باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
ارالىق قانچا الىس بولسو دا بئز داعى ەلە جاقشى دوستوردونبۇز
   2018-11-05 16:24:40     xjbs   


اۋات وودانى تامتوعراق شاارچاسى تۉگمۅنباشى قىشتاعىنىن تۇرعۇنۇ ابەيدۇللا اۋۇتتۇن الىستاعى چوڭچىڭ شاارى دازۇ رايونۇ جۇشئى بازارى شىياۋتان قىشتاعىنىن تۇرعۇنۇ تاڭ پئيچىياڭ مەنەن ارالىعى الىس بولسو داعى دوستۇق مەەرى- ماحاباتى تەرەڭ، الاردىن اراسىندا قانداي اڭگەمە باردىر؟ اۋات رادىيو ىستانسىياسى قابارچىسى ۋاڭ جئنشا، گۉلقايىر اساندىن  قابارى.
جاقىندا ابەيدۇللا اۋۇت چۅنتۅك تەلەفونۇ ارقىلۇۇ چوڭچىڭدەگى تاڭ پئيچىياڭ مەنەن ۋىيدىيودو سۉيلۅشتۉ، تاڭ پئيچىياڭ تۉگمۅنباشى قىشتاعىنىن ۅنۉگۉۉسۉن بارعان سايىن جاقشىلانعانىن ۇعۇپ، اياباي سۉيۉندۉ. 

1997- جىلى تاڭ پئيچىياڭ چوڭچىڭدەن اتالعان قىشتاققا كەلىپ، ۇيعۇر تئلىن بىلبەگەندىكتەن ابدان قىينالات، وشول كەزدە قىشتاقتا كاسسىر بولۇپ ىشتەپ جاتقان ابەيدۇللا اۋۇت دىلگىرلىك مەنەن جاردام بەرىپ تاڭ پئيچىياڭدى  ورۇن- وچوق الدىرات، ابەيدۇللا اۋۇت مىنداي دەدى:« تاڭ پئيچىياڭ بئزدىن قىشتاقتا تۇرعان كەزدە قىشتاق تۇرعۇندارىنا ئلمىي ەگىنچىلىك ارعاسىن استايدئل ۉيرۅتۉپ، قىيىنچىلىقتۇۇ تۉتۉندۅرگۅ كەپىل بولۇپ، ۉرۅۅن، جەر سەمىرىتكىچ ساتىپ الىپ بەرۉۉچۉ».
تاڭ پئيچىياڭدىن قىشتاق تۇرعۇندارىنا قىلعاندارى ابەيدۇللا اۋۇتتۇ اياباي تااسىرلەندىرگەن بولۇپ، ار جولۇ ۉيدۅ پولو جاساسا، ەت سالسا ابەيدۇللا دايىما تاڭ پئيچىياڭدى قونوق بولۇپ كەتۉۉگۅ سۇنۇش قىلات بولۇچۇ. تاڭ پئيچىياڭ مىنداي دەدى: «جەر ايداعاندا مەندە ات ارابا بولبوعوندۇقتان ال ات اراباسىن، تىراكتورۇن بەرىپ تۇرۇچۇ، مەن دايىما الاردىن ۉيۉنۅ بارىپ تاماق جەەپ بئر ۉي- بۉلۅ كىشىلەرىندەي ۅتچۉبۉز».

2010- جىلى كۉزكۉ جىيىم- تەرىمدەن كىيىن تاڭ پئيچىياڭ قارتايىپ قالعان ەنەسىنىن ابالىنان قابار الۇۇ ۉچۉن، قىيباعان تۉردۅ شئنجاڭدان ايرىلىپ چوڭچىككە قايتىپ كەتەت، ابەيدۇللا اۋۇت انى پويۇز ۋاكزالىناچەيىن  ۇزاتقالى چىعات. ال ەمى 8 جىلدان بەرى ەكۅۅ تەك ۇباقىت بولسو ەلە ابال سۇراشىپ تۇرۇشتۇ، 2016- جىلى 8- ايدا تاڭ پئيچىياڭ اقىرى ۇباقىت چىعارىپ، ەكىنچى جۇرتۇنا قايتىپ كەلىپ، ابەيدۇللا اۋۇت مەنەن كۅرۉشتۉ. تاڭ پئيچىياڭ مىنداي دەدى:« كۅرۉشپۅگۅنۉبۉزگۅ كۅپ جىل بولعوندۇقتان چوعۇۇ اراق ئچىپ كۅپگۅ چەيىن سۉيلۅشتۉك، ماعا لاعمان جاساپ بەردى، داعى بال دايارداپ قويۇپتۇر،  ال داعى 10، 20 كىلوگىرام كەلەتۇرعان چوڭ دااربىزدان ۉچتۉ پويۇزعا الىپ چىعىشىپ بەردى، اياباي سۉيۉندۉم».

جاقىندا تاڭ پئيچىياڭدىن 80 جاشتان اشقان ەنەسىنىن كۅز جۇمعاندىق قابارىن ۇققاندان كىيىن ابەيدۇللا اۋۇت اياباي قايعىردى. اۋات ووداندىق مادانئيات، دەنە- تاربئيا، رادىيو، تەلە مەكەمەسىنىن تۉگمۅنباشى قىشتاعىندا تۇرۇشتۇۇ «ەل ابالىن بىلۉۉ، ەلگە نارىپ جەتكىرۉۉ، ەل كۅڭۉلۉن الۇۇ» قىزمات اتىرەتىنىن باشچىسى جئن شۉ مىنداي دەدى:« الدىنقى مەزگىلدەردە ابەيدۇللانىن كۅڭۉلۉ جارىم بولۇپ جۉردۉ، كۅپچۉلۉك انىن چوڭچىكدەگى دوسۇنۇن ەنەسى كۅز جۇمعاندىعىن، انىن دوسۇنۇن كۅڭۉلۉن قانتئپ جۇباتارىن بىلبەيتۇرعان بىلىپ، كۅپچۉلۉك الاردىن دوستۇق مەەرى- ماحاباتىنان اياباي تااسىرلەندى».

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.