مەنەن سۇعاترايونۇ، قىشتاق مەنەن قىشتاق اراسىنداعى سۇۇ ۇقۇعۇ سووداسىن ئش جۉزۉنۅ اشىرعان، ال ەمى بۉت ووداندىن سۇۇ ۇقۇق سووداسى ۅلچۅمۉ 17 مئللىيون كۉبگە، سوودا سومماسى 3 مئللىيون 750 مئڭ يۇانعا جەتتى.
 

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.