باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
ئلمىي ىزىلدۅۅنۉ تۉرگۉك قىلىپ، ايىل چاربا مەنەن ساياقاتتى بىرگەلەشتىرىپ، اپتونوم رايونۇبۇز مۅمۅچۉلۉكتۉ ۅنۉكتۉرۉۉدۅ جاڭى جولعو باستى
   2018-10-08 22:48:00     xjbs   

اپتونوم رايونۇبۇزدۇن جەر- جەرلەرى بازار اجاتى جانا ساياقاتچىلىقتى ۅنۉكتۉرۉۉ مۅرتۉن بىرگەلەشتىرىپ، ئلمىي ىزىلدۅۅنۉن تۉرگۉكتۉك جۅندۅمۉن كۉچۅتۉۉ ارقىلۇۇ بازاردىن  تۉشۉمدۅردۉ ىزىلدەپ ۅنۉكتۉرۉۉسۉن چىركەشتىرىپ، ئش قوشۇۇنۇن ۅندۉرۉش كۉچۉنۅ ايلانۇۇ قۇرباتىن ۅستۉرۉپ، تۉشۉم قوشۇمچا نارقىن توقتووسۇز قازىپ، 1-،2-، 3- كەسىپتى جۇرۇلۇشتۇرۇۇنۇ ىلگەرى سۉرۉپ، مۅمۅچۉلۉكتۉن تەرەڭدەي ۅنۉگۉۉسۉن جىلىشتاتتى.  ىستانسىيابىز قابارچىسى لئي ۇۋ، لىيۇ چياڭ، ەرىكتۉۉ قابارچى جۇ لئجۉن، گو زىيئلەردىن قابارى.
9- ايدىن اقىرىندا گۇما وودانى پىيالما ايىلىنداعى 20 مئڭ مودون ارتىق انار بىشۇۇ مەزگىلىنە كىردى، قىپقىزىل انار پىيالما ايىلداقىلاردىن تۉركۉك كەسبىنە ايلانعان بولۇپ، اناردىن جىلدىق تۉشۉم ۅلچۅمۉ 9 مئڭ تونناعا جەتىپ، 10 مئللىيون يۇاندىق ۅندۉرۉش نارقىن جاراتات. گۇما وودانى پىيالما ايىلى قۇمبويى قىشتاعىنىن تۇرعۇنۇ قاۋۇز ابدىكەرىم مىنداي دەدى:« بىلتىر 70 مئڭ يۇاندىق انار ساتتىم. بىيىل بئر مو جەردەگى اناردى 16 مئڭ يۇانعا ساتتىم. ازىر بۇيرۇتقانداردىن سانى اياباي كۅپ، بىيىل 80 مئڭ يۇاندىق انار ساتام دەپ موجومولدوپ جاتام».

اپتونوم رايونۇبۇز دۉينۅدۅكۉ التى چوڭ مۅمۅ- چۅمۅ تۉشۉمدۅر القاعىنىن بئرى، جۇڭگودوعۇ اتاقتۇۇ «مۅمۅ- چۅمۅ مەكەنى» سانالات، ال ەمى شئنجاڭدا ۅزگۅچۅ تۉشۉمدۅر، اتاقتۇۇ ماركالار بولعوندۇقتان دىيقانداردى كەمباعالدىقتان ارىلىپ باي قىلۇۇداعى كۉچتۉۉ تۉرتمۅكتۅكۉچگۅ ايلانعان. ۇچۇردا گۇما وودانى پىيالما ايىلىندا دىيقاندار جىرعالچىلىعىن قۇرۇۇ سىياقتۇۇ ساياقات تۉرلۅرۉنۅ دىلگىر داياردىق كۅرۉپ جاتات. گۇما وودانى پىيالما ايىلدىق ايىل- قىشتاق ەكونومىكا ئشقاناسىنىن مۇدۇرۇ لىيۇ حوڭ مىنداي دەدى:« بئز انار كەسىبىنە سۉيۅنۉپ، انار كۅرك ساياقاتچىلىعىن زور كۉچ مەنەن ۅنۉكتۉرۅبۉز،اندان كىيىن انار ۅزگۅچۅ چاقان شاارچاسىن قۇرۇپ، قالىڭ ساياقاتچىلارعا كۅكتۅمدۅ انار چەچەگىنەن ۉزۉر العىزىپ، جايىندا انار ۋارىناسىن جەگىزىپ، كۉزدۅ اناردان تاتىتىپ، قىشىندا انار شەربەتىن  ىچكىزىپ، انار كەسبى ارقىلۇۇ ايىل- قىشتاقتاعى باردىق دىيقاندارعا نارىپ جەتكىرىپ، انار باعىن ايىلداعى دىيقانداردىن اقچا تاباتۇرعان باققا ايلاندىرابىز».   
بىيىل قومۇل شااردىق مۅمۅچۉلۉك ئشقاناسى مۅمۅچۉلۉك تەحنىكا تاربئياسىن جانا تەيلۅۅ قىزماتىن الىپ بارىپ، مۅمۅچۉلۉك ئلىم- تەحنىكا تەيلۅۅسۉ جانا تەحنىكالىق تاربئيا بەرەكەتىن جالپى بەتكەي ۅستۉردۉ، وشونۇ مەنەن بىرگە قۇمۇل شاارى زىياندۇۇ قۇرت-قۇمۇرسقالاردان، تۅمۅن تەمپەراتۇرادا ۉشۉپ قالۇۇدان، قۇم- بوروندون ساقتانىپ جۅنگۅ سالۇۇنۇ نەگىز قىلعان مۅمۅچۉلۉك ۇنىۋەرسال سىستەما قۇرۇلۇشۇن كۉچۅتۉپ، مۅمۅچۉلۉكتۉن قووپسۇزدۇعۇنا كەپەلەتتىك قىلدى، قومۇل شااردىق مۅمۅچۉلۉك ئشقاناسىنىن ورۇن باسار مۇدۇر مۉچۅسۉ جياۋ جيانحوڭ مىنداي دەدى: « 2018- جىلى بئز چىلان ئلىم- تەحنىكا ۉلگۉلۉ باقچاسىن قۇرۇۇنۇ ىلگەرى سۉرۉپ، چىلان ئلىم- تەحنىكا باقچاسىنان 10 قۇردۇق، ال ەمى ۉلگۉلۉ چىلان باقچاسىنىن ايانتى 2800 مو بولۇپ، چىلاندى زىياندۇۇ قۇرت- قۇمۇرسقالاردان قورعوو تۉرۉن جولعو قويۇپ، مۅمۅچۉلۉك ئلىم- تەحنىكا كۇرسۇ بويۇنچا ازىرعا چەيىن 229 مايدان كۇرس ۇيۇمداپ، 7656 ادام ىرەت دىيقان تاربئيالادىق».

بىيىلدان بەرى اپتونوم رايونۇبۇز ئلمىي ىزىلدۅۅ جۅندۅمۉن تۉرگۉك قىلىپ، مۅمۅچۉلۉك تۉشۉمدۅرۉ ساپاتىن ۅستۉرۉپ، كۅپتۅگۅن ساپاتتۇۇ مۅمۅچۉلۉك تۉشۉمدۅرۉن قوشۇمچا نارقى جوعورۇ جۇمۇش قوشۇلعان تۉشۉمدۅرگۅ ايلاندىرىپ، تۉشۉمدۅردۉ الىسقى جەرلەرگە ساتتى. بۇل ەكى كۉندۅ ماناس وودانى اسىل ساپاتتۇۇ جۉزۉم اراعى بازاسىندا دىيقان لئى جيانگو شاشىلىش جۉزۉم ۉزۉپ، جاشىكتەرگە قاچالاپ تاشىپ جاتتى. بىيىل گەرمانئيا بەرلىن جۉزۉم اراعى جارىشىندا التىن مەداالعا ەە بولعون«نئيا 2015- جىلدىق  چىشاجۇ قۇرعاق جۉزۉم اراعى» ماناس وودانىنان چىققان. ۇچۇردا مىنداي ماركالۇۇ چئشاجۇ نەگىزگى تۉشۉمگۅ ايلانىپ، بئر جىل ساقتالعانىنىن بئر بوتەلكەسىن 1000 يۇانعا ساتقالى بولوت. شئنجاڭ جوڭشئن گوان اراقچىلىق شەرىكتىگىنىن ورۇن باسار باش دىرىكتورۇ، باش اگىرونوم دوڭ شئنپىڭ مىنداي دەدى: « كەسىپ ۅنۉگۉۉسۉنۉن سىزىل ىلگەرلۅۅسۉنۅن ۇلام بئز جاڭى سورتتوردۇ كىرگىزىپ، تۉشۉمگۅ قاتااڭ چەك قويۇپ، ساپاتىن ۅستۉردۉك، دىيقاندار جاڭى تەحنىكانى قولدونعوندۇقتان جاڭى سورتتۇ ىشتەتۉۉ، دىيقانداردىن قىلداشتىرىپ باشقارۇۇ، ۅكۉمۅتتۉن قولدوپ- قۇباتتووسۇن قوشقوندو كۅپ جاقتاردان جەتمەكچى بولعون ماقساتىبىزعا جەتتىك».

كىيىنكى ارىمدا ماناس وودانى جاڭى تۉشۉنۉك، جاڭى تەحنىكا ارقىلۇۇ دىيقانداردى ساپاتتۇۇ اراق اچىتقىداي جۉزۉم ۅستۉرۉۉگۅ جەتەكتەپ، بۉت شئنجاڭدا اراق اچىتۇۇ جۉزۉم ۅندۉرۉش باقچاسىن قۇرۇپ، ساپاتتۇۇ جۉزۉم اراعى كەسبى ارقىلۇۇ دىيقانداردىن سىزىل كىرەشەسىن اشىرۇۇسۇنا جاردام بەرمەكچى. ماناس ووداندىق پارتكومدۇن شۇجئسى سۇ جيانگو مىنداي دەدى: « ەكولوگىيالىق ماركابىزدى توقتووسۇز ىسلاات قىلۇۇ ارقىلۇۇ انى دۉينۅگۅ كىرگىزىپ، دۉينۅدۅكۉ ەڭ جوعورۇ داراجالۇۇ جۉزۉم اراعىن ۅنۉكتۉرۉ كەسبىنە جالعاشتىرىپ، دىيقاندارعا داعى دا كۅپ نارىپ الىپ كەلىپ، بۇل كەسىپتى توقتوسۇز سوو جوعورۇ داراجادا ۅنۉكتۉرۅبۉز».
بىيىل اپتونوم رايونۇبۇزدۇن مۅمۅچۉلۉك تۉشۉم ۅلچۅمۉ 7 مئللىيون 600 مئڭ توننا جەتىپ، 54 مئللىيارت يۇاندىق نارق جاراتىپ، مۅمۅچۉلۉك نەگىزگى ۅندۉرۉش رايونۇنداعى دىيقانداردىن كىشى باشىندىق مۅمۅچۉلۉك كىرەشەسىنىن ٪35دان كۅپ تۉزۅرۉ بوجومولدوندۇ.

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.