باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
كەمباعالدىقتان ارىلىپ بايۇۇنۇن باشتامچىسى ـ پاشاگۉل كەرىم
   2018-11-05 16:23:00     xjbs   

«ماملەكەتتىك كەمباعالدىقتان ارىلتۇۇ چابۇۇلۇندا العالوو سىيلىعى»نىن ەەسى، ۇلۇۇچات وودانى بۅرتوقوي ايىلى اقچئي قىشتاعىنىن تۇرعۇنۇ پاشاگۉل كەرىم الدى- ارتى بولۇپ بئر قانچا جۉز ەجە- سئڭدى ايىلداشتارىن باشتاپ توو اراسىنان چىعىپ، دەڭىز جەەگىندەگى رايوندورعو بارىپ جۇمۇش ىشتەپ، وشول جەردىن كەمباعالدىقتان ارىلتۇۇ چابۇۇلۇ ۉچۉن ىشتىكتۉۉ سالىم قوشتۇ.  ىستانسىيابىز قابارچىسى سۇن ۋەي، قىزىلسۇۇ تەلە ىستانسىياسىنىن قابارچىسى لئى يانمئندىن قابارى:

ۉيۉندۅ قىيىنچىلىعى بولعوندۇقتان، 2006- جىلى 6- ايدا، پاشاگۉل كەرىم ۇلۇۇچات وودانى ۇيۇشتۇرعان ەمگەك كۉچتۅرۉن چىعارۇۇعا قاتىشىپ، گۇاڭدوڭ ۅلكۅسۉ دوڭگۇان شاارى حىڭلئى شاارچاسىنداعى ەلەكتىروندۇق تەتىكتەر زاۋوتۇنا بارىپ جۇمۇش ىشتەپ، وشول جىلى 15 مئڭ يۇان كىرەشە كىرگىزگەن. ال مىنداي دەيت: العاچىندا زاۋوتقو بارعاندا تەحنىكاعا چالا ەلەم. بئروق مەن بەلدى بەكەم بايلاعامىن. ايىلدان بۇل جەرگە كەلىپ جۇمۇش ىشتۅۅنۉ تانداعان ەكەمىن، زور داراجادا چىمىرقانۇۇم كەرەك دەپ ويلودۇم، وشوندۇقتان زاۋوت جەتەكچىلەرى جانا قىزماتتاشتارىمدىن جاردامىندا، چىمىرقانىپ ۉيرۅندۉم، تەحنىكام داعى بارعان سايىن جاقشىلاندى. ۉي بۉلۅبۉز دا تەز ەلە ۉي بۉلۅنۉن قىيىنچىلىقتۇۇ ابالىنان ارىلدى.
پاشاگۉل كەرىم ۉزگۉلتۉكسۉز تىرىشۇۇ ارقىلۇۇ اقىرىنداپ تەحنىكاعا چالا مايدا جۇمۇشچۇدان ۅندۉرۉش لئنىياسىنداعى داسىققان چەبەر جۇمۇشچۇعا ايلانىپ، كىيىن ماياناسى ان سايىن جوعورۇ بولعون دوڭگۇان لۉ جوۋ اياق كىيم چەكتۉۉ شەرىكتىگىنە تاانىشتىرىلىپ، ايىنا 5000 يۇان مايانا الا الا تۇرعان بولعون. پاشاگۉل كەرىم اقىرىنداپ گۇاڭدوڭ ۅلكۅسۉندۅ بۇتۇنا تۇردۇ، بئروق قىشتاقتاعى ەجە- سىڭدىلەرىن ۇنۇتۇپ قالعان جوق. وشوندون كىيىن، پاشاگۉل كەرىم ايلاناداعى كىشىلەردى گۇاڭدوڭعو بارىپ جۇمۇشتانۇۇعا ۇيۇشتۇرۇپ، وشونۇ مەنەن انسايىن كۅپتۅگۅن كەمباعال ەمگەك كۉچتۅرۉ توو اراسىنان چىعىپ، زاۋوتتورعو كىرىپ، ۅزدۅرۉنۉن بئر جۇپ قولۇ ارقىلۇۇ كەمباعالدىق ابالىن ۅزگۅرتتۉ. ۇلۇۇچات وودانى بۅرتوقوي ايىلى اقچئي قىشتاعىنىن تۇرعۇنۇ الىباي مۇسا مىنداي دەيت: ىچكەرىدەگى زاۋوتتورعو بارىپ، كۅز چابىتىبىز كەڭىردى، ازىر كۅپتۅگۅن تەحنىكا جانا تاجىرىيبالاردى ۉيرۅندۉك، ايالىم ەكۅۅبۉز ار ايدا 7-8 مئڭ يۇاندان كىرەشە كىرگىزەبىز، بئر جىلدا 70- 80 مىڭدەي كىرەشە بولوت، تۇرمۇشۇبۇز جاقشىلاندى.
2015- جىلدان بەرى، پاشاگۉل كەرىم الدى- ارتى بولۇپ 521 قىزىلسۇۇلۇق كىشىلەردى گۇاڭدوڭعو بارىپ جۇمۇشتانۇۇعا ۇيۇشتۇردۇ، انىن ىچىندە كەمباعال ەمگەك كۉچتۅرۉ 210 كىشى بولۇپ، كەمباعال تۉتۉندۅردۉن جالپى 630 مئڭ يۇان كىرەشە كىرگىزۉۉسۉنۅ قول قابىش قىلىپ، ارحىپ تۇرعۇزۇپ كارتا بۉتۉرۉلگۅن 179 تۉتۉندۉن سىزىل كىرەشە كىرگىزۉۉنۉ ىشكە اشىرۇۇسۇنا جاردام بەردى. 10 نەچە جىلدان بەرى، پاشاگۉل كەرىم ەمگەك كۉچتۅرۉن سىرتقا چىعارىپ بايۇۇنۇن باشتامچىسى قاتارى، الدى- ارتى بولۇپ ۇلۇۇچات وودانىنىن سىيلووسۇنا تاتىقتۇۇ بولعون، 2016- جىلى « اپتونوم رايون بويۇنچا ايىلداعى ارتىق ەمگەك كۉچتۅرۉن قوتورۇپ جۇمۇشتاندىرۇۇداعى الدىنقى جەكە» بولۇپ باالانعان، بىيىل داعى «ماملەكەت بويۇنچا كەمباعالدىقتان ارىلتۇۇ چابۇۇلۇنداعى العالوو سىيلىعى»نا تاتىقتۇۇ بولدۇ. ۇشۇنداي اتاقتار الدىندا، پاشاگۉل كەرىم مىنداي دەيت: مەنىن بۉگۉنكۉدۅي ۇشۇنداي تابىلعالارعا جانا كىرەشەلەرگە قول جەتكىرۉۉمدۅ پارتئيانىن جاقشى ساياساتىنا ەڭ ەلە ىراقمات ايتامىن. جولدوش شئى جئنپىڭ: باقىت كۉرۅشۉۉدۅن كەلەت، دەپ ايتقان. بئر پارتئيا مۉچۅۉ قاتارى، مەن پارتئيا مۉچۅلۅرۉنۉن الدىنقى ەپكىندۉلۉك رولۇن ۇلاندۇۇ كۅرسۅتۉپ، مۇرداقىداي ەلە قالايىق قالققا جاردام بەرىپ، الاردى سىرتقا چىعىپ جۇمۇشتانۇۇعا ۇيۇشتۇرۇپ، ۅزدۅرۉنۉن چىمىرقانۇۇسۇ ارقىلۇۇ كەمباعالدىقتان ارىلۇۇسۇنا قول قابىش قىلامىن.

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.