باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
ارزۇۇسۇن قانات قاقتىرۇۇ
   2018-10-08 22:58:33     xjbs   

      قومۇل شاارى جاڭى دىيقاندار ايىل-چاربا ئلىم- تەحنىكا چەكتۉۉ شەرىكتىگىنىن جووپتۇۇسۇ دۇ ۋئيدۇڭ ۅسۉمدۉك اسىروودو ادامسىز ۇچاق ىشتەتۉۉنۉ ىشتىكتۉۉ جايىلدىرىپ، قالىڭ دىيقانداردى جوعورۇ ۅنۉمدۉۉ، ىڭعايلۇۇ ئلىم- تەحنىكا تەيلۅۅسۉ مەنەن قامدادى. جاپاالۇۇ چاربا جاراتۇۇ جولۇندا، ادامسىز ۇچاق دۇ ۋئيدۇڭدۇن ارزۇۇسۇن قانات قاقتىرىپ، اعا «مەن كۉرۅشۅمۉن، مەن باقتىلۇۇمۇن» دەگەندىن تەرەڭ ماانئسىن تۇيۇندۇردۇ.  قومۇل رادىيو ىستانسىياسىنىن قابارچىسى دىڭ لئڭلئڭدىن قابارى.

     ناق مايدان ۉنۉ: بۇل ۋۇ شىحان جانا جىڭشىڭ 1-نومۇرلۇۇ،  10 كىلوگىرام  جۉك كۅتۅرۅ الات. انىن ازىرقى ماشقۇلات ۅنۉمۉ جۅرۅلگۅلۉۉ تىراكتۇرعا وشوندوي ەلە مىنداي كىشىلەر اسىنىپ جۉرچۉ بۉركۉگۉچتۉن ۅنۉمۉنۅ سالىشتىرعاندا قىيلا جوعورۇ. ازىر پاقتاعا جالبىراق تۉشۉرۉۉ دارىسىن چاچاتۇرعان كەز. دۇ ۋئيدۇڭ شەرىكتىگىنىن ەڭ جاڭى ۅسۉمدۉك قورعووچۇ ادامسىز ۇچاعىن الىپ كەلىپ، دىيقانداردىن 60 مو جەرىنە جالبىراق تۉشۉرۉۉ دارىسىن چاچىپ بەردى.
 
     28 جاشتاعى دۇ ۋئيدۇڭ قۇمۇل شاارى بۇلۇڭتوعراق ايىلىنان، 2015- جىلى، ال لىياۋنىڭ ايىل-چاربا كەسپى تەحنىكا شۅيۇانىنىن ۅسۉمدۉك جەتىشتىرۉۉ جانا ساتۇۇ كەسپىن بۉتۉرگۅندۅن كىيىن، تىيەنجىن، حىنان سىياقتۇۇ جەرلەردە ايىل-چاربا زاتتىق ماتەرىيالدارىن ساتۇۇ سىياقتۇۇ قىزماتتار مەنەن الپۇرۇشقان. 2016- جىلى، قۇمۇل شاارىنا قايتىپ كەلىپ، بۇل شەرىكتىكتى اچقان. تاجئرىيپاسى كەمچىل بولعوندۇقتان، چاربا جاراتقان بئرىنچى جىلى ال سالعان 300 مئڭ يۇان قارجىسىنىن باارى شامالعا ساپىرىلعان. دۇ ۋئيدۇڭ مىنداي دەدى:- دىيقانچىلىق دارىلارىن ىشتەتۉۉ سىياقتۇۇ ار قايسى جاقتارداعى مايدا القالاردى داعى تۉشۉنبۅي تۇرۇپ، سوقۇرلارچا ۉمۉتتۅنۉپ جۉرۉپتۉرمۉن.

       ەكىنچى جىلى، دۇ ۋئيدۇڭ تئجارات قىلۇۇ، ساتۇۇ ىڭعايىن تەسكەپ، العاچىنداعى بۉت داڭىقتۇۇ ماركەلۉۉ دىيقانچىلىق زاتتىق بۇيۇمدارى ماركەسىن ىرەتتەپ، ساتۇۇ چەنەمى جوعورۇ، ىشەنىم داراجاسى جاقشى بولعونۇن تانداپ، تەيلۅۅ جۉرگۉزۉۉگۅ ىڭعايلۇۇ بولعون داڭىقتۇۇ ماركە ارقىلۇۇ تئجارات قىلدى. ال مىنداي دەدى:- ال كەزدەكى ابالىم مەنەن باشقالاردى جالداپ دا ىشتەتە البووچۇمۇن. وشونۇ مەنەن ۅزۉم دىيقانچىلىق دارىلارىن الىپ، جىل سوڭۇنا چەيىن ماشئنا مەنەن نەچە 10 مئڭ كىلومەتىر جول جۉرسۅم داعى دىيقانچىلىق دارىلارى ساتىلىپ بۉتبۅدۉ.

     ۇشۇنتۇپ جۉرۉپ، دۇ ۋئيدۇڭدۇن قارجىسى داعىدا تارتىش بولۇپ، ال دوستورۇنان 50 مئڭ يۇان، ىستودەنىتتەر چاربا جاراتۇۇ كەپىلدىك قارىز اقچاسىنان 150 مئڭ يۇان قارىز اقچا الىپ، جاڭى ووزۇ تۉيۉنۉن ىزدەدى.
 
     شئنجاڭدىن دىيقانچىلىق اتىزىنىن كۅلۅمۉ كەڭىرى، جۅرۅلگۅلۉۉ ۅسۉمدۉك اسىروو ارعاسىندا ئرى تىپتەكى تىراكتۇر ىشتەتىلەت. ابىروق، تىراكتۇر دىيقانچىلىق اتىزدارىندا ماشقۇلات قىلعاندا، دايىما مايسالاردى تەپسەپ قىيراتات. ۅسۉمدۉك اسىروو ادامسىز ۇچاعىندا ماشقۇلات قىلعاندا مىندان ابالدان ساقتانۇۇعا بولوت. 2017- جىلى 3- ايدا، دۇ ۋئيدۇڭ ادامسىز ۇچاق ارقىلۇۇ ۅسۉمدۉك اسىرووعو كۅڭۉل بۅلۉپ، ادامسىز ۇچاق مەنەن ۅسۉمدۉك اسىروو جانا دىيقانچىلىق زاتتىق ماتەرىيالدارىن ساتۇۇ تئجاراتى جولۇنا تۉشۅت. ال مىنداي دەدى:- قارجىلاي امالئي كۉچۉم جوق، بازاردى تۉشۉنۉم دا جەتەرسىز، وشوندۇقتان، كەەبىر جاڭى، ۇقمۇشتۇۇ ىشتەردى ىشتۅۅنۉ ويلودۇم. ادامسىز ۇچاقتىن چىعۇۇسۇ بۇل بئر بەت الىش بولدۇ.

      بىيىل، دۇ ۋئيدۇڭدۇن ادامسىز ۇچاعى مۇرداعى ەكى ادامسىز ۇچاقتان ازىرقى 10 عو كۅبۅيدۉ. ال داعى 3 كەسىپتىك قىزماتچى جانا ەكى ۇچۇرعۇچ ادام سۇنۇشتادى. ۇشۇنداي بئر جاڭى تەحنىكانى كىرگىزگەندىگى ۉچۉن، انىن كەسپى كۅلۅمۉ قۇمۇلدان، تۇرپان، كورلا سىياقتۇۇ جەرلەرگە كەڭىردى. قۇمۇل شاارى گۉلباق ايىلىنىن دىيقانى چىن تۇڭچۇان مىنداي دەدى:- بئز بىلتىر سىناق كۅرگۅنبۉز، ۅنۉمۉ اياباي جاقشى بولعون، وشوندۇقتان بىيىل داعى انىن دىيقانچىلىق دارىلارىن ىشتەتتىك.
 
      ۇچۇردا، دۇ ۋئيدۇڭ ادامسىز ۇچاق مەنەن ۅسۉمدۉك اسىروو كۉندۅلۉك ورتوچو ماشقۇلات چەنەمى 200 مودون اشات. ادامسىز ۇچاق مەنەن ۅسۉمدۉك اسىروو، دىيقانچىلىق زاتتىق ماتەرىيالدارىن ساتۇۇ ىشتەرى دا بارعانسايىن چىيرالىپ، پايداسى 1 مئلىيون يۇانعا جەتتى. كىيىنكى باسقىچتا، ال تەيلۅۅ جانا تەحنىكاسىن جوعورۇ كۅتۅرۉپ، كەسىپتىك ادامسىز ۇچاق مەنەن ۅسۉمدۉك اسىروو قوشۇۇنۇن باردىققا كەلتىرۉۉنۉ ويلوپ جاتات. ال مىنداي دەدى:- ۉچ جىلدىق كەسپى ناتىيجامدان باقتىلۇۇ سەزىنەم، قىردارلارىم العاچىندا ىشەنبەگەن بولسو، ازىر ماعا سۉيۅنۅت. ۅزۉمدۅ تابىلعا سەزىمى بولدۇ. وشوندۇقتان، باقىت ۅزۉبۉزدۉن قوش قولۇبۇز مەنەن چىمىرقانۇۇبۇزدان كەلەت دەپ ايتقىم كەلەت.

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.