باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
سانجى شاارىنداعى نورجا قاپچىعايى اقىرىن-اقىرىن جاقتىرۇۇعا ەە بولۇپ كەلەت
   2018-10-08 19:51:35     xjbs   

 

  سانجى شاارىنا 35 كىلومەتىر كەلۉۉچۉ نورجا قاپچىعايى، اياباي ۅكۉل مۉنۅزدۉۉ دانشا جەر تۉزۉلۉشۉ ۅزگۅچۅلۉگۉنۅ ەە بولۇپ، كەە بئر كىنو، سەنەرىيا سۉرۅتكۅ الۇۇچۇلار گۇرۇپپاسىنىن سۉرۅتكۅ الۇۇچۇ جەرىنە ايلانىپ، ايلاناسىنداعى ساياقاتچىلاردىن جاقتىرۇۇسۇنا تاتىقتۇۇ بولدۇ.  سانجى رادىيو ىستانسىياسىنىن قابارچىسى چاڭ يئى-يىنىن قابارى :

      9- ايدىن 29- كۉنۉ، ئرى تىپتەكى تارىحى تەمانى چاعىلدىرعان «ۇلۇۇ چئن ىمپەرىياسىنىن زىمىنى» اتتۇۇ تەلە تەياتىرى سانجى شاارى اشىلى ايىلى نورجا چوڭ قاپچىعايىندا سۉرۅتكۅ الۇۇنۇ باشتوو ازەمىن ۅتكۅرۉپ، باش رەجىسسور يانيئى، سىنعا الۇۇنۇن الدىندا بۉت ماملەكەتتىن كۅپتۅگۅن جەرىنە بارىپ كۅرۉنۉش تانداعانىن، نورجا چوڭ قاپچىعايىنىن قووز كۅرۉنۉشۉ انى تااسىرلەندىرىپ، ەڭ اقىرىندا بۇل جەردى تەلە تەياتىرىن سىنعا الۇۇ بازاسى قىلىپ بەكىتكەنىن ايتىپ مىنداي دەدى: «اياباي قووز ، اياباي سۉردۉۉ ەكەن، ماي  بويوق سۉرۅتكۅ وقشوش، بئزدىن بۇل فئلىمدى اياباي كۅرۉنۉكتۉۉلۅشتۉرۅت ەكەن، كۅپتۅگۅن كۅرۉنۉشتۅردۉ ۇشۇل جەردە سۉرۅتكۅ الدىق، مەنىن ويلوعونۇنان جاقشى ەكەن.»


       نۇرجا چوڭ قاپچىعايى تۉشتۉكتۅن تۉندۉكۅ قاراي ئيرى-بۇيرۇ 10 قانچا كىلومەتىرگە سوزۇلعان بولۇپ، قاپچىعايدىن ەكى بوورۇ تىك، ۇقمۇشتۇۇ چوقۇلار، تۉركۉن-تۉستۉۉ تاشتار بار. ار جولۇ كۉن باتقاندا، ۇقمۇشتۇۇ دانشىيا جەر كەبەتەسىنە داعى بئر پارچا قووزدۇق قوشۇلات. سانجى شاارى اشىلئى ايىلدىق پارتكومدۇن ورۇن باسار شۇجئسى، ايىل باشچىسى قۇبانىش مىنداي دەپ تاانىشتىردى: «2016- جىلى (ۇلۇۇ تاڭدىن كەچىلى- شۇانزاڭ) اتتۇۇ كىنوعو نۇرجا قاپچىعايىنان كۅرۉنۉش العان؛ بىلتىر «قالىس مانساپتار باۋ چئڭتىيان» دى سۉرۅتكۅ العاندا داعى ۇشۇل جەردەن كۅرۉنۉش العان. ازىر كۅپتۅگۅن ساياقاتچىلىق شەرىكتىكتەرى، كىنو-فئلىم شەرىكتىكتەرى بئز مەنەن چىركەشىپ جاتات، مىندان كىيىن ۇشۇل كۅرك ارقىلۇۇ، ۇشۇل جەر كەبەتەسى ارقىلۇۇ دارەكتۉۉ فئلىم، تەلە تەياتىرى، كىنولوردۇ سىنعا السا ەكەن دەيبىز.»

      چوڭ قاپچىعايدىن جەەگىندە تۇرۇپ كۅز جۉگۉرتكۅندۅ، الىسقى تيانتىگىر چوقۇسۇ، ورتو بۅلۉگۉندۅكۉ جاپ-جاشىل توولور، قابات-قابات قۇلپۇرۇپ تۇرعان تۇلاڭدار، ۉيۉر-ۉيۉر  تۅرت تۉلۉك مالدار،سۉردۉۉ ۇزۇن كۅرۉنۉش سۉرۅتۉن قالىپتاشتىرىپ تۇرات. اراسىندا تۇرعانىڭىزدا، بۉتۉن قاپچىعايدا كۅرۉنۉپ تۇرۇۇچۇ باشتاپقى ەكولوگىيانىن جىتى ساياقاتچىلاردى انسايىن ەلىكتىرىپ تۇرات.

      ۇچۇردا، سانجى شاارى نورجا چوڭ قاپچىعايىن ىمەرچىكتەپ قاتىشتۇۇ ساياقاتتوو بەلگىلەمەسىن تۉزۉپ چىعىپ، كۅرك تۉيۉندۉن ساياقات تااسئر كۉچۉن كەڭىرتكەن. سانجى شااردىق ساياقاتچىلىقتى ۅنۉكتۉرۉۉ مەكەمەسىنىن ورۇن باسار مەكەمە باشچىسى ۋاڭ گوفىڭ مىنداي دەدى: «نۇرجا چوڭ قاپچىعايىنىن جاراتىلىشتىق كەبەتەسىنەن پايدالانىپ، سانجى شاارىنىن ساياقات مادانئياتىن داعىدا تەرەڭ جانا كەڭىرى ايگەنەلەپ، داعىدا كۅپتۅگۅن ساياقاتچىلاردىن سانجى شاارىنا كەلىپ ساياقاتتووعو ەلىكتىرەبىز.»

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.