باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
سايرام كۅلۉ كۅرك رايونۇ «قار- مۇز كۅركۉ، كۅك مۇزدا جولۇعۇشۇۇ»- اتتۇۇ ساياقات قىيمىلىن جارىققا چىعاردى
   2018-11-29 10:36:26     xjbs   

سايرام كۅلۉ كۅرك رايونۇ «قار- مۇز كۅركۉ، كۅك مۇزدا جولۇعۇشۇۇ»- اتتۇۇ ساياقات قىيمىلىن جارىققا چىعاردى. بىيىل قىشتا سايرام كۅلۉ كۅرك رايونۇ «قار- مۇز كۅركۉ، كۅك مۇزدا جولۇعۇشۇۇ»- اتتۇۇ ساياقات قىيمىلىن جارىققا چىعارىپ، ساياقاتچىلارعا قار- مۇز ساياقاتىنىن تارتۇۇ كۉچۉن تەرەڭدەي سەزىندىردى.

بورتالا شااردىق رادىيو- تەلە ىستانسىياسى قابارچىسى ۋاڭ جئڭتاۋ، حۇاڭ گىنشئلەردىن بۇل جۅنۉندۅكۉ قابارى:

قىشتا سايرام كۅلۉ كۉمۉش تۉسكۅ ورولۇپ، قويۇۇ جاپجاشىل قاراعاي مەنەن قارلۇۇ توو بئر- بىرىنە قىنالىشىپ، كۅل سۇۇسۇ قۇدۇم بئر كۅك بەرمەتتەي كۅرۉنۉپ، ابدان قووز بولۇپ كەتەت. فۇجىياندىق ساياقاتچى لئى شا كۅل بويۇنا كەلىپ كۅز الدىنداعى قووز كۅرككۅ ماشىرلانىپ بولۇپ مىنداي دەدى:« مىنداي چوڭ كۅلدۉ بئرىنچى جولۇ كۅرۉشۉم، الىستان قاراسا دەڭىزدەي كۅرۉنۅت ەكەن، وشوندوي ەلە اق مەنەن كۅك تۉس قىنالىشىپ، ابدان قووز بولۇپ كەتىپتىر». كۅل جەەگىندە تۇرساڭىز كۅل سۇۇسۇ، اپپاق قار، كۅك اسمان، تۇماندان قۇرالعان قووز سۉرۅتتۅي كۅرۉش ار قايسى جەرلەردەن كەلگەن ساياقاتچىلارعا ۇنتۇلعۇس ەستەمە بولۇپ قالات.

 حۇناندىق ساياقاتچى جىڭ رۇيفىن  مىنداي دەدى:« بۇل مەن كۅركۅن ەڭ قووز كۅرك، بئر جولۇ كەلسەڭىز، ەكىنچى، ۉچۉنچۉ، تۅرتۉنچۉ، اتىگۉل بئر جىلدىن تۅرت مەزگىلدە تەڭ كەلۉۉنۉ ويلويسۇز، شئنجاڭدىن قووزدۇعۇن چىنىندا چاعىلدىرىپتىر». سايرام كۅلۉنۉن قىشقى ساياقات بايلىعى مول بولۇپ، قالىڭ ساياقاتچىلارعا قار- مۇز ساياقاتىنىن قۇبانىچىن تولۇق سەزىندىرۉۉ ۉچۉن بۅرتالا وبلاسى سايرام كۅلۉ كۅرك رايونۇ مول تۉركۉن- تۉستۉ قار- مۇز قىيمىلىن ۅتكۅرۉپ، كۅرك رايونۇندا جارىم بەلەت بااسىن قولعو قويدۇ.

بورتالا وبىلاستىق سايرام كۅلۉ كۅرك رايونۇن باشقارۇۇ كومىتەتى ۉگۉت بۅلۉمۉنۉن باشچىسى جئى حوڭفۇ مىنداي دەدى:« بئز سايرام كۅلۉنۉن كۅك مۇزۇنداي بۇل تابئيعىي بايلىعىنان تولۇق پايدالانىپ، مۇز ايكەلىن جاسادىق، اندان باشقا بالداردىن جاقشى كۅرۅسۉنۅ قاراي قار- مۇز باقچاسىن قۇرۇپ، مۇزدا اۋتو ۇناانى چىمىرىلتۉۉ جارىشى، قار موتوسىكىلىت جارىشىن ۅتكۅرۉپ، كۅپچۉلۉككۅ قار- مۇز اراكەتى الىپ كەلگەن قۇبانىچتى تولۇق سەزىندىردىك».

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.