باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
جەمەنەي وودانى ساياقاتچىلىق نەگىزكى جابدۇۇلار قۇرۇلۇشۇن باچىمداتىپ، ساياقاتچىلىقتىن تەز ۅنۉگۉۉسۉن جەتەكتەدى
   2018-11-05 16:07:43     xjbs   

 
  جەمەنەي وودانى «ەكولوگىيا، ەلدىك سالت-ساناا، چەك ارا» دان تۇرعان 3 چوڭ ابزەلدۉۉ بايلىقتى چىعىش قىلىپ، ساياقاتچىلىق نەگىزكى جابدۇۇ قۇرۇلۇشۇن باچىمداتىپ، التاي ساياقاتچىلىعى باتىش ايلانما لەنىياسىنا دىلگىر جۇۇرۇلۇشتۇ.  التاي رادىيو ىستانسىياسىنىن قابارچىسى ۋاڭ جئڭرۇنۇن قابارى:

     جايلوو تاش شاارى جەمەنەي وودانىنداعى سەركە كۅرك رايونۇ قاتارى، ىلگەرى نەگىزكى جابدۇۇلارى جەتەرلۉۉ بولبوستۇق ايىنان، ۉلگۉلۉۉ باشتااقتىق رولۇن ۅرچۉتۅ الباعان. ۇشۇل ۉچۉن، 2 جىلدان بەرى، جەمەنەي وودانى قارجى سالىنماسىن ارتتىرىپ، كۅرك رايونۇنۇن سۇۇ، ەلەكتىر، جول، ساياقاتچىلارعا تەيلۅۅ جۉرگۉزۉۉ بوربورۇ، اۋتو ۇناا توقتوتۇۇ مايدانى قاتارلۇۇ جابدۇۇ قۇرۇلۇشۇن باچىمداتىپ، جەمەنەي جايلوو تاش شاارى مادانئيات ساياقاتچىلىق شەرىكتىگىن قۇرۇپ، كۅرك رايونۇن اچىپ ۅنۉكتۉرۉۉ قۇرۇلۇشۇ جانا جۉرگۉزۉۉ قىزماتىن جالپى بەتكەي باشتاعان. بىيىل، كۅرك رايونۇ ماملەكەت ىچىنەن كۅپتۅگۅن ساياقاتچىلاردى توسۇپ الدى. ساياقاتچى گو مىرزا مىنداي دەدى: «شئنجاڭدا مىنداي قووز جەر بار ەكەنىن ويلوبوپتۇرمۇن، ۇلۇۇ جاراتىلىشتىن ۅزگۅچۅ كۅرۉنۉشۉ بار ەكەن، كۅركۅم توولوردۇ، ار تۉرلۉۉ كۅركتۅردۉ كۅردۉم، بۇل ورۇن وقشوبويت ەكەن، باشقا ورۇنعا قوتورۇلساڭىز داعى وقشوبويت ەكەن، اياباي قووز، شىلئن تاش توقويۇنان قالىشپايت ەكەن، مۅرت بولسو داعى كەلەم.»

      ساياقاتچىلىقتىن ۅنۉگۉۉسۉ قارجى سالىنماسىن جەتەكتەپ، بئر تۉركۉم كۅۅلۅمدۉ قونوق سارايلار، ساياقات ەستەلىك بۇيۇمدار دۉكۅنۉ قۇرۇلۇپ، جەمەنەي وودانىنىن ئرى تىپتەكى ساياقاتتوو ۉيۉرمۅسۉن توسۇپ الۇۇ قۇرباتى ۇلاندۇۇ كۉچۅيگۅن. ۇشۇل نەگىزدە، جەمەنەي  وودانى ساياقاتچىلىقتى ەلدى بايىتۇۇ كەسپى قىلىپ، كۅرك رايونۇنۇن جاقىن ايلاناسىندا ساياقاتچىلىق بويۇنچا كەمباعالداردى جۅلۅۅ سىناق تۉيۉن قىشتاعىن قۇرۇپ، جىلدىز داراجالۇۇ دىيقاندار شاتتىعىن جەتىشتىرىپ، مالچى اتچاندار اتىرەتىن ۇيۇمداشتىرىپ، بوز ۉي زىيارات تۉيۉنۉ جانا توۋار ساتىپ الۇۇ رايونۇن قۇرۇپ، دىيقان، مالچىلاردى ساياقاتچىلىقا قوشۇلۇۇعا جەتەكتەگەن. وشونۇ مەنەن قاتار، جەمنەەي وودانى ورگانىك ۇي، قوي ەتىن، ساپاتتۇۇ بالدى ساياقات توۋارى قاتارى سىرتتارعا ساتىپ، دىيقان، مالچىلاردىن كىرەشەسىن ارتتىرعان. جەمەنەي وودانى ساۋۇر ادەپكى ەكولوگىيا بالچىلىق ئلىم-تەحنىكا چەكتۉۉ شەرىكتىگىنىن جووپتۇسۇ جاۋيۇان مىنداي دەدى: «سىرتتان كەلگەن ساياقاتچىلاردان، جەكە اۋتو ۇناا ايداپ كەلگەندەر بالچىلىق مايدانىما بارىپ كۅرسۅ بولوت، بئزدىن بالدارىبىزدى، بال قانداي كەلەرىن بئلىپ السا بولوت.»

    بىيىل، ماملەكەت جولۇ 219- لەنىياسى جالعاشتىرىلىپ، ەرتىش دارىيا كۅپۉرۅسۉ بۉتۉپ اۋتو ۇناا قاتتاپ، جەمەنەي وودانىنىن ساياقاتچىلىعىنا ۅنۉگۉۉ مۅرتۉن الىپ كەلىپ، التاي باتىش ايلانما لەنىياسىنداعى زارىل تۉيۉنگۅ ايلاندىردى. جەمەبەي ووداندىق ساياقاتچىلىق مەكەمەسىنىن باشچىسى گو شاۋجىياڭ، بىيىل 1- ايدان 9- ايعا چەيىن، جەمەنەي وودانىنا كەلىپ ساياقاتتاعانداردىن جالپى سانى 267 مئڭ ادام ىرەتكە جەتكەنىن، ساياقات كەرەكتۅۅسۉ 200 مئللىيون يۇاندان اشقانىن تاانىشتىرىپ مىنداي دەدى: «كىيىنكى ارىمدا داعى ەلە جوسپورلوو سىستەمابىزدى كەمەلدەندىرىپ، باشتااق جايلوو تاش شاارى كۅرك رايونۇن جاراتىپ، ساياقات لەنىياسىن جانا تۉشۉمدۅرۉن دولبوورلو جانا جوعورۇلاتۇۇنۇ باچىمداتىپ، ساياقات بازارى ۉگۉتۉ، ساتۇۇنۇ ارتتىرىپ، داعىدا كۅپتۅگۅن ساياقاتچىلاردى باتىش ايلانما لەنىيا ارقىلۇۇ ساياقاتتاپ ەكىسكورسىيالووعو جەتەكتەيبىز.»

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.