باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
كۉچتۉ توپتوپ، شايكەشتۉ جۇرتتۇ ورتوق قۇرۇپ چىعۇۇ
   2018-11-05 16:20:32     xjbs   

      جولدوش شئى جئنپىڭدى ۅزۅك قىلعان پارتئيا بوربوردۇق كومىتەتىنىن كۉچتۉۉ جەتەكچىلىگىندە، اپتونوم رايوندۇق پارتكوم بۉت شئنجاڭداعى ار ۇلۇت كادىر جۇرتچۇلۇعۇن جەتەكتەپ، پارتئيا بوربوردۇق كومىتەتىنىن شئنجاڭدى باشقارۇۇ جالپى ىقىمىن جالپى بەتكەي ىزچىلدەشتىرىپ، قووم وموقتۇۇلۇعۇ جانا ۇزاققا بەيپىل باشقارۇۇ باشقى نئشاانىن تەرمەلبەي جۉزۅلۅشتۉرۉپ، تەرروردۇققا قارشى تۇرۇپ، وموقتۇۇلۇقتۇۇ قورعوو كۉرۅشۉندۅ وروشون باسقىچ مۉنۅزدۉۉ ىيگىلىكتەرگە قول جەتكىرىپ، ار ۇلۇت كادىر جۇرتچۇلۇعۇنۇن ەە بولۇۇ سەزىمىن، باقىت سەزىمىن، قووپسۇزدۇق سەزىمىن زور داراجادا كۉچۅتۉپ، بەيپىل، قۇۇناق، قووز شئنجاڭ  ماملەكەت ئچى- سىرتىنداعى ساياقاتچىلار اراسىندا جاقشى القوولورعو ەە بولدۇ. 
      ىستانسىيابىز قابارچىسى حامەتتىن قابارى. 

       جاقىندا، ۉرۉمچۉ سوودا شاارچاسىندا كىيىم- كەچە سووداسى مەنەن الپۇرۇشچۇ لئى ايىمدىن دۉكۅنۉندۅ بئر قارىدار چىرلاشتى، چۇقۇل ابالدا، لئى ايىم قاباتتاعى بئر كۇنۇپكا ارقىلۇۇ سەگىنال بەرۉۉ شايمانىن باستى. بئر مئنۇتقا جەتبەگەن ۇباقىتتا، سوودا شاارچاسىنىن الدىنداعى ەلگە ىڭعايلۇۇ ساقچى ىشتەر پونكىتىنىن ەل ساقچىلارى مەنەن بازارداعى اماندىق قورعوو قىزماتچىلارىنان قۇرالعان قووم وموقتۇۇلۇعۇن قورعوو كۉچتۅرۉ دۉكۅنگۅ جەتىپ كەلىپ، قايچىلىقتى ماالىندا چەچتى. لئى ايىم مىنداي دەدى:-ال كىشى كەلىپ قىيقىم تاپتى، قارىدارلارىمدىن باارىن قاچىردى. «110» دوقۇلار كەلگەندەن كىيىن، بۇل چىردى ويدوقۇداي چەچتى. 
   
        لئى ايىم ۉرۉمچۉ سوودا شاارچاسىندا كىيىم- كەچە سووداسى مەنەن الپۇرۇشقانىنا 10 جىلدان اشتى. ال قابارچىعا مىنداي دەدى:- ۇشۇل كەزدەردە ماعا ەڭ تااسئر قىلعانى ەكى جىلدان بەرى بازار تارتئبى مەنەن اماندىق قورعوو چۅيرۅسۉ كۅرۉنۉكتۉۉ جاقشىلاندى. مەنىمچە ازىر اماندىق قورعوو اياباي جاقشى، ىلگەرى بئز بازاردا چۅنتۅك تەلەفۇن، كومپىيوتەر، اقچا، كىيىم- كەچە سىياقتۇۇلاردى جوعوتۇپ تۇرچۇبۇز، بئروق ازىر قىمبات باالۇۇ نەرسەلەردى قايسىل جەرگە قويۇپ قويسوڭۇز دا، قاتىرجام سوودا جاسايسىز. سىرتتاردا كۅچۅلۅردۅ جۉرسۅڭۉز دا قاتىرجام جۉرۅسۉز.

         ۉرۉمچۉ شاارىنداعى وورچۇندۇۇ سوودا تەگەرەگىنىن بئرى قاتارى، سوودا شاارچاسىنىن سوودا تەگەرەگىندە 10 بازار بار. كۉندۅلۉك قىردارلار ورتوچو چەنەمى 30 مئڭ ادامعا جەتەت. كۉندۅلۉك اماندىق قورعوو، تىزگىندۅۅ قىزماتىن جاقشى ىشتۅۅ ۉچۉن، سوودا شاارچاسىنداعى ەلگە ىڭعايلۇۇ ساقچى ىشتەر پونكىتى باش بولۇپ، قوومدۇق قونۇشتاعى ەل ساقچىلارى، قوومدۇق قونۇشتۇن ۇنىۋەرسال جۅنگۅ سالۇۇ ارنالۇۇ كادىرلارى، بازاردىن اماندىق قورعوو سىياقتۇۇلاردى باش بولۇپ ۇيۇمداشتىرىپ، قاراشتۇۇ رايوندۇن اماندىق قورعوو قىزماتىنا قاتىشتىرىپ، ابالدى بىردىكتە ماالىمدوو، بىردىكتە اراكەتتەنۉۉ ارقىلۇۇ، قاراشتۇۇ رايوندۇن ەچ قانداي قارانسىز جەرى قالبوو، جىلچىعى قالبوو، بوش جەرى قالبووعو كەپىلدىك قىلدى. سوودا شاارچاسىنداعى SY002 ەلگە ىڭعايلۇۇ ساقچى ىشتەر پونكىتىنىن باشچىسى دۇڭچۉن مىنداي دەدى:- ازىر بازاردا ابالدى بىردىكتە ماالىمدوو، بىردىكتە اراكەتتەنۉۉ جالپى بەتكەي جايىلدىرىلىپ، جالپى ساقچى ىشتەرىنە بايلانىشتۇۇ نەرسەلەردى كۅرۉۉ سالىشتىرماسىن جوعورۇ كۅتۅرۉلدۉ. مىندا سوودا شاارچاسىنىن سوودا تەگەرەگىندەكى تۉگۅل دەلوو كۅرۉلۉۉ سالىشتىرماسى بىلتىرقىدان 40 پايىز تۅمۅندۅدۉ.

  
       ۉرۉمچۉدۅ، ەلگە ىڭعايلۇۇ ساقچى ىشتەر پونكىتى شاار وبرازىن بەينەلۅۅدۅكۉ زارىل كۅزنۅككۅ ايلاندى. بيىل 8-ايدا ۅزگۅرتۉلگۅن شئنجاڭ ەل ارالىق چوڭ بازار كۅرك رايونۇنداعى ەلگە ىڭعايلۇۇ ساقچى ىشتەر پونكىتىنىن جىلۇۇ ماانايداعى، جان- جاقتىلۇۇ تەيلۅۅسۉ مەنەن تەز جووپ قايتارۇۇ جۅندۅمۉ ارقىلۇۇ، ار قايسى جاقتاردان كەلگەن ساياقاتچىلار مەنەن ۉرۉمچۉ شاار تۇرعۇندارىنا بەيپىل، قۇۇناق ساياقاتتاپ ەس الۇۇ چۅيرۅسۉن جاراتتى.
      ناق مايدان ۉنۉ: سالاماتسىزبى؟ فوتو اپپاراتىڭىزدى تاپشىرىپ الدىڭىزبى؟ تاپشىرىپ الدىم، جاڭ ساقچى سىزگە چوڭ ىراازىچىلىق. فوتو اپپاراتىڭىزدىن بۇزۇلعان جەرلەرى ؟ ىچىندەكى نەرسەلەردەن جوعولعوندورۇ بار بەكەن؟ جوق ەكەن، اياباي جاقشى وروپ- قاچالاپ جىبەرىپسىڭەر.

         چۅنتۅك تەلەفۇندا ۋىدىيو ارقىلۇۇ سۉيلۅپ جاتقاندار بولسو شئنجاڭ ەل ارالىق چوڭ بازار  TS103 ەلگە ىڭعايلۇۇ ساقچى ىشتەر پونكىتىنىن باشچىسى جاڭ جىنحاي مەنەن حۇناندىق ساياقاتچى فان ايىم ەلە. جاقىندا، فان ايىم شئنجاڭ ەل ارالىق چوڭ بازاردا ساياقاتتاپ وينوعون، وشول كۉنۉ تۉشتۅن كىيىن ۇچاقجايعا جەتىپ بارعاندا، فوتو اپپاراتىنىن بايقووسۇزدان جوعولعونۇن بىلەت. فان ايىم ابالدى ماالىمداعاندان كىيىن، جاڭ جىنحاي فان ايىم قامداعان قاتىشتۇۇ ابالدارعا نەگىز بئر اشقانادان فان ايىم تاشتاپ قويعون فوتو اپپاراتتى تابات ارى ەكىنچى كۉنۉ پوچتو ارقىلۇۇ فان ايىمعا جەتكىزىپ بەرەت. فان ايىم قۇبانعان تۉردۅ مىنداي دەدى:-ۇچاققا شاشقانىمان، مەن فوتو اپپاراتتى الا البايتۇرعانىمدى، جاڭ ساقچى جەتكىزىپ بەرسە دە ۇباقىتتىن اياباي چۇقۇل ەكەنىن، وشوندۇقتان پوچتو ارقىلۇۇ جەتكىزىپ بەرۉۉسۉن ايىتتىم. ال داعى تەز ەلە بولوت دەپ جووپ قايتاردى. مەن اياباي تااسىرلەندىم. شئنجاڭدىن ساقچىلارى مەەرىمدۉۉ، جووپتۇۇلۇعۇ كۉچتۉۉ، ساقچى كۉچترۉن چىعارۇۇ تەمپى دا تەز ەكەن. شئنجاڭعا بولعون تااسىراتىم اياباي تەرەڭ بولدۇ.
 
         شئنجاڭ ەل ارالىق چوڭ بازارداعى ەلگە ىڭعايلۇۇ ساقچى ىشتەر پونكىتىنە كىرسەڭىز، چۇقۇل قۇتقازۇۇ دارى ساندىعى، قول چاتىر، چۅنتۅك تەلەفۇنعو ماي تولۇقتوو شايمانى سىياقتۇۇ ەلگە ىڭعايلۇۇ تەيلۅۅ جابدۇۇلارى تولۇق ەكەن. جاڭ جىنحاي تاانىشتىرىپ مىنداي دەدى:- ەلگە ىڭعايلۇۇ ساقچى ىشتەر پونكىتى ساياقاتچى جانا شاار تۇرعۇندارىنا 50 نەچە تۉردۉۉ ەلگە ىڭعايلۇۇ تەيلۅۅ مەنەن اقسىز قامدايت. ەلگە ىڭعايلۇۇ ساقچى ىشتەر پونكىتتەرى دا شئنجاڭدىن بئر ناام كارتاسى، چار تاراپتان كەلگەن ساياقاتچىلاردى ادامگەرچىلىك تەيلۅۅسۉ مەنەن قامداپ، كۅپچۉلۉكتۉ كۅڭۉلدۉۉ، قاتىرجام، ىراقات وينوتوت. بئزدىن قىزماتتارىبىز ارقىلۇۇ، كۅپچۉلۉك بەيپىل، قووزدۇقتۇ سەزىنتىپ، باارى كىشىگە شئنجاڭدى جاقتىرتات.

       ۉرۉمچۉ سوودا شاارچاسى، ەل ارالىق چوڭ بازارعا وقشوش، تئيانشان تووسۇنۇن تۉندۉك- تۉشتۉگۉندۅ باارى جەردە شايكەشتۉۉ بەيپىل كۅرۉنۉش بار. جولعو قويۇلعان جەلەلەش ۅنۉمدۉۉ چارالاردىن جاردامىندا، شئنجاڭداعى ار ۇلۇت ەلىنىن قووپسۇزدۇق سەزىمى كۅرۉنۉكتۉۉ ارتتى. چوڭچىڭدىك ساياقاتچى لئى ايىم مىنداي دەدى:- شئنجاڭدى كۅرۉپ، اتا مەكەنىبىزدىن اياباي كەڭىرى ەكەنىن بىلدىك، بۇل جولۇ شئنجاڭدىن اماندىق قورعوو ىشتەرىنىن اياباي جاقشى ەكەنىن سەزىپ، قاتىرجام بولدۇق. مەن قايتىپ بارعاندان كىيىن، داعىدا كۅپ دوستورۇمدۇ شئنجاڭعا كەلۉۉنۉ ايتام، شئنجاڭ اماندىق قورعوو قىزماتىن اياباي جاقشى ىشتەپتىر. سىلەردى قۇپتايبىز.

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.