باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
جۇرتچۇلۇقتۇن جاقىنى بولدۇ
   2018-11-05 16:01:29     xjbs   

     بۅرتالا موڭعۇل اپتونوم وبلاستىق تارتئپ تەكشەرۉۉ كومىتەتىنىن بورتالا شاارى وتبۇلاق شاارچاسى جىيدەبۇلاق قىشتاعىندا تۇرۇشتۇۇ «ەل ابالىن بىلۉۉ، ەلگە نارپ جەتكىرۉۉ، ەل كۅڭۉلۉن الۇۇ» قىزمات اتىرەتى قىشتاق تۇرعۇندارىنىن تالابىن، ۉمۉتۉن چىعىش قىلىپ، ئش جۉزۉندۉك اراكەتى ارقىلۇۇ كۅپچۉلۉككە ناقتىلۇۇ، جاقشى جۇمۇش ىشتەپ بەردى. بۅرتالا شااردىق رادىيو- تەلە ىستانسىياسىنىن قابارچىسى ۋاڭ جئڭتاۋ، حۇاڭ گىنشىنىن ماالىماتى.

    كۅز الدىبىزداعى ۇچۇر دىيقانچىلىقتىن ارا- چولو مەزگىلى بولۇپ جىيدەبۇلاق قىشتاعىنداعى قول ۅنۅر بۇيۇمدارى كۅمۅكتۅشتۉك كوپىراتىبى باشقاچا قىزىپ كەتتى، قىشتاقتاعى قىز- كەلىندەر كەشتەلەپ بولعون سايمالارىن كۅمۅكتۅشتۉك كوپىراتىبىنە الىپ كەلىپ ساتىپ اقچاعا جاراتىپ ەلە قالباي داعى 20 يۇاندان تولۇقتاماعا ەە بولۇشتۇ. قىشتاق تۇرعۇنۇ ۋاڭ شىيۇلان مىنداي دەدى: «ازىر قىشتاقتاعى قىز- كەلىندەردىن قىزۇۇلۇعۇ جوعورۇ. العاچ باشتاعان كەزدە ەكى كۉندۅ اراڭ دەگەندە ەكىدەن ۉچ سايمانى بۉتۉرۅت ەلەم. ازىر بەش- التىنى بۉتۉرۅ الام، مىندان كىيىن چىمىرقانىپ باشقالاردان كۅپ كۉچۅپ 100 يۇان، 200 يۇاندان كۅپ اقچا تابام». 
   
    جىيدەبۇلاق قىشتاعىنداعى قول ۅنۅر كۅمۅكتۅشتۉك كوپىراتىبىنىن جووپتۇسۇ تۇرسۇنجان الابەرگەن مىنداي دەدى: «كۅمۅكتۅشتۉك كوپىراتىبىنىن ۇشۇنداي داڭقى چىعۇۇسۇنۇن سەبەبى قىشتاقتا تۇرۇشتۇۇ قىزمات اتىرەتىنىن جاردامىنان بولعون، كۅمۅكتۅشتۉك كوپىراتىبىندەگى قىز- كەلىندەردى ۇشۇل كۅمۅكتۅشتۉك كوپىراتىبىنە كىرگىزۉۉ ۉچۉن ‹ەل ابالىن بىلۉۉ، ەلگە نارپ جەتكىرۉۉ، ەل كۅڭۉلۉن الۇۇ›قىزمات اتىرەتى ارنالۇۇ قور اجىراتىپ، تولۇقتاما بەرىپ كۅپچۉلۉكتۉ شىقتاندىردى».

    جاقىنقى كۉندۅردۅن بەرى تەمپىراتۇرانىن تۅمۅندۅۅسۉنۅن ۇلام، كۅپتۅگۅن قىشتاق تۇرعۇندارى مەش قويدۇ، قىشتاقتاعى قىيىنچىلىعى بار ۉي- بۉلۅلۅردۉن جىلۇۇلۇق ماسەلەسى قىزمات اتىرەتىنىن كۅڭۉل بۇرعان ىشىنە ايلاندى. ابال ەلۅۅ بارىشىندا قىزمات اتىرەتى 50 مئڭ يۇان اقچا چىعارىپ 152 توننا كۅمۉر ساتىپ الىپ، قىشتاقتاعى 76 كەمباعال قىيىنچىلىعى بار تۉتۉنگۅ 2 توننادان جىلۇۇلۇق جەتكىرۉۉ كۅمۉرۉن تاراتىپ بەردى. قىشتاق تۇرعۇنۇ چئى شى تااسىرلەنىپ مىنداي دەدى: «قىشتاق اتىرەتىنە تەرەڭ ىرازىچىلىق بىلدىرەم. بىلتىر بالام مەكتەپكە ۅتكۅندۅ 2000 يۇان اقچا بەرگەن، بىيىل بالام قايتىپ كەلەرىندە داعى 1000 يۇان بەردى. ازىر كۉن سۇۇعاندا كۅمۉر تاراتىپ بەردى، اياباي قۇبانىپ جاتام، الارعا چىن جۉرۅگۉمۅن ىرازىچىلىق بىلدىرەم».

     بۅرتالا موڭعۇل اپتونوم وبلاستىق تارتئپ تەكشەرۉۉ كومىتەتىنىن بورتالا شاارى وتبۇلاق شاارچاسى جىيدەبۇلاق قىشتاعىندا تۇرۇشتۇۇ «ەل ابالىن بىلۉۉ، ەلگە نارپ جەتكىرۉۉ، ەل كۅڭۉلۉن الۇۇ» قىزمات اتىرەتىنىن مۉچۅسۉل جىڭ مئڭ مىنداي دەدى: «قىزمات اتىرەتىنىن كەلۉۉسۉنۉن ماقساتى داعى ەل ۉچۉن قىزمات قىلۇۇ، ەلگە ناقتىلۇۇ جۇمۇش ىشتەپ بەرىپ، الاردىن ئش جۉزۉندۉك قىينچىلىعىن چەچىپ بەرىپ، الاردىن ئش جۉزۉندۉك تالابىنان چىعىپ، جۇرتچۇلۇققا ناقتىلۇۇ نارپ جەتكىرۉۉدۅن تۇرات».

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.