باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
 13- كەزەكتۉۉ بەيجىن ەل ارالىق مادانئياتتا جاڭىلىق جاراتۇۇ چاربا جاراتۇۇ كۅرگۅزمۅسۉنۉن كۅشۅگۅسۉ اچىلدى
   2018-10-31 21:13:05     xjbs   

 13- كەزەكتۉۉ بەيجىن ەل ارالىق مادانئياتتا جاڭىلىق جاراتۇۇ چاربا جاراتۇۇ كۅرگۅزمۅسۉنۉن كۅشۅگۅسۉ اچىلىپ،شئنجاڭ كۅرگۅزمۅ توبۇ تۇنعۇچ كۉنۉندۅ 247 مئللىيون يۇاندىق توقتومدوشتۇ.

     
     10- اديىن 25- كۉنۉ تۉشتۅن مۇردا، 13- كەزەكتۉۉ جۇڭگو بەيجىن ەل ارالىق مادانئياتتا جاڭىلىق جاراتۇۇ چاربا جاراتۇۇ كەسپى كۅرگۅزمۅسۉ، بەيجىن جۇڭگو ەل ارالىق كۅرگۅزمۅ بوربورۇندا كۅشۅگۅسۉن اچىپ، شئنجاڭ كۅرگۅزمۅ توبۇ تۇنعۇچ كۉنۉندۅ ەلە 247 مئللىيون يۇاندىق توقتومدوشتۇ.  ىستانسىيابىز قابارچىسى ايبىندىن قابارى: 

   
    بەيجىن جۇڭگو ەل ارالىق كۅرگۅزمۅ بوربورۇندا، زامانباپ سونور فورمادا اتقارىلعان «12 مۇقام تااسئرى»نىن قوشتووسۇندا شئنجاڭ سارايىنىن اچىلۇۇ ازەمىنىن كۅشۅگۅسۉن اچىپ، كۅپتۅگۅن ماملەكەت ئچى-سىرتىنداعى كۅرۅرمۅندۅردۉ ۅزۉنۅ تارتتى. بىيىل شئنجاڭ سارايى شئنجاڭ مادانئيات ناتىيجالارى جەتىشكەندىكتەر كۅرگۅزمۅ رايونۇ، وزوت جۅرۅلگۅلۉۉ مادانئياتتا جاڭىلىق جاراتۇۇ كۅرگۅزمۅ رايونۇ، مادانئياتتا جاڭىلىق جاراتۇۇ دولبوورلو تۇرمۇش كۅرگۅزمۅ رايونۇ، مادانئيات جانا ساياقاتچىلىقتى جۇۇرۇلۇشتۇرۇپ ۅنۉكتۉرۉۉ كۅرگۅزمۅ رايونۇن قۇرعان بولۇپ، شئنجاڭ جىتىنا تولعون مادانئياتتا جاڭىلىق جاراتۇۇ تۉشۉمدۅرۉن ايگەنەلەدى. بەيجىن شاارىنىن تۇرعۇنۇ لئيۇ چۇانفىڭ مىنداي دەدى: «شئنجاڭدىن تارتىمدۇۇلۇعۇ، ادامدى اياباي دۉۉلۉكتۉرۅت، ماعا وقشوعون فوتوگىراف ۉچۉن ايتقاندا ۅزگۅچۅ قووزدۇقتۇ سەزىنۉۉ ەسەپتەلەت، شئنجاڭدىن تەرى ماتەرىيالدارىن، تەرى سومكەلەرىن اياباي جاقتىرام، اياباي قووز.»

    وشول كۉنۉ داعى «مادانئياتتا جاڭىلىق جاراتۇۇ چاربا جاراتۇۇ كەسپى بويۇنچا تۉيۉندۉۉ تۉرلۅرگۅ قول قويۇۇ ازەمى» ۅتكۅرۉلۉپ، چوردوندۇۇ قول قويۇلعان مادانئياتتا چاربا جاراتۇۇ كەسپى تۉرلۅرۉ ماملەكەت ئچى-سىرتىنداعى كۅپتۅگۅن كەرقانا، اپاراتتارعا چاتىشتۇۇ بولۇپ، «مادانئيات كەسپىنىن جوعورۇ ساپاتتا ۅنۉگۉۉسۉن جەتەكتەپ، بۉت ماملەكەتتە مادانئيات بوربورۇن قۇرۇۇ» باش تەماسىن چاعىلدىردى. توقتومدوشقون ورۇندار بەيجىن، چوڭچئڭ، شئنجاڭ، شاندوڭ، حىنان، سىچۇان، گۇيجوۋ قاتارلۇۇ ۅلكۅ، شاار، اپتونوم رايوندوردون كەلگەن، جالپى 39 تۉر، 78 ورۇن، توقتومدوشۇۇ سۇمماسى 6 مئلليارت 813 مئللىيون 500 مئڭ يۇان بولعون، مۇنۇن ىچىندە، شئنجاڭ كۅرگۅزمۅ توبۇ قول قويۇشقان 4 تۉر بويۇنچا، توقتومدوشقون سۇمما جالپى 247 مئللىيون يۇانعا جەتكەن. جۇڭحوڭ گوشىن كاپىتال جارناق تىزگىندۅۅ چەكتۉۉ شەرىكتىگى مەنەن قاراماي شاارى 50 بۅلۉكتۉۉ كۅرۉنۉش تەياتىرى «شاتتىققا بۅلۅنگۅن تۇۇعانچىلىق» تۉرۉنۅ قول قويۇشۇپ، «ەل ابالىن بىلۉۉ، ەلگە نارپ جەتكىرۉۉ، ەل كۅڭۉلۉن الۇۇ» قىزماتىنداعى كۅۅن جىلىتقان وقۇيالىقتاردى بايانداعان. تۉرگۅ قارجى سالۇۇچۇ جاق، جۇڭحوڭ گوشىن كاپىتال جارناق تىزگىندۅۅ چەكتۉۉ شەرىكتىگىنىن لئدىرى يۉجە مىنداي دەدى: «بئز 62 مئللىيون يۇان قارجى سالدىق، ال الىپ كەلە تۇرعان ەكونومىكالىق بەرەكەت 100 مئللىيون يۇاندان اشات دەپ بوجومولدودۇق، اياباي جاقشى تۉر، ارى قارجى سالۇۇ مەزگىلى داعى ۇزۇن بولبويت، بئر جىل ىچىندە بۉتۉرۉپ تۉرگۅ قارجى سالعان اقچابىز قايتىپ كەلەت دەپ جورومولدوپ تۇرابىز.»

    ەەلۅگۅ قاراعاندا، بۇل جولقۇ بەيجىن ەل ارالىق كۅرگۅزمۅسۉ ۇشۇل ايدىن 28- كۉنۉنۅ چەيىن ۇلانىپ، شئنجاڭ كۅرگۅزمۅ توبۇ ىسلاات اچىپ جىبەرۉۉدۅن بەركى شئنجاڭدىن مادانئيات ىشتەرى، مادانئيات جانا ساياقاچىلىقتى ۅنۉكتۉرۉۉنن جاڭى تۇرپاتىن، جاڭى جارىق تۉيۉنۉن، جاڭى تەحنىكا، جاڭى جەتىشكەندىكتەرىن تۉيۉندۉۉ كۅرگۅزمۅلۅيت ەكەن.  اپتونوم رايوندۇق مادانئيات نازاراتى مادانئيات كەسپى باشقارمالىعىنىن ورۇن باسار باشچىسى جاڭ رۇيحۇا مىنداي دەدى: «بۇل جولۇ جاڭى  جىرۅۅ بولدۇ، سالاا اتتادىق، مئسالى مادانئيات ساياقاتچىلىقتى جۇۇرۇلۇشتۇرۇۇ، داعى جۅرۅلگۅلۉۉ كەسىپ مەنەن زامانباپ ئلىم-تەحنىكانى، ىنتەرنەتتى، ئرى ساندۇۇ ماالىماتتى جۇۇرۇلۇشتۇرۇپ، شئنجاڭدىن مادانئياتتا جاڭىلىق جاراتۇۇ، چاربا جاراتۇۇ كەسىپتەرىنە، ۅزگۅچۅ كەسىپتەرىنە قاراتا بئر الماشتىرۇۇ الىپ بارىپ، زاتتىق ەمەس مادانئيات مۇراستى سونورعو ايلاندىردىق. بئز شئنجاڭدىن ۅزگۅچۅ مادانئيات كەسىپتەرىن ۇشۇنداي ۅرۉشتۅر ارقىلۇۇ داعىدا كۅپتۅپ چىعارىپ، تاانىشتىرىپ، شئنجاڭدىن مادانئيات ماركەسىن جاراتىپ، دۉينۅگۅ شئنجاڭدى تۉشۉندۉرۉپ، شئنجاڭدى دۉينۅگۅ بەت الدىرابىز.»

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.