باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
ساياپىل كۅلۉن جاقشى قورعووعو چىمىرقاندى
   2018-10-31 22:44:25     xjbs   

     ۉرۉمچۉ ساياپىل كۅلۉ ماملەكەتتىك شالبا باقچاسىن باشقارۇۇ وردۇنۇن قىزماتكەرى شئيا لئنلئن  ىشتەگەن بەش جىلدان بەرى، شالبا باقچاسىنىن اربئر بۇرچۇن بىردەن قىدىرىپ، قان-تەرى مەنەن ساياپىل كۅلۉنۉن ەكولوگىيالىق چۅيرۅسۉن قورعووعو كۉچ چىعارىپ كەلدى. ىستانسىيابىز قابارچىسى چايلئندىن قابارى:

     كۉزدۅكۉ ساياپىل كۅلۉنۅ قۇشتار كۅپتۅپ كەلدى. شالبا باقچاسىن باشقارۇۇ وردۇنۇن قىزماتكەرى، شئيا لئنلىن ۇباقتى بولسو ەلە دۉربۉسۉن قولۇنا الىپ، قۇش كۉزۅتۉۉ سەكىسىندە قۇشتاردى كۉزۅتۉپ، كۅل رايونۇنۇن ايانتىن ەستەلىككە الات. ال مىنداي دەيت:- 30،40داي اق قارقىرانى كۅردۉم، قۇشتار ۇلاندۇۇ كۅبۅيۉۉدۅ، مۇنۇ كۅرۉپ قۇبانىپ قالدىم.

    2014-جىلى، ساياپىل كۅلۉنۉن سۇۇ ايانتى ايانتى كىچىرىپ 0.29 چارچى كىلومەتىرگە تۉشۉپ قالعان. ايلاناداقى جايىت، شالبالار سۇۇ تارتىش بولعوندۇقتان قۇمداشۇۇ، شورلوشۇۇعا بەت العان. وشول جىلى شئيا لئنلىن ۉرۉمچۉ شااردىق ساياپىل باشقارۇۇ كومىتەتىنىن ۅندۉرۉش بۅلۉمۉنۅ كەلىپ قىزماتتانعان. قىزمات بارىشىندا، شئيا لئنلىن اقىرىن-اقىرىن مۇرداقى اتا-بابالاردىن ساياپىل كۅلۉن باشقارۇۇ اڭگەمەلەرىن ۇعۇپ،تۉشۉنۉپ، سۇۇ، چۅبۉ مول ساياپىل كۅلۉن قالبىنا كەلتىرۉۉگۅ بەل بايلادى.

    2014- جىلى، ساياپىل كۅلۉنۉن ايلاناسىنا جەر ايدابوو، مال باقبوو ساياساتىن جولعو قويوت، شئيا لئنلئن اركۉنۉ مالچىلاردىن ۉيۉنۅ بارىپ، جەڭىلدىك بەرۉۉ ساياساتتارىن قاراتمالۇۇ تۉردۅ ۉگۉتتۅدۉ. ال مىنداي دەدى:-ايدوودون چەگىندىرىپ، مال باقتىرباستىق مالچىلاردىم قامىن ويلوعوندۇق، جاشانىپ قالعاندار جەر ايداي البايت، بئر مو جەردى ايدوودون چەگىندىرسە 480 يۇان تولۇقتاما بەرۉۉ ساياساتىن اچىق تۉشۉندۉردۉك، جاشتار بولسو الارعا ساياپىل كۅلۉ چۅيرۅسۉنۉن زارىلدىعىن، جەر ايداباي، مال باقباي قالعاندان كىيىن الاردىن قىزمات تابۇۇسۇنا جاردامداشتۇرعاندىعىن انالىزدەپ بەردى.

    بەكەم تۇرۇۇ جانا تىرىشچاندىق كۅرسۅتۉۉنۉن ناتىيجاسى چىقتى، 30دان اشۇۇن مالچى الدى-ارتى بولۇپ، ۇي،قويۇن ساتىپ جەر ايداباي باشقا كەسىپتەردى ۅنۉكتۉردۉ. باشتابىندا تالاپقا شايكەشبەگەن چاييۇان قىشتاعىنىن تۇرعۇنۇ ما دىشوۋ شئيا لئنلىندىن سابىردۇۇ تۉشۉندۉرۉۉسۉن ۇققاندان كىيىن ئدىياسىندا بۇرۇلۇش جاساپ، ۇي، قويلورۇن ساتىپ، دىيقاندار شاتتىعىن اچتى. ما دىشوۋ مىنداي دەيت:-چۅيرۅنۉ جاقشى قورعوعوندون كىيىن كەلەتۇرعان كىشىلەر كۅبۅيدۉ، دىيقاندار شاتتىعىن اچىپ، باق-داراق تىگىپ، كەسىپ تەسكەپ، كىرەشەبىزدى ارتتىرا باشتادىق. 

     جەر ايداباسا تولۇقتاما بەرۉۉ، جەر ايدابوو، مال باقبوو، ايىل-چاربادا ىشتەتىلەتۇرعان ماشىنالاشقان قۇدۇقتاردى توقتوتۇۇ قاتارلۇۇ ۇنىۋىرسال چاارلاردىن سىزىل جىلىشتووسۇنان ۇلام، ساياپىل كۅلۉنۉن ەكولوگىيالىق چۅيرۅسۉ كۅرنۉكتۉۉ جاقشىرعان. 2017-جىلى، ۉرۉمچۉ ساياپىل كۅلۉ ماملەكەتتىك شالبا باقچاسىنا كۅرنۅك ىلىنگەندەن كىيىن شئيا لئنلئن شالبا باقچاسىن باشقارۇۇ وردۇنا بارىپ قىزماتتانات. بۉگۉنكۉ كۉندۅ، ساياپىل كۅلۉنۉن ايانتى ەڭ چوڭ بولعوندو 17.54 چارچى كىلومەتىرگە جەتىپ، قىزىل تۇمشۇق چارداق، اق قارقىرا، جاشىل باش ۅردۅك قاتارلۇۇ  سەيرەك ۇچۇرايتۇرعان  اربىن قۇش تۉرلۅرۉ پايدا بولو باشتاعان.

    ساياپىل كۅل ايانتىنىن كەڭىرۉۉسۉنۅن ۇلام، چۅپتۅر بارعانسايىن قويۇۇ ۅسكۅن. شئيا لئنلئن مىنداي دەيت:-مەن بۇل جەردى سىزىل جاقشى قاراپ، ساياپىل كۅلۉن بارعانسايىن قووز قىلام. اسمان كۅگۅرۉپ، سۇۇلار تۇنۇقتاشتى، قۇش تۉرلۅرۉ داعى بارعانسايىن كۅبۅيدۉ، باقتىلۇۇ سەزىنىپ تۇرام، بەكەم تۇرعانىم جاقشى بولۇپتۇر، داعىدا كۅپ ىقتىيارچىلاردىن بۇل شالبانى قورعووعو قاتىشىپ، ۉرۉمچۉنۉن«ارتقى گۉل باقچاسىن»انسايىن قووز قىلۇۇسۇن ۉمۉت قىلام.

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.