باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
اپتونوم رايونۇبۇزدۇن جەر- جەرلەرى ماملەكەت تۇۇسۇن چىعارۇۇ ازەمىن سالتاناتتۇۇ ۅتكۅرۉپ، جۇڭحۇا ەل رەسپوبىلىكاسى قۇرۇلعاندىعىنىن 69 جىلدىعىن قىزۇۇ قۇتتۇقتادى
   2018-10-08 22:36:55     xjbs   

10- ايدىن 1- كۉنۉ اپتونوم رايونۇبۇزدۇن جەر- جەرلەرى ماملەكەت تۇۇسۇن چىعارۇۇ ازەمىن سالتاناتتۇۇ ۅتكۅرۉپ، جۇڭحۇا ەل رەسپوبىلىكاسى قۇرۇلعاندىعىنىن  جىلدىعىن قىزۇۇ قۇتتۇقتادى. 
ساار ساات 9 دا كۉنۅس ووداندىق ەل ايانتىندا ماملەكەت تۇۇسۇن قورعوو اتىرەتى ايباتتۇۇ مۇزىكانىن قوشتوسۇندا ىرەتتۉۉ قادام مەنەن ماملەكەت تۇۇسۇن قورعوپ تۇۇ چىعارۇۇ سەكىسىنە جاقىن باردى. «ەرىكتۉۉلۅر مارشى»نىن قوشتوسۇندا بەش جىلدىزدۇۇ قىزىل تۇۇ  استا كۅتۅرۉلۉپ، بۉت وودانداعى ار قايسى ورۇن، ار قايسى ايىل- بازارلاردان كەلگەن 10 مىڭگە جاقىن كادىر، قالايىق- قالىق بەش جىلدىزدۇۇ قىزىل تۇۇعا قاراپ ۇلۇۇ ۇرمات بئلدىرىپ، ماملەكەت گىمىنىن  ىرداشتى. كۉنۅس ووداندىق 2- ورتو مەكتەپتىن وقۇۇچۇسۇ انىيا داۋلەت مىنداي دەدى:« ازىر ماملەكەتىبىزدىن بارعان سايىن گۉلدۅنۉپ جاتات، بئز ازىر وڭويعو كەلبەگەن تۇرمۇشۇبۇزدۇ قادىرلاپ، مىندان كىيىن ماملەكەت ۉچۉن تۉرگۉك بولۇۇبۇز كەرەك».

اۋات وودانىندا دولان ەل ايانتى جاڭى  جاسالعالانىپ، مىڭدەگەن كادىر، قالايىق- قالىق مايرامدىق كىيىمدەرىن كىيىپ ەل ايانتىنا چوعۇلۇپ، ماملەكەت تۇۇسۇن چىعارۇۇ ازەمىنە قاتىشىپ، جۇڭحۇا ەل رەسپوبىلىكاسى قۇرۇلعاندىعىنىن 69 جىلدىعىنا بولعون جاقشى قاالوو-تىلەكتەرىن ايتىشتى. ارتىندا پارتئيا مۉچۅلۅرۉ ازەم ناق مايدانىندا پارتئياعا كىرۉۉ انتىن قايرا ەسكەردى. كۅپچۉلۉك ايرىم- ايرىم: العاچقى مۉدۅنۉ ۇنۇتپاي، مىلدەتتى ەستە بەكەم ساقتاپ، پارتئيا بوربوردۇق كومىتەتتىن شئنجاڭدى باشقارۇۇ ىقىمىن، اپتونوم رايونۇبۇزدۇن ار تۉردۉۉ ساياسات، ورۇنداشتىرۇۇلارىن چەچكىن ئزچىل جۉزۅلۅشتۉرۉپ، تالىقپاي چىمىرقانىپ باقتىلۇۇ تۇرمۇش جاراتابىز- دەشتى. اۋات ووداندىق ەل دوقتۇرقاناسىنىن ورۇن باسار باشچىسى يۉ جۇان مىنداي دەدى:« جۇڭگو كوممۇنىستىك پارتئيا مۉچۅسۉ قاتارى العاچقى مۉدۅنۉ ۇنۇتپاي، مىلدەتتى ەستە بەكەم ساقتاپ، پارتئياعا جانا ەلگە باردىعىمدى ارنووعو دايارمىن». 
    
       كۉن  كۅتۅرۉلۉپ، جىلۇۇ كۉن نۇرۇنۇن تىيشىنەن ۇلام، ماناس وودانى حامقازىتام ايىلى فۇجىيەن-ماناس ەكولوگىيالىق قىشتاعىندا، قازاق ەلىنەن 561 ۅكۉل قىشتاق مادانئيات ايانتىنا چوعۇلۇپ، جەلبىرەپ چىققان بەش جىلدىزدۇۇ قىزىل تۇۇعا قادالا قاراپ، كۅپچۉلۉك چوعۇۇ ماملەكەت گىمىنىن ىرداپ، جۇڭحۇا ەل رەسپوبىكاسىنىن گۉلدۅپ- ۅسۉشۉن، شايكەشتۉۉ، بايكەر، قۇدۇرەتتۉۉ بولۇۇسۇن ورتوق تىلەدى. مالچى نۇرىيلا مۇقامەتجان مىنداي دەدى:- «پارتئيا جانا ۅكۉمۅتتۉن قامقوردۇعۇندا، بئز باقتىلۇۇ تۇرمۇش ۅتكۅزۉپ، بوز ۉيلۅردۅن، مالچىلاردى تۇرۇقتۇۇ قونۇشتاندىرىپ، بايىتۇۇ ۉيلۅرۉنۅ كۅچۉپ كىرىپ، وورۇ كۅرسۅتۅتۇرعان دارىلانۇۇ قامسزداندىرۇۇبۇز بار بولدۇ، بالدارىبىز مەكتەپتەردە اقسىز وقۇپ، مال باعاتۇرعان جايلوولورۇبۇزعا تولۇقتاما جاردام اقچا بەرىلىپ، تۇرمۇشۇبۇز كۉندۅن كۉنگۅ جاقشىلاندى، مالچىلارىبىز ئچ- ىچىنەن پارتئياعا ىراازىچىلىق بئلدىرەت. مەن جۇڭگولۇق بولعونۇمان اياباي ووراقتانام.»

        ساارقى كۉن چىعۇۇسۇنان ۇلام، بورتالاا شاارى التىن دەلتا ۅنۅر جاي باقچاسىنىن قورووسۇندا ار ۇلۇت قىزماتچىلارىنان 300 دۅن اشۇۇن كىشى ماملەكەت تۇۇسۇن چىعارۇۇ ازەمىنە قاتىشتى. گۇما وودانىنان كەلگەن بۇپاتىما توقتومامەت بىلتىر ۅنۅر جاي باقچاسىنا كەلىپ جۇمۇشتانىپ، كىرەشەسى بارعانسايىن كۅبۅيۉپ، ۉي- بۉلۅسۉنۉن تۇرمۇشۇ كۉندۅن- كۉنگۅ جاقشىلانعان. ال مىنداي دەدى:- مەن ازىر ايىنا 2 مئڭ يۇاندان 3 مئڭ يۇانعا چەيىن مايانا الام، ماملەكەتتىن قامقوردۇعۇنان ۇشۇل كۉنگۅ جەتتىم، وشوندۇقتان، بۉگۉنكۉدۅي ۅزگۅچۅ كۉندۅردۅ، مەن اتا مەكەندىن بارعانسايىن قۇدۇرەتتۉۉ بولۇۇسۇن تىلەيىم.

        جەمەنەي ووداندىق قووم- قووپسۇزدۇق مەكەمەسىنىن 400 دۅن اشۇۇن ەل ساقچىلارى ماملەكەت تۇۇسۇن چىعارۇۇ ازەمىنە قاتىشپ، جاڭى جۇڭگوعو ەڭ جاقشى قاالوولورۇن ايتۇۇ ۉچۉن، ماملەكەت تۇۇسۇ استىندا، قووم- قووپسۇزدۇق كادىر ساقچىلارى چەچكىن ۉن قاتىپ، پوزىتسىيا بئلدىرۉۉ قىيمىلىن ۅتكۅزۉپ، ەل ساقچىلارىنىن مىلدەتكە اق جۉرۅك بولۇپ، ىيىق مىلدەتتى جەردە قويبوي، قوومدۇن شايكەشتۉۉ وموقتۇۇلۇعۇن چەچكىن قورعوپ، ار ۇلۇت ەلىنىن ۅمۉر، مال- مۉلك قووپسۇزدۇعۇنا كەپىلدىك قىلۇۇ قايراتى مەنەن ىشەنىمىن بئلدىردى. جەمەنەي ووداندىق قووم-قووپسۇزدۇق مەكەمەسى قاتتوو ساقچى چوڭ اتىرەتىنىن ەل ساقچىسى گاۋ يانۋىن مىنداي دەدى:- جەمەنەي ووداندىق قاتتوو ساقچى چوڭ اتىرەتى قىزمات وردۇندا بەكەم تۇرۇپ، ەلدىن ساپارعا چىعۇۇسۇنداعى قورعووچۇلاردان بولوت. اتا مەكەندىن اسمانىن داعىدا اچىق، تووسۇنۇن داعىدا جاشىل، سۇۇسۇنۇن داعىدا تۇنۇق، ەلىنىن داعىدا باقتىلۇۇ، ەكونومىكاسىنىن داعىدا گۉلدۅنۉۉسۉن، ماملەكەت كۉچۉنۉن داعىدا قۇدۇرەتتۉۉ بولۇۇسۇن تىلەيبىز.

       قاق سااردا، شئحانزا داشۅسۉنۉن مىڭدەن اشۇۇن وقۇتۇۇچۇ- وقۇۇچۇلارى مەكتەپتىن ىچىندە ماملەكەت تۇۇسۇن چىعارۇۇ ازەمىن ۅتكۅزۉپ،  وقۇۇچۇلاردىن چىنىعى مەكەنسۉيۅردۉك سەزىمىن تۇيۇنتتۇ. شئحانزا داشۅسۉ ەكونومىكا جانا باشقارۇۇ ئلمىي شۅيۇانى ىنتىماق كومىتەتىنىن شۇجئسى ما يوڭزى: بئز ئش جۉزۉندۉك اراكەتىبىز ارقىلۇۇ، مەكەن سۉيۅردۉك ماحاباتىبىزدى ئش جۉزۉنۅن ۅتكۅزۉپ، جاشتىق اقىل- پاراساتىبىزدى ارناپ، جاشتار بئزدىن العى مۇۇندارعا وقشوش ىنتىماقتاشىپ، جۇڭحۇانى گۉلدۅنتۉۉبۉز كەرەك،- دەدى. 

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.