باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
كەسپىي جۅندۅمگۅ تاربئيالاپ جەتىشتىرۉۉ، ادامدىق ۇقۇقتۇ ەڭ جاقشى ۇرماتتاعاندىق جانا قورعوعوندۇق
   2018-11-05 17:25:47     xjbs   

 حوتەن ايماعىنا بارىپ ەكىسكورسىيالاپ تەكشەرىپ ىزىلدۅۅگۅ بارعان ادىستەر: كەسپىي جۅندۅمگۅ تاربئيالاپ جەتىشتىرۉۉ، ادامدىق ۇقۇقتۇ ەڭ جاقشى ۇرماتتاعاندىق جانا قورعوعوندۇق دەپ كۅرسۅتۉشتۉ.
 
    11- ايدىن 3- كۉنۉ، شئنجاڭدىن ئچى-سىرتىنان كەلىپ ۇيۇمدالعان تەكشەرىپ ىزىلدۅۅ گۇرۇپپاسى حوتەن شااردىق، حوتەن ووداندىق كەسپى جۅندۅمگۅ تاربئيالاپ جەتىشتىرۉۉ بوربورۇنا كەلىپ، كۇرسانتتار مەنەن مايەكتەشىپ، الاردىن ۉيرۅنۉش، تۇرمۇش جانا جۇمۇشقا ورۇنداشۇۇ ابالىن ەەلەپ، بۇل جەردەكى ۅزگۅرۉشتۅردۉ كەرت باشى مەنەن سەزىنىشتى.  ىستانسىيابىز قابارچىسى جئنلەيدىن قابارى:
 
    حوتەن شااردىق كەسپى جۅندۅمگۅ تاربئيالاپ جەتىشتىرۉۉ بوربورۇنۇن تۇۇعاندار كۅرۉشۉۉ ۉيۉندۅ، كۇرسانت رۇقۇنا ابدۇروزى جانا كۉيۅۅسۉ 4 جاشار كىچى قىزىنا تۇۇلعان كۉنۉن ۅتكۅرۉپ بەرىپ جاتات. رۇقۇنا ابدۇروزى مىنداي دەدى: «ار قايسى جاقتان شارت-جاعدايى اياباي جاقشى ەكەن، بئزدىن تۇرمۇشۇبۇز داعى اياباي جاقشى، جەگەن، ىچكەن، كىيىگەنىبىز، جاتاعىبىز باارى اقىسىز، قىيىنچىلىق بولسو بىزگە ۅز ماالىندە چەچىپ بەرەت، ازىرقى مىلدەتىم ــــ ۅزۉمدۉن مادانئيات دەڭگەەلىمدى جوعورۇ كۅتۅرۉپ، بالامدى جاقشى تاربئيالاپ چىعۇۇ».

    دئنني وپسۇز ئدىيانىن ازدىرۇۇسۇ جانا تااسىرىنە ۇچۇراپ، رۇقۇنا ابدۇروزى ىلگەرى وقۇۇسۇنان كەچىپ، بالاسىنىن داعى ەچ قانداي كۅڭۉل اچۇۇ قىيمىلدارىنا قاتىشۇۇسۇنا جول قويبوعون. كەسپى جۅندۅمگۅ تاربئيالاپ جەتىشتىرۉۉ بوربورۇندا ۉيرۅنۉۉ ارقىلۇۇ، انىن ئدىيا كۅز قاراشىندا زور ۅزگۅرۉۉ كۅرۉلگۅن. بۉگۉنكۉ كۉندۅ، رۇقۇنا ابدۇروزى ۉي-بۉلۅۅسۉنۉن تۇرمۇشۇن جاقشىلالوو ۉچۉن  زامانباپ مادانئي تۇرمۇشتۇ قۇبالاشىپ، كەسپى جۅندۅمۉن ۇلاندۇۇ جوعورۇ كۅتۅردۉ.

    رۇقۇنا ابدۇروزىنىن باشىنان ۅتكۅرگۅندۅرۉن بئلىپ، انىن ۅزگۅرگۅنۉن كۅرگۅندۅن كىيىن، جۇڭگو ازىرقى زامان ەل ارالىق بايلانىشتى ىزىلدۅۅ وردۇ تەروردۇققا قارشى تۇرۇۇنۇ ىزىلدۅۅ بوربورۇنۇن مۇدۇرۇ، ىزىلدۅۅچۉسۉ لئۋىي مىنداي دەدى: «وپسۇز ئدىيانىن تااسىرىنە ۇچۇراعان  كۅپتۅگۅن ادامدار، ەگەر باشقارباسا، الار تار جولعو باسىپ، ەڭ اقىرىندا تۇيۇق جولعو باسىپ، تەرورچۇلۇقتۇن جەمىنە ايلانىپ قالات، بۇل تاربئيالاپ جەتىشتىرۉۉ بوربورۇ، چىنىندا بۇل ادامداردى تۇيۇق جولدون تارتىپ چىعات.»

   حوتەن شاارى، حوتەن ووداندىق كەسپى جۅندۅمگۅ تاربئيالاپ جەتىشتىرۉۉ بوربورۇندا، ادىستەر وقۇتۇۇ ۉيۉ، جاتاق، اشقانالاردىن ەكىسكورسىيالاپ، كۇرسانتتاردىن ۉيرۅنۉش تۇرمۇش جانا ئدىيا ابالىن جان-جاقتىلۇۇ ەەلەدى. حوتەن شااردىق كەسپى جۅندۅمگۅ تاربئيالاپ جەتىشتىرۉۉ بوربورۇنۇن كۇرسانتى شەپقەت ەنىۋار مىنداي دەدى: «جاتاقتا اباا تەڭشەگىچ بار، كىلاستا داعى بار، تاماعىبىز جاقشى، دۉمدۅمۅ بالىق ەتى، پولو جەيبىز، ايتوور اياباي جاقشى. وورۇپ قالساق دوقتۇر بار، مۇعالىمدەر داعى اياباي كۅڭۉل بۇرۇپ تۇرات.»

   حوتەن شااردىق كەسپى جۅندۅمگۅ تاربئيالاپ جەتىشتىرۉۉ بوربورۇنۇن كۇرسانتى الىمجان مەمىتىمىن مىنداي دەدى: «زاكون بەلگىلەمەلەردى ۉيرۅندۉك، اق-قارانى ايرىمالوو جۅندۅمۉبۉز جوعورۇلادى، (3 تۉرلۉۉ كۉچ) تۅردۉن بىزگە الىپ كەلگەن قووبۇن، زىيانىن تاانىپ جەتتىك، پارتئيا مەنەن ۅكۉمۅت ماعا قايتادان ادام بولۇۇ مۅرتۉن بەردى.»

    كەە بئر كۇرسانتتاردىن كىلاستا استەيدىل ۉيرۅنۉپ جاتقانىن، كەە بئر كۇرسانتتاردىن ىرداپ، بىيلەپ ويۇن نومۇرلارىن ماشىعىپ جاتقانىن، كەە بئر كۇرسانتتاردىن ۅندۉرۉش سەحىندا قىزمات قىلىپ جاتقانىن كۅرگۅندۅن كىيىن، جۇڭگو قوومدۇق ىلىمدەر اكادەمىياسى دۉينۅلۉك دئن ىزىلدۅۅ وردۇنۇن پارتكوم شۇجئشى، ىزىلدۅۅچۉسۉ جاۋ ۋىنحوڭر باتىشتاعى  كەە بئر ماالىمات ارالجىلارى جانا كىشىلەردىن ئش جۉزۉندۉككۅ جات تۉردۅ جۇڭگو شئنجاڭدىن تاربئيالاپ جەتىشتىرۉۉ قىزماتىن ايىپتاعانىن، بۇل نەگىزى جوق سۅز ەكەنىن ايتىپ مىنداي دەدى: «كەسپى جۅندۅمگۅ تاربئيالاپ جەتىشتىرۉۉ بوربورۇ مەەرىمگە، جاشوو مۅرتۉنۅ، ۉمۉتكۅ تولعون، بۇل ادامدىق ۇقۇقتۇ ەڭ ۇرماتتاعاندىق، قورعوعوندۇق، ادامدىق ۇقۇقتۇ ئش جۉزۉندۉۉلۉكتۅن ۅتكۅرۉۉدۅكۉ بئر تۉرلۉۉ ىقما، انتكەنى الارعا چىنىعى جاردام بەرىپ قۇتقارىپ جاتابىز، ارتىنان جىلۇۇ كۉن نۇرۇ استىندا تۇرمۇشقا بەت الات، مەنىمچە بۇل اياباي جاقشى.»

    باتىشتاعى كەە بئر جامان ويۇ بار ادامدار چىندىقى بۇرمالاپ، جۇڭگو شئنجاڭدىن تاربئيالاپ جەتىشتىرۉۉ قىزماتى دئننىي ىشەنىم ەركىندىگىن چەكتەدى دەپ ايىپتاعان، شئنجاڭ قوومدۇق ىلىمدەر اكىدەمىياسى دئن ىزىلدۅۅ وردۇنۇن ىزىلدۅۅچۉسۉ ما پئنيان مىنداي جووپ قايتاردى: «وپسۇزدۇقتۇ جويۇۇ دئنني ەركىندىك چەكتۅۅ ەمەس، دىنگە سوققۇ ۇرۇۇ ەمەس، تەسكەرىسىنچە وپسۇزدۇقتۇ جويۇۇ دىنگە ىشەنۉۉ ەركىندىگىن كەپەلەتكە ەە قىلعاندىق.»

   تاربئيالانىپ جەتىلۉۉ بارىشىندا، كۇرسانتتار دئنني وپسۇز ئدىيانىن تۇشووسۇنان قۇتۇلۇپ، بئلىم، جۅندۅم ۉيرۅنۉپ، زامانباپ مادانىيلىكتى جانا قاراپايىم تۇرمۇشتۇ قابىلدادى. اپتونوم رايوندۇق ەل قۇرۇلتاي تۇراقتۇۇ كومىتەتى زاكون-تۉزۉم قىزمات كومىتەتىنىن مۇدۇرۇ لئجۇان مىندان اياباي قۇباندى. ال، كەسپى جۅندۅمگۅ تاربئيالاپ جەتىشتىرۉۉ قىزماتى دئننىي وپسۇز ئدىيانى جويۇپ، تەروردۇقتۇن باشاتىن تازالاپ، قووم وموقتۇۇلۇعۇ ۉچۉن بەكەم پايدۇبال تۉپتۅگۅنۉن ايتىپ مىنداي دەدى: «كەسپى جۅندۅمگۅ تاربئيالاپ جەتىشتىرۉۉ، وپسۇزدۇقتۇ جويۇۇداعى بئر ۅنۉمدۉۉ چارا قاتارى، بۇل بئر تەروردۇققا قارشى تۇرۇۇ بارىشىنداعى بئر چوڭ جاراتۇۇچۇلدۇق. شئنجاڭدىن مىنداي سىناق قىلۇۇسۇ اياباي جاقشى بەرەكەتكە قول جەتكىرىپ، زوروكەر، تەروردۇق پايدا بولعون توپۇراقتى تۉپ تامىرىنان تازالادىق، بۇل مادانىيلىكتىن العا باسۇۇسۇ.»

   اپتونوم رايونۇبۇز كەسپى جۅندۅمگۅ تاربئيالاپ جەتىشتىرۉۉ قىزماتىن قۇلاچ جايىلتقاندان بەرى، جەر-جەرلەردىن قوومدۇق چۅيرۅسۉندۅ كۅرۉنۉكتۉۉ ۅزگۅرۉۉ كۅرۉلۉپ، دئنني وپسۇز ئدىيانىن تارالۇۇسۇ قالايىق-قالىقتىن بىلەسەلۉۉ قاعىرۇۇنۇنا ۇچۇراپ، ار ۇلۇت ەلىنىن قارىم-قاتتوو، پىكىر الماشتىرۇۇ، جۇۇرۇلۇشۇۇسۇ داعىدا تىعىزداشىپ، ۇلاندۇۇ 22 اي زوروكەردىك، تەروردۇق دەلولورۇ كۅرۉلبۅي، ار ۇلۇت ەلىنىن قووپسۇزدۇق سەزىمى، باقتىلۇۇلۇق سەزىمى، ەە بولۇۇ سەزىمى كۅرۉنۉكتۉۉ جوعورۇلادى. ماملەكەتتىك ەل قۇرۇلتاي ۅكۉلۉ، ماملەكەتتىك ەل قۇرۇلتاي تۇراقتۇۇ كومىتەتى قوومدۇق قۇرۇلۇش كومىتەتىنىن مۉچۅسۉ، بوربوردۇق ەل ۅكۉمۅتتۉن اقىلچىسى، جۇڭگو قوومدۇق ىلىمدەر اكادەمىياسى ئلىم وردۇنۇن مۉچۅسۉ حى شئڭلىياڭ مىنداي دەدى: «شئنجاڭ 2 جىلعا جەتبەگەن ۇباقىت ىچىندە تەروردۇق وقۇيالارىن نەگىزىنەن جويدۇ، شئنجاڭدا پارتئيا مەنەن ۅكۉمۅتتۉن كەسپى جۅندۅمگۅ تاربئيالاپ جەتىشتىرۉۉ بوربورۇن قۇرۇۇسۇ بئر جاڭىلىق جاراتۇۇ چاراسى بولۇپتۇر، ماملەكەتىبىز ۉچۉن ەلە ەمەس، دۉينۅدۅكۉ ار قايسى ماملەكەتتىن تەروردۇققا، وپسۇزدۇققا قارشى تۇرۇۇسۇن ۉلگۉ مەنەن قامدادى.»

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.