باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
5-كەزەكتۉۉ شئنجاڭدىن ۅزگۅچۅ مۅمۅ سوودا جارمانكەسى كۅشۅگۅسۉن اچتى
   2018-10-10 09:58:39     xjbs   

 

10-ايدىن 8-كۉنۉ تۉشتۅن مۇردا، 5-كەزەكتۉۉ شئنجاڭدىن ۅزگۅچۅ مۅمۅ سوودا جارمانكەسى اقسۇۇ ەل ارالىق كۅرگۅزمۅ بوربورۇندا اچىلدى. 

 ىستانسيابىزدىن پىراكتىكانت قابارچىسى لئيا، اقسۇۇ ىستانسىياسىنىن قابارچىلارى لىيۇ شىنجە، ياڭ جىڭيۉنۉن قابارى.

 بۇل كەزەكتۉۉ سوودا جارمانكەسىنە قاتىشقان دىيقانچىلىق تۉشۉمدۅرۉنۉن تۉرۉ مىڭدەن اشىپ، كۅرگۅزمۅگۅ قاتىشقان كەرقانا 20 عا جەتىپ، ساتىپ الۇۇچۇ سووداگەرلەر 300 دۅن اشقان. توقسۇۇ وودانىنداعى شئنجاڭ چىڭشان مۅمۅ چەكتۉۉ شەرىكتىگى ئشقاناسىنىن مۇدۇرۇ جاڭ جۉنگىنىن تانىشتىرۇۇسۇنچا، «شەرىكتىك +دىيقان تۉتۉندۅر»ىقماسىندا، ۇچۇردا الار 2 مئڭ موولۇق اسىل ساپاتتۇۇ چىلان، جاڭعاق ۅستۉرۉۉ بويۇنچا ۉلگۉ كۅرسۅتۉۉ باعىن قۇرۇپ، جىلدىق بىشىقتاپ ىشتۅۅ قۇرباتى 9 مئڭ توننادان اشقان ارى «جاڭشاڭيۉ»دەگەن جۇڭگونۇن داڭقىتۇۇ ماركەسىن قاتتوودون ۅتكۅرگۅن، ال مىنداي دەدى : « بئز بۇل جولۇ جاڭعاق، چىلان، قۇرعاتىلعان جۉزۉم، بادام سىياقتۇۇلاردى كۅرگۅزمۅگۅ الىپ كەلدىك، بۇل جولقۇ سوودا جارمانكەسى ارقىلۇۇ، بئزدىن جولۇبۇز كەڭىرىپ، تۉشۉمدۅرۉبۉزدۉ ساتىپ چىعارۇۇعا بئر جاقشى بازار تاپتىق». كۅرگۅزمۅ تەكچەسىندە، اقسۇۇ مىڭشىياڭ چئحاڭ ەكولوگىيالىق ايىل چاربا دىيقاندار قىزماتتاشتىق كوپەراتىبى جاڭىدان جەتىشتىرىپ الىپ كەلگەن المالار كىشىلەردى ۅزۉنۅ تارتقان، بۇل المالاردىن قابىعىنىن سىرتى وقشوبوعون تۉستۅ بولۇپ ەلە قالباي، داعى المانىن مۅمۅ ەتى كۉلگۉن تۉستۅ ەكەن.

قىزماتتاشتىق كوپەراتىبىنىن ئش بىلگىسى گوپىڭ تانىشتىرىپ مىنداي دەدى: « انىن چىنىعىى اتى قىزىل تۉستۉۉ مەەر-ماحاباتقا سئمول قىلىنىپ قويۇلعان. بۇل المانى اقتاپ جەگەندەن كىيىن، انىن مۅمۅ ەتى ازىرااق كۉلگۉن تۉستۅ بولوت، داعى 20 كۉندۅن كىيىن تولۇق بىشات، وشول كەزدە انىن تۉسۉ نۇقۇرا كۉلگۉن تۉسكۅ كىرەت. بۇل جولقۇ كۅرگۅزمۅلۅپ ساتۇۇ ۅرۉشۉ ارقىلۇۇ، كەلىشىمگە قول قويۇشۇپ، شئنجاڭدىن ۅزگۅچۅ دىيقانچىلىق تۉشۉمدۅرۉن انسايىن الىستارعا ساتۇۇنۇ ۉمۉت قىلام».

اسىل ساپاتتۇۇ ۅزگۅچۅ دىيقانچىلىق تۉشۉمۉ زور تۉركۉمدۅگۉ شئنجاڭ ئچى جانا سىرتىنان كەلگەن سووداگەرلەردى ەلىكتىرگەن. جەجاڭ فۇتەيلۇڭ جەلەلەش اشاان بازارى چەكتۉۉ شەرىكتىگىنىن ورۇنباسار دىرەكتورۇ جۇگى جاۋحۇا قابارچىعا مىنداي دەگەن: « شئنجاڭدىن ۇشۇنداي جاقشى ۅزگۅچۅ دىيقانچىلىق تۉشۉمدۅرۉن بئزدىن جەجاڭعا الىپ بارىپ، ال جەردەگى قاراپايىم ەلگە شئنجاڭدىن دىيقانچىلىق تۉشۉمدۅرۉنۉن تاامىنىن تاتىتابىز».

ازىر دىيقانچىلىق-مالچىلىق كەسىبىنىن ماشئنالاشۇۇ داراجاسى بارعانسايىن جوعورۇلاپ، كۅپتۅگۅن دىيقانچىلىق ماشئنالارى زاۋۇتتارىنىن سووداگەرلەرى دا ۅزدۅرۉنۉن جاڭى تۉشۉمدۅرۉن كۅرگۅزمۅگۅ قاتشتىرعان. ماناس وودانى شىياڭحى دىيقانچىلىق ماشئنالارى چەكتۉۉ جووپتۇلۇق شەرىكتىگىنىن ۅندۉرۉش باشقى باشقارۇۇچۇسۇ شى پىڭفىي : « بۇل جولۇ نەگىزىنەن ەكى فورماتتاعى جاڭعاق قابىعىن اقتوو ماشئناسى مەنەن چىلان تەرۉۉ ماشئناسىن الىپ كەلدىك. داعى بۇل جولۇ جارمانكەدى كەەبئر دىيقانداردىن بالۇۇ سۇنۇش-پكىرلەرىن تىڭشادىق، بۇلار بئزدىن ماشئنالاشقان ۅندۉرۉشۉبۉزدۉ جاقشىلووعو زور پايداسى بار».

بۇل جولقۇ كۅرگۅزمۅ ۉچ كۉن ۅتۅت ەكەن.

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.