باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
اپتونوم رايونۇبۇز جەر-جەرلەرى قاتتوو بۅگۅتۉن جويۇپ، ساياقات كەسىبىن ۅنۉگۉۉسۉنۅ دەم بولدۇ
   2018-10-08 19:53:44     xjbs   

        
   اپتونوم رايوندۇق ساياقاتچىلىقتى ۅنۉكتۉرۉۉ جىينالىشىندا، ساياقات كەسىبى نەگىزىن بەكەمدەپ، قاتتوو بۅگۅتۉن كۉچۅپ چەچۉۉ ورتوعو قويۇلدۇ. ۇچۇردا، اپتونوم رايونۇبۇزدۇن جەر-جەرلەرى ساياقاتتى اچىپ ۅنۉكتۉرۉۉنۉ تاش جول قاتتوو جوسپورۇنا الىپ كىرىپ، كۅرك رايوندور، ايىل-قىشتاق جولدورۇن ارت-ارتىنان قۇرۇپ، ساياقاتچىلاردىن سىرتقا چىعۇۇسۇنا زور داراجادا وڭتويلۇۇلۇق جاراتىپ، قالىڭ دىيقان-مالچى جۇرتچۇلۇعۇن ساياقات كەسىبىن ۅنۉكتۉرۉۉدۅن كەلگەن پايدادان باارلاندىرىپ، كىرەشە ارتتىرىپ، بايۇۇ جولۇنا باستىردى. ىستانسىيابىز قابارچىسى جىنلەيدىن قابارى:

    كۉز مەزگىلىندە حىجىڭ وودانى قىرعۇت ايىلىندا اسمان تىرەگەن بايتەرەكتەر ۅسۉپ ساي بويۇنداقى داراقتاردىن جالبىراقتارى قىزىل-سارى تۉسكۅ ۅزگۅرۉپ، كۉزدۉن كەلگەنىن ايتىپ تۇرعانداي بولدۇ، جولدوردو جايىت قوتورۇپ جۉرگۅن مالچىلاردىن ۇي-قويلورۇن ايداپ جۉرگۅن كۅرۉنۉشۉ قۇدۇم ماي بويوق سۉرۅتۉندۅي كۉز كۅركۉنۅ كۅرك قوشتۇ . جەكە ماشىنا مەنەن ساياقاتتايتۇرعاندار وودان-ايىل جولدورۇن ارالاي جۉرۉپ، بۇل جەرگە كەلىشەت. ساياقاتچى ياقۇپجان ەزىز مىنداي دەدى:-ۉيدۅكۉلۅردۉ الىپ بۇل جەرگە كەلدىم، بۇل جەردىن كۉزگۉ كۅرۉنۉشۉ اياباي سونۇن ەكەن، 10 جىلدىن الدىندا كەلگەنىمدە، قاراماي جوق جول، جول جۉرۉۉ قىيىن ەلە، ال كەزدەردە حوشۇتتان بۇل جەرگە كەلۉۉ ۉچۉن 3 سااتتاي ۇباقىت كەتۉچۉ، ازىر جولدور جاقشى بولۇپ كەتىپتىر، ساار جولعو چىقساق 40 مئنوتتو ەلە جەتەت ەكەنبىز. 

   قىرعۇت ايىلى توولۇۇ رايوندوقۇ مالچارباچىلىق ايىلى ارى اپتونوم رايون بويۇنچا وور كەمباعال ايىل-شاارچالاردىن بئرى ەسەپتەلەت. 2017-جىلى، 30 كىلومەتىرگە جاقىن وودان-تاش جولۇنۇن 275-لەنىياسى قۇرۇلۇپ ماشىنا قاتتاعاندان كىيىن، قىرعۇت ايىلى مەنەن سىرت جەرلەردىن بايلانىش جولۇ اچىلىپ، جەرگىلىكتىن ساياقات كەسىبى جاندانعان. جولدور وڭدولۇپ سالىنعاندان كىيىن، قىرعۇت ايىلى ماملەكەت داراجالۇۇ 3A داراجالۇۇ كۅرك رايونۇ بولۇۇعا سۇنۇش بەرگەن، ساياقاتچىلىقتىن دۇۇماندۇۇ مەزگىلىندەكى 3 ايدان اشۇۇن ۇباقىتتا جالپى كۉتۉپ الىنعان ساياقاتچىلاردىن سانى 30مئڭ ادامدان اشقان. قىرعۇت ايىلدىق پارتىكومدۇن شۇجئسى سوڭ جىيەنجۉن مىنداي دەيت:-ىلگەرى قاراماي جولدۇن توومۇ بولسودا بئروق اياباي تار ەلە، ماشىنالار بۇرۇلۇۇ قىيىن بولچۇ، ازىر 6 جارىم مەتىر كەڭدىكتەكى قاراماي جولۇ سالىنىپ، بىيىل بۇل جەرگە ساياقاتتاپ كەلگەندەر 40پايىزعا جەتتى. مالچىلار شاتتىق ورۇندارى 18 گە كۅبۅيۉپ، بئر جىلدان بەرى كۅپ بولعوندو 100مئڭ يۇانداي، از بولعوندو 20،30مئڭ يۇان ايلاناسىندا كىرەشە كىرگىزدى.

     حىجىڭ وودانى قىرعۇت ايىلىنىن«تاش جول+ساياقات»ىڭعايى تەك اپتونوم رايونۇبۇزدۇن قاتتوو مەنەن ساياقات جۇۇرۇلۇشۇپ ۅنۉگۉۉسۉندۅكۉ بئر چاقان كارتىناسى. بئر قانچا جىلدان بەرى، اپتونوم رايوندۇق قاتتوو-تاشىمال نازاراتى ساياقات ۅنۉگۉۉسۉن ىلگەرى سۉرۉۉنۉ «قاتتوودو كۉچتۉۉ رايون»بولۇۇ ىستىراتەگىيالىق جوسپورۇنا الىپ كىرىپ، «اپتونوم رايوندۇن ساياقات تاش جول جوسپورۇن»،«اپتونوم رايوندۇن جول جۉرگۉنچۉ تاشىمالى ارقىلۇۇ ساياقات كەسىبىنىن ۅنۉگۉۉسۉن ىلگەرى سۉرۉۉ جولعو قويۇۇ پىكىرىن»ارت-ارتىنان تۉزۉپ چىقتى. تاش جول قۇرۇلۇش ارىمىنىن ۇلاندۇۇ تەزدەشىنەن ۇلام، بۉتكۉل رايوندوقۇ جولدوردۇن قۇرۇلماسى ۇلاندۇۇ ۅزگۅرۉپ، ساياقات تاش جولدورۇ ۇلاندۇۇ جاڭىرىپ، ارقايسى جەرلەردىن بۉت چۅلكۅمدۉك ساياقاتتى ۅنۉكتۉرۉۉسۉ زور داراجادا جىلىشتادى. گۇچىڭ ووداندىق ساياقات مەكەمەسى پارتىگۇرپپاسىنىن شۇجئسى جاڭيئى مىنداي دەدى:-جانبۇلاق باتىش ايلانما جولۇن اچتىق، جانبۇلاق مەنەن نانساندى بويلوعون جولعو سۉيۅنۉپ، تىيەنشاندىن چىعىش بۅلۉگۉندۅكۉ جەكە ماشىنا ساياقات جولۇن قالىپتاشتىرىپ، وودان ىچىندەكى دئنازاۋۇر جىلعاسى گىيولوگىيالىق باقچاسى قاتارلۇۇ كۅرك رايوندورۇن ورگانىك جالعاشتىرىپ، جول بويۇنداقى ايىل-قىشتاق ساياقات ۅنۉگۉۉسۉن تۉرتمۅكتۅدۉك.
   
    بىلتىرتان بىيىلعا چەيىن، اپتونوم رايونۇبۇز ارت-ارتىنان مايتوو-كۇچار تاش جولۇ، قۇلجا-موڭعۇلكۉرۅ تاش جولۇ، قاناس قوم تاش جولۇ، تاكلىماكان چۅل جولۇ قاتارلۇۇ كۅپتۅگۅن تاش جول ساياقات جاڭى تۉشۉمدۅرۉن قۇيرۇق ۇلاي  تۉپتۅپ، ارقايسى جەر ساياقاتچىلارىنىن جاقتىرۇۇسۇنا تاتىقتۇۇ بولدۇ. شانشىلىك ساياقاتچى جۇ جىيەنجوڭ مىنداي دەدى:-شئنجاڭدا ماشىنا مەنەن بئر ايدان اشۇۇن ەركىن ساياقاتتادىم، جول بويۇنداقى كۅرۉنۉشتۅر ەسىمەن كەتبەدى. ىلە، قاناس، نارات، بايىنبۇلاق، مايتوو-كۇچار تاش جول بويۇنداقى كۅرۉنۉشتۅر چىنىندا اياباي سونۇن ەكەن، كۅرۉپ تاڭ قالدىم. قاتتوو شارتى داعى اياباي جاقشىلانىپتىر.

     ۇچۇردا، اپتونوم رايونۇبۇزدۇن قاتتوو تاشىمال تارماقتارى «قاتتوو تاشىمال ارقىلۇۇ ساياقات كەسىبىن جۇۇرۇلۇشۇپ ۅنۉگۉۉسۉن ىلگەرى سۉرۉۉ جەتەكتۅۅ پىكىرىن»تەزدەن تۉزۉپ چىعىپ، ۅلكۅلۉك جولدۇن 315-لەنىياسىنداقى تاڭبالى جۉز چاقىرىمدىق سۉرۅتتۉۉ كارىدور تاش جولۇن، ۅلكۅلۉك جولدۇن 101-لەنىياسىنداقى جۉز چاقىرىمدۇۇ دانشئيا ساياقات تاش جولۇ، ماملەكەتتىك جولدۇن 314-لەنىياسىنداقى بۇلۇڭكۅلدۅن قونجىراپقا چەيىنكى تاش جول قاتارلۇۇ بئر تۉركۉم «قاتتوو+ساياقات»ۉلگۉ كۅرسۅتۉۉ قۇرۇلۇشۇن ىشتىكتۉۉ جىلىشتاتىپ، ارقايسى جەرلەردىن بۉت چۅلكۅم ساياقاتىن ۅنۉكتۉرۉۉنۉ ۅنۉمدۉۉ دەمۅۅر كۉچۉ مەنەن قامدادى.

    اپتونوم رايوندۇق قاتتوو تاشىمال نازاراتى پارتىكومۇنۇن شۇجئسى لئى شۅدوڭ مىنداي دەدى:-«بئر جولدو بئر كۅرك، بئر ارىمدا بئر كۅرۉنۉش»بولۇۇ دولبوور تۉشۉنۉگۉ بويۇنچا چۅلكۅم  فاكتورۇن، قۇرۇلۇش بەلگىسىن جوسپورعو الىپ كىرىپ، جالپى جۉرۉش بويۇنچا دولبوورلودۇق. تۉيۉندۉۉ كۅرك رايوندورۇنداقى كۅرك تۉيۉن نەگىزگى ساياقات لەنىياسى تاش جول ايلانما قۇرۇلۇشۇن تەزدەتىپ، ماملەكەتتىك، ۅلكۅلۉك جولدۇ نەگىز قىلعان ساياقات تاش جول سىستەماسىن كەمەلدەندىرىپ، بئر جۉرۉش«جول مەنەن كۅرۉنۉش، ساپار مەنەن ساياقات جۇۇرۇلۇشۇپ، ورتوق باارلاشقان»تاش جولدو اقىرىن جۉرۉۉ سىستەماسىن چىمىرقانا جاراتىپ، «تەز كەلۉۉ»چااراسىن «جايباراقات ساياقاتتوو»ىڭعايىنا جوعورۇلاتىپ، ايىل-قىشتاق ساياقات كۅرك تۉيۉندۅرۉ مەنەن تاش جولدوردۇن ۅزارا بايلانىشۇۇ، جالعاشۇۇسۇن ىشكە اشىرىپ، جولدۇ قاندىرعا قىلۇۇ ارقىلۇۇ ايىل-قىشتاق ساياقاتىنىن ساپاتىن جوعورۇ كۅتۅرۉپ، داراجاسىن جوعورۇلاتۇۇنۇ تۉرتمۅكتۅدۉك.

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.