باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
اپتونوم رايونۇبۇز كۅپ تۉردۉۉ ارعانى قولدونۇپ، قارتايعاندا كۉتۉنۉۉ ىشتەرىن ۅنۉكتۉردۉ
   2018-11-05 15:58:04     xjbs   

   اپتونوم رايونۇبۇز قارتايعاندا كۉتۉنۉۉ ىشتەرىن زور كۉچ مەنەن ۅنۉكتۉرۉپ، كۅپ جاقتىلۇۇ قارتايعاندا كۉتۉنۉۉ سىستەما قۇرۇلۇشۇ ارىمىن باچىمداتىپ، قارتاڭدارعا جاقشى مامىلەدە بولۇۇ بەلگىلەمەسىن كەمەلدەندىرىپ، قارتاڭدار اعارتۇۇ ىشتەرىنىن ۇزۇن مۅنۅتتۉۉ ۅنۉگۉۉسۉن جىلىشتاتىپ، ارقايسى تۉردۅگۉ قارتاڭدار قىزماتىندا جەڭىشكە قول جەتكىردى.ىستانسىيابىزدىن قابارچىسى لەي نئياۋ، شۉ ۋانلىنىن ماالىماتى.

     اۋات وودانى عورۇچۅل شاارچاسى شىكەركۅل قوومدۇق قونۇشۇنۇن تۇرعۇنۇ حانزاداحان ۉسۅن كىچىنە تەمىر قۇتۇسۇنا ۅزۉ جۅنۉنۅن العاندا ەڭ قىمبات بالۇۇ بانكەگە اقچا قويۇۇ دەپتەرىن بەكەم سالىپ قويدۇ، 70 جاشتىق كەمپىر ار جولقۇ ەسەپكە كىرگەن قارتايعاندا كۉتۉۉنۉۉ اقچاسىن ەسەپتەپ باسقان ەلە. حانزاداحان مىنداي دەدى: «قارتايعاندا كۉتۉنۉۉ قامسىزداندىرۇۇ ساياساتى ەمى اتقارىلعاندا ايىنا 70 يۇان قۇيۇپ بەرەت ەلە. 2015- جىلى 1- ايدان باشتاپ ايىنا 115 يۇاندان قۇيۇپ بەردى، ال ەمى بىيىل 1- ايدان باشتاپ داعى جوعورۇلاپ، ازىر ايىنا 140 يۇان اقچا الام».

     2011- جىلى 7- ايدا،  ايىل- قىشتاقتاردىن جاڭىچا قوومدۇق قارتايعاندا كۉتۉنۉۉ قامسىزداندىرۇۇ تۉزۉمۉ جولعو قويۇلۇپ، حانزاداحان ۉسۅنگۅ وقشوش 60 جاشقا تولعون شاار، شاارچاداعى جۇمۇشچۇۇلاردان نەگىزكى قارتايعاندا كۉتۉنۉۉ قامسىزداندىرۇۇ مامىلەسىنەن باارلانا الباعان ايىل- قىشتاق نوپۇسۇنداعى قارتاڭدار ەچ قانداي اقى تاپشىرباي ەلە ايىنا نەگىزكى قارتايعاندا كۉتۉنۉۉ قامسىزداندىرۇۇ اقچاسىنان باارلانا الاتۇرعان بولدۇ.

    نەگىزكى قارتايعاندا كۉتۉنۉۉ اقچاسى قارتاڭداردىن چۅنتۅگۉن كەپەلەتكە ەە قىلدى، داعى سوو، قاتىرجام تۇرمۇش ۅتكۅرۉۉسۉنۅ مىقتى پايدۇبال تۉپتۅدۉ. بىلتىردان باشتاپ، ماناس وودانى «ىنتەرنەت+» اقىل- ىدىرەكتۉۉ سوو قارتايعاندا كۉتۉنۉۉ تەيلۅۅ ۇنۋەرىسال ۅرۉشۉن قۇرۇپ، قارتاڭداردىن ۉيۉندۅ تۇرۇپ ەلە چۇقۇل قۇتقارۇۇ جاردامىنان، كۉندۅلۉك قابار الۇۇ، ۉي- بۉلۅ تەيلۅۅسۉ سىياقتۇۇ قارتاڭدار تەيلۅۅ تۉرۉنۅن باارلاندىردى. ماناس وودانى كاڭنئڭ قوومدۇق قونۇشۇنۇن تۇرعۇنۇ گان شۅفىڭدىن قىزى سىرتتا جۉرۉپ اتا- ەنەسىنىن جانىندا تۇرا البايت. كەمپىرى  جالعىز ۅزۉ شال بولۇپ قالعان ابىشقاسىن قارايت. ماناس وودانى جالپى بەتكەي اقىل- ىدىرەكتۉۉ قارتاڭداردى كۉتۉۉ تەيلۅۅ تۉرۉن جولعو قويعوندون كىيىن، ال ار كۉنۉ ابىشقاسىن كۉنكۅ الىپ چىعۇۇدان قاباتىرلانباس بولدۇ. گان شۅفىڭ مىنداي دەدى: «مۇردا كۉندۉزۉ ابىشقامدى سىرتقا الىپ چىعا الات ەلەم، ازىر مەنىن جاشىم داعى ۇلعايىپ قالعاندىقتان كۉچۉم جەتبەس بولۇپ قالدى، ار كۉنۉ بئر ەلە تەلەفون چالسام قارىيالارعا جاردام بەرچۉلۅر دارۇۇ جەتىپ كەلىپ جاردام بەرىشەت، اقىل- ىدىرەكتۉۉ قارتاڭداردى كۉتۉۉ تەيلۅۅسۉ چىنىندا جاقشى ەكەن».

     قارتايعاندا كۉتۉنۅتۇرعان جەر، وورۇسا كۅرۉنۅتۇرعان دوقتۇرقانا بار بولدۇ، داعى قارتاڭدار مەكتەبى، كۅڭۉل اچۇۇ وردۇ داعى بار. قابارچى شئنجاڭ قارتاڭدار داشۅسۉنۅ كەلگەندە، وقۇتۇۇ ئماراتىنىن ىچىندە جاڭىرعان قوشتۇق ىرى مەنەن قۇبانىچتۇۇ مۇزىكا ۉنۉن ۇقتۇ. مىندان مۇردا شئنجاڭ قارتاڭدار داشۅسۉ مايدان ئجاراعا الىپ ۉيرۅنۉۉ الىپ بارات ەلە. 2015- جىلى شئنجاڭ قارتاڭدار داشۅسۉ وقۇتۇۇ ئمارات قۇرۇلۇشۇ تۉرۉن ىراسئمىي تۇرعۇزۇپ، 2016- جىلى 5- ايدا جۇمۇش باشتاپ 2018- جىلى 1- ايدا ىراسمئي بۉتتۉ، بئي، مۇزىكا- ىر ماشىعى، قووز قات، سۉرۅت، مۇزىكا اسپابى سىياقتۇۇ كەسىپتىك ئشقانادان 40  دى قۇردۇ. شئنجاڭ قارتاڭدار داشۅسۉنۉن دايىمدۇۇ ىشتەر بويۇنچا ورۇنباسار مەكتەپ باشچىسى سوڭ دىچۇان تاانىشتىرىپ مىنداي دەدى: «مەكتەپتە 104 كىلاس بار، 6000 دەن اشۇۇن ادامدى سىيدىرا الات. قارتاڭداردىن ۉيرۅنۉۉ چۅيرۅسۉ اياباي جاقشى، الاردىن تۇرمۇش ساپاتىن جوعورۇلاتتىق، داعى قارتاڭداردىن قوومعو شايكەشۉۉسۉن جىلىشتاتىپ، قوومدوقۇ رولۇن ۅرچۉتۉۉسۉنۅ جاردام بەرۉۉ مەنەن قاتار، قارتاڭداردىن كىيىنكى ۅمۉرۉندۅگۉ رۇحانىي تۇرمۇشۇن بايىتىپ، الاردىن ۉي- بۉلۅسۉنۉن باقتىلۇۇ، تۇرمۇشۇنۇن قووز، دەنىنىن سوو بولۇۇسۇنا جاردام بەردىك».

     ۇچۇردا بۉتكۉل شئنجاڭدىن ار قايسى وودان، شاارىندا قارتاڭدار داشۅسۉنۅن 65ى، ايىل- شاارچا (كۅچۅ باشقارما) قارتاڭدار داشۅسۉنۅن 165، قىشتاق (قوومدۇق قونۇش) كومىتەتتەگى قارتاڭدار داشۅسۉنۅن 802 قۇرۇلعان.

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.